Ta'aposeli 17:11 - Ata New Testament

¹¹ Ioxe, Tavelia ne ane'i loxo tamitema latala ne Tesalonaika uasi xo opone'i muloxu vaikalaou Mosinge. Xe loxo milomusou votovoto noxou Polu la opone'i mu'osasou. La voxovoxo utotomu ane'i mino'u lavukuou Mosinge mo mikilolo lexe votovoto noxou ne ulovou o uasi.

Ta'aposeli 17:11 Referans Kwoze

Tioni 5:39

Ngingi ngalavusou ngaititi so ngakakamuli nonano no anu lavukuou Mosinge xo nge'oxo lexe anene so ngaxalisou mauli kaluxu uasi no anu. La lavukuou nesi so upala'anixilo 'o,

1 Tesalonaika 2:13

Ioxe, laso utotomu nexi tavikala laixe noxou Mosinge aloxo 'ola. Ngingi ngelomusou Mosinge vaikalaou noxixe la ngeno'u loxo tamitema vaikalai'a uasi. Ngela­mana no anu lexe anene vaikalaou Mosinge u'isalili ane. Xe ngelo­palanu laso maixene vaikala anene muxaxaisinge.

Matiu 13:23

Ia tamitema se'i ne opone'i uloxu Mosinge vaikalaou mo ikasou lexe manina. Anu loxo uiti ngiaxu ane mulapau no anu lialia laixe. Ikasou lexe manina laso xoluxolu noxi'a uxalixu nene'axu laixe loxo uiti ane muleme mo muxalixu nene'axu laixe. Se'i ne nene'axu 100 xe se'i nene'axu 60 xe se'i nene'axu 30.”

1 Tesalonaika 1:6

Ioxe, texolu xe ngekasou vaikalaou lexe manina sila ngetavulenu tu'utu'umaxusou tavu'alo ne. Ngetavulenu tu'uma­xusou ia Ulenu Laixe mu'avutinoxu osa no opongengi. Laso ngingi ngeuanenexe noxi'a Tatananenge.

Tioni 3:21

Ia itema aneva xoluxoluxu no anu maninasi la ulavusou une'e no anu lamana mo so anu upalasi lexe mi ma'ia u'oxonu la Mosinge molu uxalixu ne.”

2 Tesalonaika 2:10

U'oxo loloxa'a tamitema mo ukalavoine'i no anu ili'ilixo masu­masua so ixalisou mamulo. Ixalisou pamauli uasi xo loxo ilomusou vaikala manina la opo­ne'i ulo so i'osasou uasi.

1 Pita 2:2

Xo ngelavu, takeakea ilavusou itata­masou susuxa'a so iiexu. Xe ngingi la ngatatamasou vaikalaou Mosinge malemalenga axonesi xo loxo nga'ani no anu la ngingi ngaleme xo laso xoluxolu noxinge ulomotele no anu pamaulisinge ne.

Luku 24:44

Mukalu la anu muvikalane'i lexe, “Mala'o loxo nenge'a texolusio la epela'inge lexe vaikalasilo e mukaukavu muai no anu lavuku so lo noxou Mosisi xe tapolopeti xe no anu Lexelexe la uxalixu nene'axu ane.”

Tiemisi 1:21

Laso ili'ilixo nuni'u iouiou xe ili'ilixo masumasua ane ulavusou ulolutusi la ngapilixinusi. Io ngalu'engengi so opongengi uloxu vaikalaou Mosinge e mutounu no opongengi xo anene so pamaulisinge ane.

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Ta'aposeli 2:41

La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.

Ta'aposeli 17:1

Ioxe, Poluena mixexesou tuala ne Pilipai la milai. Milai la mipolo no tuala ne Amivipolisi xe ne Apolonia. Milai milai xo la mixali avile ne Tesalonaika. No tuala ne Tesalonaika tasou lavuloto noxi'a Taiuta a muxolu ne.

Ta'aposeli 11:1

Ioxe, ta'aposeli oli'a tavimovimo'a no anu lopala so tuatuala ne Iutea milomu lexe tamitema noale'ale kalumo a milomuxu vaikalaou Mosinge.

Luku 16:29

Ia Apala'amu mukolinu lexe, 'Vaika­lai'a Mosisi oli'a tapolopeti a uai noxi'a. Vaikala anenesi so tavivine ilomuxu.'

Luku 1:2

A'alo ne mino'u noxi'a tamitema ane me'a mixolu misaxi­sou mimi ne no ie'i no tava'u manina. Misaxisou xe mixali tamitema so ixaxaisou vaikala ne laso mia'aloxu mune'e noxixe 'o.

Luku 11:3

Voxovoxo utotomu na'itimexe la'ilali umomomo no anu aso anene.