Ta'aposeli 16:25 - Ata New Testament

²⁵ Ioxe, no olovoxo lixinu la ilou mixolu mivivikala noxou Mosinge xe milexenu lexe so i'itinu ualasou. La ane'i takalavusu se'i ne mixolu milomusi'a.

Ta'aposeli 16:25 Referans Kwoze

Tiemisi 1:2

Ioxe tavivilo, no voxo loxo tu'utu'umaxu iouiou uxalisinge la ngasaxisou lexe anu mi so nga'osa­sousi.

Lomu 5:3

Ia ta'osasou voxo anenesi uasi, ta'osasou tu'utu'umaxu ane tatavulenu 'o. Ta'osasou xo ma'ia? Ta'osasou xo tu'utu'umaxu anene so u'oxonu pakia'inge.

Ipilu 5:7

Ioxe, no voxo loxo Iesua muxolu no anu vasimolu so lialia 'o la anu mulinga mo mukatu noxou Mosinge. La no voxo ne mutama mole iou lexaxu mula. Mukatu axone xo mulavu lexe loxo usoli la Mosingesi umo­momo so u'umenu upamaulinu no anu soli. Xe Mosinge mumaisou lexe mulu'enu mo mumama'u noxou axone laso mukolinu katu noxou.

Epesusi 5:19

Laso loxo ngaxolu ngapita la ngalexenu lexe no anu Lavuku so Lexelexe mo lexe ane so u'itinu Mosinge ualasou mo lexe so ngamamato­langengi ngato'o no anu. Ngalexe axone so ngapala'anixu osa no opongengi noxou Tatananenge.

Kolosi 1:24

Ioxe, vaimomo loxo atavulenu navunavu so asu'ulingengi la a'osasousi. Xo Kalaisiti a utata­vulenu navunavu so vasimolu e pita noxousio. Laso eni a'una ava'isu no anu xo opoleli ututulu lexe usivita avile.

Lomu 12:12

Ngaxolu opongengi ulu'e mo ngalopalanu voxo so osa'ila ili'i. Xe loxo tu'umaxu uxali la ngatulu pakia'ingesi. Mo opongengi ututu­lusi so ngavikala noxou Mosinge.

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

Pilipai 2:17

Laso loxo tava'u maulixo 'o so unixi ula la anu loxo usiali upita ilou mi e ngepilixinu no anu lopala noxinge lexe noxou Mosinge. Eni a'osa so uxali axone mo amasaxau lexe ngingi kalumo ngaxamulinu osa noxilo 'o.

2 Kolini 6:10

La nexi taxolu no anu tamasi ia mi vile uasi xo taxoxolu no anu osa'ilasi. Xe nexi loxo ta'oloxola ia mi vile uasi xo tavu'alo mipalava no avoxe 'o. Xe no anu xoluxolu so vasimexe la anu loxo xalusousi ia mi vile uasi xo no anu ulenexi la muana'anasi.

Ta'aposeli 5:41

Ane'i mila la mivikalane'i ngato'o lexe, “Ai, aloxo 'o laixe xo Mosinge muilonenge so tatavulenu tu'umaxu mo maila no anu ualasou Iesua.”

Luku 22:44

Xe mune'e la Iesua muxamulinu tu'umaxu mu'oki manina laso mukatu noxou Mosinge tatilala. La tu'umaxu ne mukasou mole sasaiou munixi mupei no lia la loxo sialu 'osi.

Tiemisi 5:13

La axova, vile no taingengi utavulenu tu'umaxu? Anu laixe so upilixinu noxou Mosinge. Mo axova, vile no taingengi uxamulinu osa? Anu laixe so ulexenu lexe so u'itinu Mosinge ualasou.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 16:19

Ioxe, tatatanane milavu lexe vote'i so ixalisou lamoli ne mukalu laso ane'i mitetelisi'a Polu ilou Sailasi. Mitetelisi'a mo milaixi'a no loxomala so tatiatila no tuala ikotixa'a.

Ta'aposeli 16:33

Anu olovoxo nesio, la anu tatila no anu lakalavusu mulaixi'a so mu'uinu xalexalevine'i e mipuasi'a ilou. Mu'uinu mukalu laso ane, ilou mi'oxonu ilixo so kelele noxou mo noxi'a laili noxou.