Ta'aposeli 16:14 - Ata New Testament

¹⁴ La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Ta'aposeli 16:14 Referans Kwoze

Luku 24:45

La anu mukisinu xavutalai'a mo so vaikalaou Mosinge laxulaxu mupalapala'a noxi'a.

Mupala'a 3:20

Ngalomu. Eni atulu no aitenga mo apolopolo. Loxo itema ulo­muxu vaikalaxeli mo ukisinu aitenga laso ane. Eni a'una so nexi noxou taxolu mo ta'ani.

Lomu 9:16

Laso ngamaisou, anu mi so masaxa o xaixai noxou itema uasi. Anu mi so iaiama noxou Mosingesi.

Pilipai 2:13

Xo anu ane so uxaxai nonano noxinge, a Mosingesi. Anu a uxaxai so u'avutinoxu osa no opongengi so ngamulinu masaxa noxou u'isalili ka ulosinge xavi so nga'oxonu.

Ta'aposeli 11:21

Mivotovoto la xavi noxou Tatananenge muxolu noxi'a. Laso ane'i tamitema tavu'alo mixiunu opone'i mo mi'isalilinoxu xe milopala noxou Tatananenge.

Mupala'a 3:7

La anu muvikala aloxo 'ola, “Nini nakaukavunu vaikala ano'o ulai noxou angelosou pita noxilo ne Vilatelevia. Eni ane a malemale­ngasi mo eni tava'u vaikala maninasi. Eni a atetelisou laki noxou Teviti laso aitenga ane akisinu la evile umomomo so utatusou uasi. Xe aitenga ane atatu­sou la evile umomomo so ukisinu uasi. Akalanu vaikala ano'o ulai noxinge.

Ta'aposeli 18:7

Polu muvikala axone mukalu la mula no tasou lavuloto xe mu'unalai no tani vile a muxolu no pa'umolu. Tani ne, mosou ualasou lexe Titiusi Iasitusi. Itema ano'o ulavusou umama'u noxou Mosinge.

Mupala'a 1:11

La muvika­laleli aloxo 'o, “Mimi ane so nasaxisou la nakaukavunu no lavuku vile ka nakalanu ulai no anu pita 7 no tuatuala ano'o. Ne Epesusi xe ne Semelena xe ne Pelexamumi xe ne Taiataila xe ne Salitisi xe ne Vilatelevia xe ne Laotisea.”

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Ta'aposeli 8:27

Pilipi mulomu mukalu la mulutu mulai. Mulutu mulai xe no vote'i la muxalisou itema so xale lia ne Itiopia. Anu itema tila no anu xamani, xaixai noxou so usaxila'u lamoliie xe mimiie kuinii'a Ta'itiopia. Kuini ne, mimoxo'e lexe Kanitasi. Itema tila ne mune'e ne Ielusalemo so mu'itinu Mosinge ualasou xe anu a ulalai so ulivu no tualasou.

Tioni 12:20

Ioxe, tamitema Takiliki se'i a mixolu no taine'i tamotu e mitetelai ne Ielusalemo so i'itinu Mosinge ualasou no anu lavilelu so Mualasi'a ne.

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 16:40

Ioxe, ilou milutu no tasou lakalavusu la milai no tasie Litia. Ilou milai xe tavivinge no anu lopala mipita la ilou milosi'a vaikala se'i so mi'oxonu pakia'a. Xe ili'i laso ane'i milutu so mixexesou tuala ne.