Ta'aposeli 17:4 - Ata New Testament

⁴ Muvikala axone la Taiuta se'i no taine'i milamana mo mipita noxi'a Polu ilou Sailasi. Xe Takiliki tapiena ane mimama'u noxou Mosinge oli'a tasema mose'i ane tamitema no tuala mitaxane'i, la ane'i kalumo mipita noxi'a ilou.

Ta'aposeli 17:4 Referans Kwoze

Ta'aposeli 17:12

Mi'oxo axone laso ane'i Taiuta tavu'alo milopala. Mo tamitema tatiatila noxi'a Takiliki tapiena milopala, tasema xe tamulu.

Ta'aposeli 14:4

Ia no tuala ne tamitema mikalipala. Se'i opone'i vilesisi noxi'a tatiatilasi'a Taiuta so mixilili xe se'i ne mivalaxa'a ta'aposeli.

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

2 Kolini 8:5

Nexi te'oxo lexe masi isu'uli se aloxo 'osi, la ua', milolutuxusi. Xo tei la ane'i mipilixine'i noxou Tatananenge xe mukalu la mimulinu masaxa noxou Mosinge so mipilixine'i noxixe.

Ta'aposeli 28:24

Milomusou, la se'i opone'i mukasou lexe manina, ia se'i ne uasi.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 21:28

“Ai, ngingi tamitema so Isilaeli. Ngasu'ulinexi uaio? Itema ano'o ulavusou uvikala masua sou lo noxinge xe si'a tamitema xe sou tani ano'o. Anu mosou ano'o. Mo kalumo anu mune'enu Kiliki vile mu'una no tasou Mosinge 'o mole muxalixu loxo nuni'u no iou Mosinge.”

Ta'aposeli 19:10

Anu muxolu mu'oxo axone mumomomo no anu tau ie tamei. Laso tatemanu Esia polovinisi, Taiuta xe Takiliki latala ne milomusou vaikalaou Tatana­nenge.

Ta'aposeli 18:4

Polu muxoxolu ne mo no anu Voxo so Ma'ila utotomu anu mu'unalai no tasou lavuloto noxi'a Taiuta. Mu'unalai so upalasinoxu Mosinge vaikalaou laxulaxu noxi'a Taiuta oli'a Takiliki.

Ta'aposeli 17:34

Muxolu xo xe ili'i la ane'i se'i milopala mo mipita noxou Polu. Vile ualasou lexe Tionisiusi. Anu vile noxi'a tatiatila ane mipita no la'olu Aleopaxusi. Xe sema vile ualasie lexe Tamalisi xe ane'i se'ila milopala kalumo.

Ta'aposeli 17:17

Mumalei axone laso anu oponu mututulusi lexe uvo­tovoto. Laso anu mu'una'unalai no tasou lavuloto so upalasinoxu Mosinge vaikalaou noxi'a Taiuta xe noxi'a Takiliki ane mimama'u noxou Mosinge. Mo no anu voxo­voxo utotomu la mulai no loxomala no tanixu e tamitema milavusou ipita no anu. La anu mutovonu so upalasinoxu Mosinge vaikalaou noxi'a ta'ei mixolu ne.

Ta'aposeli 16:3

Milemolu axone xe Polu mumasaxa lexe oli'a ilai. Ia tei la mu'oxo lexe i'oxo ilixo so ixotosou Timoti vasimolu. Mu'oxo axone xo muxavutala noxi'a Taiuta ane mixoxolu no anu apu ne. Xo aloxo 'o, ane'i Taiuta ne milavu lexe Timoti momu Kiliki mo ane'i i'oxonu ilixo ne no molomoloxu uasi.

Ta'aposeli 15:40

Ia Polu mu'avalou Sailasi lexe ilou ilai. Milai la talopala mi'italone'i no anu iaiama noxou Tatananenge.

Ta'aposeli 15:32

La Iutasi ilou Sailasi ne ane'i tamitema so pela'a. Laso ane'i ilou milosi'a vaikala so mi'itinu Tatananenge ualasou mo mu'oxonu pakia'a talopala.

Ta'aposeli 15:27

Tepalusi'a tatamei 'o, Iutasi ilou Sailasi mine'e noxinge mo so no anaxa'a la ilou ivalaxu vaikala ane a takaukavunu 'o.

Ta'aposeli 14:1

Ioxe, Polu ilou Vanavasi milai mixali ne Aikoniamu la ilou mimulinu ilixo aloxo milavusou i'oxonu no tuatuala, ane'i milai no tasou lavuloto noxi'a Taiuta. Milai ne xe mivotovoto no anu xavi, la tamitema tavu'alo noxi'a Taiuta xe Takiliki, milopala.

Ta'aposeli 4:23

Ioxe, tatiatila noxi'a tapilisiti oli'a tatiatila noxi'a Taiuta mipi­lixine'i axone mukalu la ane'i ilou milivu milai noxi'a tamenexi'a talopala. Laso ilou mia'aloi'a no anu vaikala kitukitu ane tatiatila milemolu noxi'a.

Ta'aposeli 2:44

La tami­tema so lopala ne mixolu opone'i vilesisi la i'apisou mimii'a ngato'o uasi. Mimii'a ne mi'italonu mo miva'i­va'isuxusi.

Tioni 7:35

Laso ane'i Taiuta mivikalane'i ngato'o lexe, “Itema ano'o u'oxo lexe ulai ne'ei e so taxalisou uasio? Masi ulai noxi'a laili noxinge e ixoxolu no taine'i Takiliki so uvotone'i, ne?

Ta'aposeli 17:10

Xe mune'e xe no olovoxo, la tavivinge Mosinge ta'olu mipa­lusi'a Polu ilou Sailasi milai no tuala ne Velia. Ilou milutu xo xe no voxo loxo mixali la mi'unalai no tasou lavuloto noxi'a Taiuta.

Ta'aposeli 17:14

Tu'umaxu ane a mu'avuti la alaxu vilesisi Mosinge ta'olu mipalusou Polu mulai no luaki. Ia Sailasi ilou Timoti a mixolu ne Velia sevileo.