Ta'aposeli 17:3 - Ata New Testament

³ Mupalapala­sinoxu lexe anu ane so Kalaisiti la vote'i vilela uasi, vote'i so upamau­linenge vilesisi ane so mutavulenu navunavu mo musoli xe mutulu no anu soli. La Polu muvikala lexe, “Iesua ane eni avotongengixu 'o, anu ane so Kalaisitisi.”

Ta'aposeli 17:3 Referans Kwoze

Ta'aposeli 18:28

Musu'uline'i xo anu pakia'u mo mukasi'a Taiuta no anu vaikala no taine'i tamitema latala. Mukasi'a mo mupalasinoxu lexe Iesua anu Itema so Pamauli ane lavukuou Mosinge a ulelemolu 'o.

Ta'aposeli 9:22

Ia Tatananenge mulosou xavi, mo mulemolu vaikala tu'umaxu noxi'a Taiuta so tuala Tamasikusi ne. Mupala'anixu lexe Iesua anu ane so Kalaisiti. Mupala'anixu axone mo vaikalaou tu'umaxu laso ane'i imomomo so ikoli uasi.

Luku 24:32

Laso ilou mivikalane'i ngato'o lexe, “Ai manina misevile. Nenge nenge'a temuamua'i no vote'i xe muvivikalanenge mo mupalapalasinoxu laxu vaikalaou Mosinge noxinge la oponenge muleilaxusi.”

Ta'aposeli 3:18

Ia mi ane nge'oxonu ne, anene vote'i so Mosinge muxalixu nene'a­xu vaikala mulemolu no anaxa'a tapolopeti tatei. Vaikala milemolu lexe Kalaisiti utavulenu tu'umaxu.

Luku 24:46

Mo muvikalane'i aloxo 'o, “Kaukavu muai no anu Mosinge vaikalaou lexe anu ane so Kalaisiti utavulenu navunavu tei kaio no voxo tatalu la anu utulu no anu solila.

Xalesia 3:1

O ngingi Taxalesia ne ngaxovu­laulau ane. Nexi temaxa'u Iesua Kalaisiti noxinge mo anu loxo ngemaisou mulili no ovu valautu no iengi. Axova, evile masi mu'oxo lolongenge so xavutala­mengi mupaulu, ne?

Ta'aposeli 1:4

Ioxe, no voxo vile ane muxoxo­lusio la oli'a mixolu mipita. La anu mupelototosi'a lexe, “Mamu so ngaxexesou Ielusalemo. Ngingi ngaxolu ngaxomaiou anu ane Mamilo muvavalimasou e elemolu noxinge mala'o.

Tioni 20:9

Xo mune'e muxali no anu voxo se nesi la vaikala ane uxolu no anu lavukuou Mosinge lexe Iesua utulu no anu soli, anu upalasi noxi'a uaosio.

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Ta'aposeli 18:5

Xe muxolu muxolu xo xe Sailasi ilou Timoti me'a ne Masetonia la mixali noxou. Ane'i mixali noxoui laso ane, anu muxolu no anu xaixai so votovoto voxovoxo utotomu. Muvotovoto xe mutovonu so upela'a Taiuta lexe Iesua anu ane so Kalaisiti ane.