Ta'aposeli 16:13 - Ata New Testament

¹³ Texolu xe no Voxo so Ma'ila la tela no aitengaxu vimelusou tuala mo telai no lexa pa'umolu. Telai ne xo tekamulinu tanixu e Taiuta ipita so ivikala noxou Mosinge. Texali ne la tasema se'i mixolu mipita ne laso nexi tesoko'u so tavikala noxi'a.

Ta'aposeli 16:13 Referans Kwoze

Ta'aposeli 13:14

Ia ane'i ilou milutu ne Pexa la milai xo la mixali no tuala vile milemolu lexe Anitioki kalumo. Tuala Ani­tioki 'o a muxolu no xale lia ne Pisitia. Mixali xe no anu Voxo so Ma'ila la ilou mi'unalai no tasou lavuloto noxi'a Taiuta mo mitalu­pexa nonano.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Ta'aposeli 21:5

Ia voxo e tesosovosou lexe talai a muxalii la te'umesi'a telaisi. Telai la talopala oli'a tasemasemai'a xe ta'ili'a misaxanexi telai. Telai xe texali no luaki la nexi mukalusi texola'u tava'ixe mo tetangatulu no tasii so tevikala noxou Mosinge.

Ta'aposeli 20:7

Texolu xo xe no anu voxo tei la tepita noxi'a talopala so tavelunu pileti. La Polu muvotovoto noxi'a tamitema xo voxo loxo ne'iela la anu so ulai. Muvotovoto muvoto­voto xo la muxali no olovoxo lixinu.

Ta'aposeli 18:4

Polu muxoxolu ne mo no anu Voxo so Ma'ila utotomu anu mu'unalai no tasou lavuloto noxi'a Taiuta. Mu'unalai so upalasinoxu Mosinge vaikalaou laxulaxu noxi'a Taiuta oli'a Takiliki.

Ta'aposeli 17:2

Poluena mixali la anu mumulinu ilixo aloxo mu'oxonu no tuatuala. Anu mu'unalai no tasou lavuloto no anu Voxo so Ma'ila. Xe viki vilela, no anu Voxo so Ma'ila, la anu mu'una'unalai. Mu'oxo axone alaxu tatalu. Mo anu oli'a tamitema ne mivivikala, la anu mupala­palasinoxu laxulaxu Mosinge vaikalaou noxi'a.

Ta'aposeli 16:6

Poluena milutu mimuamua'i mixixao no xale lia ne Pilixia xe Xalesia. Xo ane'i la imasaxau ilai ne Esia polovinisi so ivotovoto, ia Ulenu Laixe mu'apixa'a.

Ta'aposeli 13:42

Ioxe, Polu muvotone'i mukalu la tamitema milala no anu tasou lavuloto. Milala sila tamitema mivikala noxi'a ilou lexe no anu Voxo so Ma'ila u'uli 'o la ilou ilivu ine'e so ia'aloi'ala.

Tioni 8:2

Xe no voxo loxo ne'iela no kakau manina la mulivu mu'una no tasou Mosingela. La tamitema minene'e noxou laso anu mutalupexa kaio musoko'u so uvotone'i.

Luku 13:10

Ioxe, mune'e xe no Voxo so Ma'ila la Iesua muxolu muvoto­voto no anu tasou lavuloto vile.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Matiu 13:2

Xe tamitema latala mixali mipita noxou la anu tanixu uasi. Laso mutelo no pouti vile la mutalupexa no anu. Xe ane'i tamitema latala mitulu no tasii so ilomusou.

Ta'aposeli 9:20

Ia no voxo ane Ananaiasi muxali noxou la Sauli musoko'u so uvotovoto no anu tatasou lavuloto. Anu muvotovoto lexe Iesua anu Mosinge Olu.

Ta'aposeli 16:16

Xe mune'e la voxo vile nexi a temuamua'i so talai no tanixu e telavusou tavikala noxou Mosinge. Temuamua'i la texalisie sema vile ane mixolu so silevi noxi'a tatatanane. Xo aloxo 'o. Tamitema mine'e noxie sema ne so ane ivikala lexe mi ma'ia uxali noxi'a ili'i. Mi'oxonu axone xe milotone la tatatanane mixalisou lamoli tatila no anu anene. Ane ilemolu mi ma'ia uxali ili'i ne xo angelo masua muxolu noxie.