Ta'aposeli 17:1 - Ata New Testament

¹ Ioxe, Poluena mixexesou tuala ne Pilipai la milai. Milai la mipolo no tuala ne Amivipolisi xe ne Apolonia. Milai milai xo la mixali avile ne Tesalonaika. No tuala ne Tesalonaika tasou lavuloto noxi'a Taiuta a muxolu ne.

Ta'aposeli 17:1 Referans Kwoze

Pilipai 4:16

Xo no voxo loxo exolu ne Tesalonaika la alaxu mose'i ngekalanu nene'axu alauna noxinge so ngesu'ulileli.

1 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalonaika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti laso eni amasaxau lexe ngingi ngaxamulinu iaiama mo xoluxolu lalavulusi noxi'a.

2 Tesalonaika 1:1

Eni Polu xe Sailasi xe Timoti a. Nexi takaukavunu lapasi ano'o ulai noxinge tatemanu pita ne Tesalo­naika. Ngingi ne ngaxolu noxou Mosinge anu Maminge xe noxou Tatananenge Iesua Kalaisiti.

Ta'aposeli 20:4

Mulai la oli'a tamitema ano'o. Sopateli so tuala ne Velia, anu Pilusu olu. Xe Alisitakusi ilou Sekunutusi, ane'i so tuala Tesalonaika. Xe Xaiusi ne anu so Tevi xe Timoti oli'a tamitema tameila, ane'i so Esia polovinisi. Ualasi'a lexe Tikikusi xe Tolovimusi.

2 Timoti 4:10

Xo Temasi mu'osasou xoluxolu so lialia 'osi la muxexesilo mo mulai no taoni Tesalonaika. Xe Kelesenisi mulai ne Xalesia polovinisi. Xe Taitusi la mulai no xale lia ne Talimesia.

Ta'aposeli 27:2

Nexi telutu la tetelo no anu lasipi vile so tuala Atamitiumi. Anu lasipi ne so ulutu la tamosou mi'oxo lexe iaveiavexu umomoxu tuatuala muxolu no luaki ne Esia polovinisi. Nexi telutu mo telai la Masetonia vile, ualasou lexe Alisitakusi so tuala Tesalonaika a noxi'a telai.

Ta'aposeli 17:13

Xe mune'e la Taiuta so tuala ne Tesalonaika milomu lexe Polu muvotovotou Mosinge vaikalaou ne Velia. Milomu axone laso ane'i milutu milai no tuala ne mo mi'unanu tane'i noxi'a. Mo mi'avutinoxu opone'i Tavelia so ixililiie'i Polu ilou Sailasi kalumo.

Ta'aposeli 17:11

Ioxe, Tavelia ne ane'i loxo tamitema latala ne Tesalonaika uasi xo opone'i muloxu vaikalaou Mosinge. Xe loxo milomusou votovoto noxou Polu la opone'i mu'osasou. La voxovoxo utotomu ane'i mino'u lavukuou Mosinge mo mikilolo lexe votovoto noxou ne ulovou o uasi.

Ta'aposeli 16:13

Texolu xe no Voxo so Ma'ila la tela no aitengaxu vimelusou tuala mo telai no lexa pa'umolu. Telai ne xo tekamulinu tanixu e Taiuta ipita so ivikala noxou Mosinge. Texali ne la tasema se'i mixolu mipita ne laso nexi tesoko'u so tavikala noxi'a.

Ta'aposeli 15:21

Laixe loxo italo no anu mimi anene xo lo ane Mosisi muno'u la tamitema latala milavusou. Milavusou xo tatei xe mune'e muxali vaimomo 'o la no anu xale tuatuala mukalusi tami­tema i'itisou lavuloto anene no tatasou lavuloto no anu Voxovoxo so Ma'ila.

Ta'aposeli 14:1

Ioxe, Polu ilou Vanavasi milai mixali ne Aikoniamu la ilou mimulinu ilixo aloxo milavusou i'oxonu no tuatuala, ane'i milai no tasou lavuloto noxi'a Taiuta. Milai ne xe mivotovoto no anu xavi, la tamitema tavu'alo noxi'a Taiuta xe Takiliki, milopala.

Ta'aposeli 17:10

Xe mune'e xe no olovoxo, la tavivinge Mosinge ta'olu mipa­lusi'a Polu ilou Sailasi milai no tuala ne Velia. Ilou milutu xo xe no voxo loxo mixali la mi'unalai no tasou lavuloto noxi'a Taiuta.

1 Tesalonaika 2:2

La ngelavu lexe texolu ne Pilipai mala'o mine taxali noxinge uao la ane'i milosixe tu'umaxu mo tetavulenu navunavusou. Tetavu­lenu navusou ia texali noxinge la Mosixe mu'oxo pakia'ixe mo ta'ume uasi. Xilili mu'oki ia pumunexe so telanu vaikala laixe noxou Mosinge.