Ta'aposeli 18:12 - Ata New Testament

¹² Ia mune'e mune'e la xamani vile ualasou lexe Xaliou mutulu mutiatila no Akaia polovinisi. No voxo loxo mutulu la ane'i Taiuta mipita mixililiou Polu. Mixililiou laso mino'u milaixu no lakoti so Xaliou utongonu.

Ta'aposeli 18:12 Referans Kwoze

Ta'aposeli 18:27

Ioxe, Apolosi mumasaxau ulai ne Akaia polovinisi la talopala opone'i vilesisi so ulaisi. La ane'i mikaukavunu lapasi mulai noxi'a talopala ne Akaia so ivikalane'i lexe i'unanu noxi'a. Ioxe, Apolosi mulutu xo la muxali ne Akaia noxi'a ane'i ane milopala no anu iaiama noxou Mosinge, la musu'uline'i misevile.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 13:7

Anu utotomu muvaitami noxou tatila vile no anu xamani ualasou lexe Sexusi Paulusu. Itema tila ne anu itema vile so lavulavu laso anu mu'avali'a Vanavasi ilou Sauli so ine'e noxou xo anu mumasaxau ulomusou vaikalaou Mosinge.

2 Kolini 11:10

Vaikala manina noxou Kalaisiti ula no anaxo so avikala aloxo 'o. No anu xale tuatuala ne Akaia polovonisi la vile noxi'a umomomo uasi so utanuxu vaika­laxeli so aa'aloxu ilixoleli ne.

2 Kolini 9:2

Xo eni elavu lexe opongengi mulalaxi no anu mukalu. Mo alaxu tavu'alo ea'alo­ngenge so a'itinu ilixomengi noxi'a Tamasetonia lexe, “Ai, ane'i Ta'akaia ne milalaxi lumamo, a misoko'u no tau ie mulai 'oe!” Xe ane'i milomu lexe ngingi nge'osa so ngapitanu avonge axone la mu'avutinoxu opone'i tavu'alo noxi'a kalumo.

2 Kolini 1:1

Eni Polu a. Eni aposeliou Kalaisiti Iesua xo no anu masaxa noxou Mosingesi. Nexi noxou vivinge Timoti a takaukavunu lapasi 'o so ulai noxinge tatemanu pita noxou Mosinge ne Kolini ne. Xe ulai noxi'a tamitemaou Mosinge u'isalili ta'ei ixoxolu no xale tuatuala no Akaia polovonisi.

1 Kolini 16:15

Tavivilo eni apelototo pakia'u noxinge aloxo 'o. Ngingi ngalavusi'a laili noxou Sitevanasi lexe ane'i tei noxinge no anu lopala ne Akaia polovinisi. Mo ngalavu lexe ane'i opone'i ututulu so isu'uline'i tamitemaou Mosinge u'isalili.

Lomu 15:26

Xo se'i noxi'a ne la'ilalixa'a mo lamoli uasi. La Mosinge ta'olu ne Masetonia xe Akaia polovinisi 'o mi'oxo laixe so mipitanu lamoli sevile so ulai noxi'a olele.

Ta'aposeli 25:10

Ia Polu mu'oxo lexe, “Eni vaimomo 'o atulu no anu lakoti noxinge nenge Talomu. Nenge tamitemaou Sisa laso anu aloxo 'o la laixe. Nini nelavu lexe eni a'oxonu susu vile noxi'a Taiuta uasi.

Ta'aposeli 17:13

Xe mune'e la Taiuta so tuala ne Tesalonaika milomu lexe Polu muvotovotou Mosinge vaikalaou ne Velia. Milomu axone laso ane'i milutu milai no tuala ne mo mi'unanu tane'i noxi'a. Mo mi'avutinoxu opone'i Tavelia so ixililiie'i Polu ilou Sailasi kalumo.

Ta'aposeli 14:19

Ioxe mune'e la Taiuta se'i me'a ne Anitioki xe ne Aikoniamu mixali ne Lisitila ne. Ane'i mixali la mi'unanu tane'i noxi'a tatemanu tuala ne so ixililie'i Poluena. Mixililiie'i sila mivavau no lavolavo'o xe milavenu vasimolu milaixu no utu xo mikalavoi lexe musoli.

Ta'aposeli 14:2

Ia se'i noxi'a Taiuta mixilili mo ilopala uasi. Xe mi'ou tane'i tamitema so noale'ale se'i mo so la'iaxa'ai'a tavivinge talopala ne.

Matiu 27:19

Xe anu a utalupexa no anu sia so tiasi noxousio la vaikalaie semau muxali noxou aloxo 'o, “Nini na'oxo mi vile noxou itema mulapusi ne uasi. Xo no olovoxo la emaisou no anu aisaxi la etavulenu tu'umaxusou lapilai uasisi.”

Tiemisi 2:6

Mo axova, ane'i ta'ei so ilosinge tu'umaxu mo ilavengengi nga'u­nalai no lakoti ka itulusinge no anu vaikala? Ane'i ta'oloxola ane ngalavusou ngapamailane'i? Uasi e, ane'i tamosou lamoli e ngata­xane'i olelesi ane.

Lomu 16:5

Xe ngalemolu aso noxilo noxi'a tatemanu pita e ipita no tasi'a ilou. Mo aso noxilo ulai noxou vivilo e asexelaxu manina e Epainetusi. Anu tei manina noxi'a ane'i ane milopala noxou Kalaisiti ne Esia polovinisi.

Ta'aposeli 17:5

Ia Taiuta mimaisi'a lexe tami­tema tapiena mipita noxi'a la mi'isu laso mitakunune'i talasikeli ane mixixaoxao vitanisi no loxomala. Mitakunune'i ka mi'avuti mipita so ixalixu tu'umaxu mo mamulo no tuala. Mi'avuti la miiaveiave mipita no tasou itema vile ualasou lexe Iesoni ka mi'unalai so ikaka­muline'i Polu ilou Sailasi. Xo imasaxa lexe ilaixi'a so ipilixine'i no avo'a tamitema latala noale ne.

Ta'aposeli 13:12

Xe itema tila no anu xamani mumaisou mi ne lexe xavinu musuku laso anu mulopala xo mukulukemolu mo mu'osasou vaikalasou Tatananenge.

Tioni 19:13

Ioxe, Pailati mulomusou vaikalai'a ne laso mulanu Iesua noale ka mutalupexa no anu sia noxi'a tatiasi no anu ngiou e milemolu lexe Poloa Lavo'o. No anu vaikala Ipilu la ilemolu lexe Xavata.

Ta'aposeli 13:8

Mu'avali'a ia menexu e Vaiesusi ne anu muxilili'a Vanavasi ilou Sauli xo anu umasaxa so tatila no anu xamani ne ulopala noxou Iesua uasi. Vaiesusi ne anu ualasou vilela lexe Elimasi xo anu uala ne laxu lexe itema so sa iouiou.

Ta'aposeli 18:11

Polu mulomusou vaikala anene laso muxolu ne Kolini tau ie vile mo so'io 6. Muxolu muvotovotosou Mosinge vaikalaou noxi'a tamitema.

Ta'aposeli 19:21

Mune'e mune'e xo xe mukalu, la Ulenu Laixe mupamuxanu xavu­talaou Polu lexe ulutu ulai ne Ielusalemo. Xe mupamuxanu lexe no anu muamua'i noxou la upolo ne Masetonia xe ne Akaia. La Polu muvikala aloxo 'o, “Eni alai no tuatuala ne mukalu la eni alai ne Lomu kalumo.”

2 Kolini 11:26

No anu muamua'ixo piena so alai nopaxapaxa la manela amamulo lalaxu. Xo no anu lexalexa xe no avo'a talasikeli xe no avo'a laili noxilo xe no avo'a tamitema noale'ale xe no anu taotaoni xe no anu xale lia esi'esi xe no luaki xe no avo'a ane'i ane ikalavoi lexe tavivilo no anu lopala.

1 Tesalonaika 2:14

Xe tavivixe, ngingi ngexali loxo tatemanu pitapita noxou Mosinge ne Iutea. Ane'i e ixoxolu noxou Kalaisiti Iesua. Xo ane'i mitavulenu tu'umaxu no avo'a Taiutala. La ngingi axone kalumo xo navunavu ane ngetavulenu ne noxi'a tatemanu tualasingela.

1 Tesalonaika 2:16

Ane'i itanutanunexe so talanu vaikala so pamauli noxi'a tamitema noale'ale uasi. Ane'i me'a isu'anu la'oluxu susu noxi'a la anu loxo uana'ana avile. Laso la'ia noxou Mosinge mumomomo mo mulalaxisi.