Ta'aposeli 18:23 - Ata New Testament

²³ Polu muxali ne Anitioki xe muxolu maxuveni sevile ka mulutula. Mulutula la muxixao no tuatuala no xale lia ne Xalesia xe ne Vilixia so mu'oxonu pakia'a talopala no tuatuala ne.

Ta'aposeli 18:23 Referans Kwoze

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 15:41

Mi'italone'i mu­kalu laso ane'i ilou milutu milai no xale lia ne Silia xe ne Silisia. Milai xe mixali no anu pitapita no tuala aneva la mixolu mo Polu mu'oxonu pakia'a no anu vaika­laou Mosinge.

Ta'aposeli 15:32

La Iutasi ilou Sailasi ne ane'i tamitema so pela'a. Laso ane'i ilou milosi'a vaikala so mi'itinu Tatananenge ualasou mo mu'oxonu pakia'a talopala.

1 Tesalonaika 5:14

Mo tavivixe, nexi tamasaxau ta'uvutinixinge aloxo 'o. Ta'ei noxinge ane loxo ipolo va'axu la ngalovonixi'a. Xe ane'i ane opone'i kalaua sevile la ngamamatolane'i. Xe ane'i loxo mamalaxa'a no anu lopala la nga'oxonu pakia'a. Xe noxi'a tavivinge mukalusi la opongengi tu'umaxu noxi'a palea uasi, nga'oxonu se'isisi noxi'a.

Xalesia 4:14

La siki no vasimelo ne mulosinge tu'umaxu ia ngingi ngamatapialeli o ngaleve­tesilo uasi. Ngingi nge'o­sasilo mo nge'unaleli noxinge a loxo eni angelou Mosinge o Kalaisiti Iesua anu molu.

1 Kolini 16:1

Ioxe, eni amasaxau avikalange­ngixu lamoli ane so ngapitanu so ulai noxi'a tamitemaou Mosinge ne Ielusalemo. Eni epamuxane'i tate­manu pitapita ne Xalesia polovinisi no anu mi anene. Laso ngingi kalumo ngamulinu axone.

1 Tesalonaika 4:18

Laso ngalemolu vaikala ano'o so ngamamatolangengi no anu ngato'o.

1 Tesalonaika 3:2

Laso tepalusou Timoti mune'e noxinge so u'oxonu pakia'inge mo umama­tolangengi no anu lopala noxinge. Timoti ne anu vivinge ane, anu uva'isu no anu xaixai noxou Mosinge so talanu vaikala laixe so Kalaisiti.

Xalesia 1:2

Nexi noxi'a tavivinge mukalusi e taxolu 'o takalanu lapasi ano'o ulai noxinge tatemanu pitapita ne Xalesia polovinisi.

Ta'aposeli 16:40

Ioxe, ilou milutu no tasou lakalavusu la milai no tasie Litia. Ilou milai xe tavivinge no anu lopala mipita la ilou milosi'a vaikala se'i so mi'oxonu pakia'a. Xe ili'i laso ane'i milutu so mixexesou tuala ne.

Luku 22:43

La angelo vile so tualasou Mosinge mune'e mupa noxou so mu'oxonu pakia'u.

Luku 22:32

Ia eni epilixineni noxou Mosinge mukalu so lopala noxine ulapau avile uasi. Mo so axone xe naxiu nalivui la xavine so na'oxo pakia'a tavivine.”

Luku 1:3

Ioxe, eni exolu ekilolo laixe no anu mi kikitu no anu a'alo noxi'a, musoko'u no tava'u manina mune'e. Laso maixene e'oxo lexe eni kalumo akaukavunu umulinu u'isa­lili. Xe ukalu, la akalanu ulai noxine nini Tiopilusi ne.

Ta'aposeli 2:10

xe Vilixia xe Pamivilia xe Isipi xe Livia ane alai ne Sailini, xe ane'i se'i so Lomu mixolu kalumo.

Ta'aposeli 19:1

Ioxe, no voxo ane Apolosi muxolu ne Kolini la Polu mupolo no vote'i ane mu'unalai no la'ola'olu. Mupolo ne xo xe ili'i la muxali avile ne Epesusi la muxalisi'a talopala se'i ne.

Xalesia 1:9

Aloxo telemolu noxinge mukalu, mo a alemolu 'ola, loxo itema vile ulanu vaikala ane upolo va'axu no anu vaikala laixe ngexalisou mukalu, la anu laixe so umamulo no navu avilesi.