Ta'aposeli 17:5 - Ata New Testament

⁵ Ia Taiuta mimaisi'a lexe tami­tema tapiena mipita noxi'a la mi'isu laso mitakunune'i talasikeli ane mixixaoxao vitanisi no loxomala. Mitakunune'i ka mi'avuti mipita so ixalixu tu'umaxu mo mamulo no tuala. Mi'avuti la miiaveiave mipita no tasou itema vile ualasou lexe Iesoni ka mi'unalai so ikaka­muline'i Polu ilou Sailasi. Xo imasaxa lexe ilaixi'a so ipilixine'i no avo'a tamitema latala noale ne.

Ta'aposeli 17:5 Referans Kwoze

Xalesia 5:26

La nenge ta'itinenge mo takusukusu'inge mo taisuisunenge ngato'o mamu.

Ta'aposeli 17:13

Xe mune'e la Taiuta so tuala ne Tesalonaika milomu lexe Polu muvotovotou Mosinge vaikalaou ne Velia. Milomu axone laso ane'i milutu milai no tuala ne mo mi'unanu tane'i noxi'a. Mo mi'avutinoxu opone'i Tavelia so ixililiie'i Polu ilou Sailasi kalumo.

Xalesia 5:21

Xe opone'i sixulai'a ngato'o. Xe isipaki sika ixolaxola mole anaxa'a utautausi. Xe mimi se'i axone uxolusio. A loxo eveletalosinge mala'o mo a alemolu 'ola. No voxo so Mosinge molu u'uli laxune'i tamitemaou la tamitema so ili'ilixo axone ixolu nonano uasisi.

Lomu 16:21

Ioxe, menexilo no anu xaixai e Timoti mukalanu aso laixe noxinge. Xe tatulaleli e Lusiusi mo Iesoni mo Sosipateli mivikala axone kalumo.

Ta'aposeli 17:7

Xe Iesoni 'o mu'osasi'a mo mu'unalaixi'a no tasou. La nexi tavikala lamana lexe ane'i latala ne ixililiou lo noxou kingi noxinge Sisa. Xo ane'i ivikala lexe kingi vilela a uxoxolu, ualasou lexe Iesua.”

Ta'aposeli 14:2

Ia se'i noxi'a Taiuta mixilili mo ilopala uasi. Xe mi'ou tane'i tamitema so noale'ale se'i mo so la'iaxa'ai'a tavivinge talopala ne.

1 Kolini 3:3

Xo aloxo 'o. No anu xoluxolungenge la ngingi vasime­ngesi upamuxangengisio. Xo isu'isu ilou tu'utu'umaxu a uxolu no taingengi to ne, laso talavu lexe ma'ia upamuxangengi ne? Anu vasimengesi ane. Xe no anu muamua'ingenge ne la loxo tamitema so lialia 'osi.

Ta'aposeli 19:40

Xo loxo ta'oxo loxo te'oxo vaimomo 'o la ane'i masi ikotinenge. Ikotinenge xo i'oxo lexe nenge taxalixu tu'umaxu vitanisi. Xe axone la takoline'i axova, xo te'oxonu vuluvulusi?”

Ta'aposeli 18:12

Ia mune'e mune'e la xamani vile ualasou lexe Xaliou mutulu mutiatila no Akaia polovinisi. No voxo loxo mutulu la ane'i Taiuta mipita mixililiou Polu. Mixililiou laso mino'u milaixu no lakoti so Xaliou utongonu.

Ta'aposeli 14:19

Ioxe mune'e la Taiuta se'i me'a ne Anitioki xe ne Aikoniamu mixali ne Lisitila ne. Ane'i mixali la mi'unanu tane'i noxi'a tatemanu tuala ne so ixililie'i Poluena. Mixililiie'i sila mivavau no lavolavo'o xe milavenu vasimolu milaixu no utu xo mikalavoi lexe musoli.

Ta'aposeli 13:45

Ia tatia­tila noxi'a Taiuta mimaisi'a tami­tema lexe ane'i latala mipita axone la ane'i mi'isu. Mi'isu mo mivikala masua so ixililiou vaikalaou Polu.

Matiu 27:18

Pailaiti muvikala axone xo anu mulavu lexe mi'italonu Iesua no avolu axone xo mi'isuxusi.

Tiemisi 4:5

Xo lavukuou Mosinge uvikala aloxo 'o, “Mosinge oponu pakia'u manina lexe ulenenge vilevilesi ane mumulaxu nonano noxinge la ulolomu noxousi, uiaveiaveou mimi se'ila uasi.” Ia axova, nge'oxo lexe vaikala ne mi vitanisi?

Ta'aposeli 7:9

Ane'i ta'ilusunenge mi'isuxu vimo'a Iosepu xo mimaisou lexe mami'a musexelaxu misevile. Mi'isuxu laso ane'i mi'italonu no avo'a tamitema so lailoto se'i. Tamitema ne milaixu ne Isipi la itema vile mulotonu so anu muxali sileviou. Ia Mosinge muxolu noxou Iosepu.

Ta'aposeli 17:6

Mikamuline'i ia ixalisi'a ilou uasi laso ane'i milaxine'i Iesoni oli'a talopala se'i mo mitulusi'a no laxune'i tatiatila so tuala. Mo mi'ava'ava lexe “Nenge telomusou sivo lexe tamitema se'i ilavusou ixixao mo ixalixu tu'utu'umaxu no xale tuatuala mukalusi. La ane'i a mixali no tualasinge 'o.

Ta'aposeli 17:9

Mukalu laso tatiatila mi'oxo lexe Iesoniena ilotonu lakoti. Milotonu mukalu laso mi'italone'i so milai.

2 Kolini 11:26

No anu muamua'ixo piena so alai nopaxapaxa la manela amamulo lalaxu. Xo no anu lexalexa xe no avo'a talasikeli xe no avo'a laili noxilo xe no avo'a tamitema noale'ale xe no anu taotaoni xe no anu xale lia esi'esi xe no luaki xe no avo'a ane'i ane ikalavoi lexe tavivilo no anu lopala.

1 Tesalonaika 1:6

Ioxe, texolu xe ngekasou vaikalaou lexe manina sila ngetavulenu tu'utu'umaxusou tavu'alo ne. Ngetavulenu tu'uma­xusou ia Ulenu Laixe mu'avutinoxu osa no opongengi. Laso ngingi ngeuanenexe noxi'a Tatananenge.