Ta'aposeli 16:2 - Ata New Testament

² Ane'i tavi­vinge talopala ne Lisitila xe ne Aikoniamu milemolu ilixou lexe laixe.

Ta'aposeli 16:2 Referans Kwoze

2 Timoti 3:15

Mo tatei mi ne molomoloxenesio la nesoko'u so nalavulavu no anu lavuku so Mosinge vaikalaou mu'isalili. Lavu­ku ne xavinu so mulosine lavulavu u'asi'asi ane mulosoienixu vote'i so nalopala noxou Kalaisiti Iesua ka nexalisou pamauli noxou.

1 Timoti 5:10

Xe ilixo noxie aloxo 'o. Sema ane tamitema ivikalasie lexe ane sema so xaixai laixe mo ane misaxila'a tailie laixe. Xe ane milavusou misexelaxa'a mo mitavalixa'a taasila xe loxo talopala me'a no tuala vile mixali la mi'uinu tava'a. Xe loxo tamitema ane mitata­vulenu tu'umaxu la misu'uline'i mo opone mututuluou xaixai aneva lailaixe manina.

Ipilu 11:2

Xo ane'i so tatei milopala noxou Mosinge la anu mu'osasi'axu.

2 Timoti 3:11

Mo nelavu­sou xilili xe navunavu e etavulenu no avo'a tamitema ne Anitioki xe Aikoniamu xe Lisitila. Auo, xilili etavulenu no tuatuala ne mu'oki manina, ia Tatananenge mu'umeleli no anusi.

1 Timoti 3:7

Xe aloxo 'o. Itema so saxila'u ne anu itema so ualasou laixe noxi'a tamitema noale no anu pita kalumo. Xo loxo mi se'i no anu xoluxoluxu so tamitema isu'anu anaxa'aou la anu u'amo no anu uoi noxou Uluaou ane.

Ta'aposeli 16:40

Ioxe, ilou milutu no tasou lakalavusu la milai no tasie Litia. Ilou milai xe tavivinge no anu lopala mipita la ilou milosi'a vaikala se'i so mi'oxonu pakia'a. Xe ili'i laso ane'i milutu so mixexesou tuala ne.

Ta'aposeli 14:21

Ioxe, ilou mixali ne Tevi la mia'aloxu vaikala laixe noxou Tatananenge noxi'a tamitema. Mia'aloxu la tamitema tavu'alo milopala. Xe ili'i la ilou milivu milai ne Lisitila xe ne Aikoniamu xe ne Anitioki.

Ta'aposeli 13:51

Mikusai'a laso ilou mipupanu tava'a so liasou xale lia ne upei. Ane'i mi'oxo axone so isosovo lexe i'italone'i tamitema anene no anu ilixo masua noxi'asi. Mipupanu tava'a mukalu laso milutu milai no anu tuala ne Aiko­niamu.

Ta'aposeli 6:3

Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

1 Timoti 5:25

La anu axone kalumo no anu ilixo laixe. Se'i ne upala'a avile xe se'i utalume. Ia umomomo so utalume avile uasi ane, ulai la upala'a kalumo.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

Ta'aposeli 14:1

Ioxe, Polu ilou Vanavasi milai mixali ne Aikoniamu la ilou mimulinu ilixo aloxo milavusou i'oxonu no tuatuala, ane'i milai no tasou lavuloto noxi'a Taiuta. Milai ne xe mivotovoto no anu xavi, la tamitema tavu'alo noxi'a Taiuta xe Takiliki, milopala.

Ta'aposeli 14:6

Ia ilou milomusou mi ane milalaxinu so i'oxonu noxi'a ne, sila ilou mi'ume milai no xale lia ne Likonia. Milai no tuala tamei no apu ne, vile ualasou lexe Lisitila xe vile ualasou lexe Tevi. Mo mixixao no xale lia ne avile.

Pilipai 2:22

Ia loxo noxou Timoti 'o la ngingi ngelavusou ilixo noxou. Anu upalasi lexe musu'ulileli so texaxaisou vaikala laixe aloxo itema olu usu'ulinu no anu xaixai noxou.