Ta'aposeli 16:15 - Ata New Testament

¹⁵ Milamana axone, laso ane oli'a tatemanu tasie mixalisou ilixo so kelele. Mukalu laso Litia mivikalanexi lexe, “Loxo ngatilovosilo lexe eni elopala manina noxou Tatananenge 'o laso ngane'e ngaxolu no tani noxilo.” Mivikala axone la miuolotetesi xo mole nexi telai.

Ta'aposeli 16:15 Referans Kwoze

Ta'aposeli 11:14

La angelo muvikalanu lexe eni alanu votovoto se'i mo no anu votovoto anenesi la anu oli'a taminuminu ixalisou pamauli.

Ipilu 13:2

Xe loxo taasila ixali la kalakalangenge uasi so ngavu'u­line'i. Aitengasinge ukisi noxi'a xo se'i mivu'uline'i taasila la mika­lavoi lexe tamitemamo, la uasi, ane'i ta'angelo ane.

Ta'aposeli 16:33

Anu olovoxo nesio, la anu tatila no anu lakalavusu mulaixi'a so mu'uinu xalexalevine'i e mipuasi'a ilou. Mu'uinu mukalu laso ane, ilou mi'oxonu ilixo so kelele noxou mo noxi'a laili noxou.

Luku 24:29

Ia ane'i ilou mitanuxu lexe, “Uasi, nenge'a taxolu 'o xo aso a ulu'elai, mo anu so olovoxo 'oe.” Laso anu mu'unalai so oli'a ixolu.

3 Tioni 1:8

Laso anu laixe so tavalaxa'a tamitema axone no anu su'uli noxinge xo axone la nenge tava'isu­ne'i no anu xaixai so vaikala anu temanu manina.

3 Tioni 1:5

Maula, no anu su'uli nalavusou na'oxonu noxi'a tavivinge la anene namulinu masaxa noxou Mosinge ane. Xe no anu ane na'oxonu noxi'a taasila la Mosinge umasaxau misevile.

1 Pita 5:12

Sailasi musu'ulileli no anu lapasi 'o xo eni elemolu vaikala kaio anu mukaukavunu. Eni emaisou vivinge 'o lexe usaxila'u laixe xaixai ma'ia tapilixinu noxou. No anu lapasi ataxu se 'o la emasaxau apelototosinge mo avikala lamana no anu iaiama maninasou noxou Mosinge. La emasaxau a'avutinixinge lexe ngatulu pumungenge no anusi.

Vilemoni 1:17

Laso ane, loxo nasaxisilo aloxo amenexine no anu xaixai noxou Kalaisiti la na'unanu Onesimusi noxine a loxo anu a eni ne.

Pilipai 1:7

Ngingi ngaxolu no anu e'eleli 'o laso anu laixe so axavutalangengi axone. Xo Mosinge muiaiama noxilo so axolu akalavusu 'o xe so a'oxonu latolo mo avalaxu vaikala manina. La ngingi nge'una so ngava'isuleli no anu mukalusi.

Epesusi 1:1

Eni Polu a. No anu masaxa noxou Mosinge la anu mutulusilo so lexe eni a aposeliou Kalaisiti Iesua. Eni akaukavunu lapasi ano'o ulai noxinge tamitemaou Mosinge u'isalili ne Epesusi. Ngingi ne ngaxolu noxou Kalaisiti Iesua mo lopala noxinge ututulu noxousi.

Xalesia 6:10

Laso ane, loxo nenge vote'i la ta'oxonu laixe noxi'a latala mukalusi. Xe loxo tavivinge no anu lopala la xavinengeou avile so ta'oxonu noxi'a.

2 Kolini 12:11

Auo, ngamalei, ngingi menge ngesouleli so evikala vuluvulusi 'o. Loxo nge'oxo laixe la ngingi menge ngavalaxo so ngaa'aloxu ilixo noxilo lexe mulapusi. Xo manina, eni amitema vitanisi ia noxi'a ta'aposelimengi i'uli'uli ne ane'i iua'ulixo sevile no anu mi vile uasi.

2 Kolini 5:14

Sexela noxou Kalaisiti upalupalusixe xo oponexi ututulu aloxo 'o. Itema vile muno'u tani­nenge mukalusi no anu soli la no anu vote'i anene soli muxalisinge mukalusi.

Lomu 16:23

Xe Xaiusi mulemolu aso noxinge. Eni Polu a axoxolu no tasou xe Mosinge ta'olu ipitapita ne kalumo. Xe Elasitusi e itema so usaxila'u lamoli noxou xamani no tuala ano'o ulemolu aso noxinge. Xe vimou Kualitusi kalumo.

2 Tioni 1:10

Loxo itema une'e noxinge ia vaikala e une'enu ne iou vilemo no anu votovoto anene, la ngavikala aso noxou uasi mo nga'unanu no tasinge uasi.

Ta'aposeli 18:8

Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.

Ta'aposeli 8:38

Laso itema tila ne muvikalanu voiou ne lexe upamu­xanu osi so kali utulusi. La Pilipi ilou itema tila ne milu'elai no lexa. Milu'elai no lexa mukalu laso Pilipi mu'oxonu ilixo so kelele noxou.

Ta'aposeli 8:12

Ia voxo loxo Pilipi muvotovoto no anu vaikala laixe so voxo loxo Mosinge molu u'uli laxune'i tamitemaou mo mua'aloxu Iesua Kalaisiti, la ane'i milopala. Ane'i milopala mukalu la mi'oxonu ilixo so kelele, tasema xe tamulu.

Luku 14:23

La anu tilasou muvikalanu lexe, 'Nini nalai noale no anu taoni ka namulinu vote'i aiue xe votevote'i se so xai. Xe naxalisi'a tamitema se'i ne'ei la nalapune'i no anu vaikala lexe ine'e no anu lavilelu mo so tasilo 'o uana'anasi.

Matiu 10:41

Xe loxo itema vile u'osasou polopeti vile so xaixai noxou mo u'unanu noxou la itema ne uxalisou lakoli­sou u'isalili a loxo lapeou polopeti. Mo loxo itema vile u'osasou itema vile ulapusi so ilixou ne mo u'unanu noxou la itema ne uxalisou lakolisou u'isalili a loxo lapeou itema ulapu.

Matiu 3:6

Mine'ene'e noxou xe ane'i ta'ei milamana no anu susu noxi'a la milemolu. Laso Tioni mu'oxo ilixo anene so mukelenixa'a no lexa Tiotani ne.

Ta'aposeli 16:31

La ane'i mikolinu lexe, “Nini nalopala noxou Tatananenge Iesuasi, laso Mosinge upamaulineni. Xe axone, la tatemanu tasine vote'isi'a kalumo.”

Ta'aposeli 16:34

Mukalu laso anu muno'a ilou mo mulaixi'a no tasou so mulosi'a la'ilali. La anu oli'a laili noxou mi'osa manina xo no voxo anenesi milopala noxou Mosinge.