Ta'aposeli 18:21 - Ata New Testament

²¹ Laso anu so ulutu la muvikala lamana noxi'a lexe, “Loxo Mosinge umasaxau la eni alivu ane'e noxingela.” Muvikala axone mukalu la mutelo no lasipi so mu'umesou tuala ne Epesusi mulai.

Ta'aposeli 18:21 Referans Kwoze

1 Kolini 4:19

Ia uasi, loxo Tatananenge umasaxau, la eni apalea so ane'e noxinge. Mo loxo ane'e la eni alomuxu vaikalai'a tamosou pai ne uasi. Eni ane'e so atilovosou xavi noxi'a lexe ipuninu anaxa'asi o vaikali'a temanu.

Tiemisi 4:15

Laso no anu vote'i laixe la vaikalamengi masi aloxo 'o, “Loxo Tatananenge umasaxau, la taxolu tamauli mo ta'oxonu mi 'o xe mi olele.”

Ipilu 6:3

Laso loxo Mosinge upele masaxa la tasu'anu talanengeousi mo talai u'ulisi.

Lomu 15:32

Xo loxo imasaxau la eni a'osa ane. Ukalu xe loxo Mosinge umasaxau la eni ane'e noxinge mo nenge nenge'a taxolu sevile. Taxolu sevile so ama'ila mo amauli.

Lomu 1:10

Opoleli ututulu noxinge so apilixingengi noxou. Mo alavusou avikala noxou aloxo 'o, “Mosilo, alaxu tavu'alo e'oxo lexe alai noxi'a Talomu, ia mimi se'i mutanuxo. Ia loxo nini nemasaxa la na'oxonu vote'isilo so alai noxi'a.”

Ta'aposeli 20:16

Polu mulalaxinu oponu lexe uua'ulixu tuala ne Epesusi xo anu umasaxau so upalea ulai uxali ne Ielusalemo. U'oxo lexe uvovoxo ne Esia polovinisi uasi xo loxo vote'i la umasaxau uxali ne Ielusalemo tei no anu voxo so Penikosi.

1 Pita 3:17

Loxo uxali no anu masaxa noxou Mosinge mo tatavulenu tu'umaxusou ilixo ulapu, la anu mi laixesi. Ia loxo tatavulenu tu'umaxusou susu na'a nengesi la anu laixe to uasi.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

1 Kolini 16:7

Eni amasaxau so axolu voxo tata'eisi uasi. Loxo no anu masaxa noxou Tatananenge la nenge'a taxolu maxuveni sevile.

Ta'aposeli 21:14

Ioxe, nexi temaisou lexe Polu pakia'usi lexe ulai laso nexi texolusi. Tatovonu so taxiunu oponula uasi. Tevikala lexe, “Mi noxou Mosingesi.”

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

Ta'aposeli 15:29

Vile lexe laixe so nga'ou misoposi ane tamitema milaixu no anu mosi'a kalavoi uasi. Xe vile lexe nga'ou sialuxa'a tamisoposi uasi. Xe vile lexe nga'ou misoposi ane mikapilaxa'a uasi. Xe ngalailai noxi'a tasema vitanisi uasi. Aso noxinge. Vaikala noxixe se anesi mo mukalu.”

Luku 9:61

Xe vilela muvika­lanu lexe, “Tatilao, eni amasaxau amulineni. Ia na'italoleli so alai no tualasilo so apilixine'i laili noxilo laixe teio.”

Matiu 26:39

Anu muvikalane'i mukalu xe mulai sevile la mulapau mo mutonu alaiou no lia. Muai no lia la mukatu noxou Mosinge lexe, “Papao, tu'umaxu e so uxali noxilo 'o la loxo lexa sixula. Laso loxo vote'i la naxexenu mo so aiexu uasi. Ia namulinu masaxa na'a xeli uasi, namulinu masaxa na'a ninisi.”

Maki 6:46

Ioxe, mupalupalusi'a tamitema milailai mukalu la anu mulutu mutelai no la'olu vile ne so muxolu muvikala noxou Mosinge.

Ta'aposeli 18:19

Milutu xo la mixali no tuala ne Epesusi. Mixali ia Polu mupilixine'i xo anu uxolu ne Epesusi avile uasi. Anu muxolu voxo se'isisi mo mu'unalai no anu tasou lavuloto noxi'a Taiuta so mutovonu so upalasinoxu Mosinge vaikalaou laxu noxi'a.

Ta'aposeli 18:20

Mupalasinoxu xe milomusou la ane'i mivikalanu lexe, “Nenge nenge'a taxolu maxuveni sevileo.” Ia anu oponu mutulu lexe ulaisi.

Ta'aposeli 18:24

Ioxe, no voxo anene la Iuta vile anu so tuala ne Alekisanita mulai ne Epesusi. Anu ualasou lexe Apolosi. Apolosi ne anu lavulavu noxou mutiatila no anu Mosinge vaikalaou mo anu itema so vaikala laixe.

Ta'aposeli 19:1

Ioxe, no voxo ane Apolosi muxolu ne Kolini la Polu mupolo no vote'i ane mu'unalai no la'ola'olu. Mupolo ne xo xe ili'i la muxali avile ne Epesusi la muxalisi'a talopala se'i ne.

Ta'aposeli 19:17

A'alo so mi ne muiaveiave la Taiuta oli'a Takiliki latala e mixolu ne Epesusi ne milomusou. Milomusou la ane'i mimama'u manina mo mitaxanu ualasou Tatananenge Iesua mo mi'itinusi.

Ta'aposeli 21:29

Ane'i mivikala axone xo mala'o se'o ane'i mimaisi'a Polu ilou itema vile so Epesusi mixixao no tuala. Itema ne ualasou lexe Tolovimusi. Mimaisi'a mixixao laso ane'i mikalavoi lexe Polu muno'u mu'unalaixu no tasou Mosinge.

1 Kolini 15:32

Mo loxo ne Epesusi la tamitema mikasilo e mikasilo manina, la eni loxo itema ane u'oto noxi'a tamisoposi tamosou la'ia. La axova, tava'u xoluxoluxo axo'o xo no anu masaxa noxilomo? Eni axalisou nene'axu laixe no anu xoluxolu so vasimelo 'o? E uasi. Laso loxo tamitema imauli no anu soli uasi la eni apilixinu xaixai ialuxu 'oe. Apilixinu mo so nenge'a ta'ani mo taie xo ili'i la tasoli tasiaunenge avile.

1 Kolini 16:8

Ia ane'e noxinge uao xo axolu ne Epesusi xo xe voxo so Penikosi ukalui laso alutu alai noxinge.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Mupala'a 2:1

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Epesusi. Eni ane atetelisou tataoto 7 no avolo tema, mo axixao no tainu lalamo koli 7. Akalanu vaikala ano'o ulai noxinge.