Ta'aposeli 15:9 - Ata New Testament

⁹ Mo axone la anu mulosoiengi lexe anu ukalitotonenge noxi'a uasi. Ane'i milopala noxousi laso anu molu mu'uine'i so mixali tamalemalenga no iou. Mu'oxonu noxi'a ne iou vilesisi aloxo nenge 'osi.

Ta'aposeli 15:9 Referans Kwoze

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Ta'aposeli 10:28

La anu muvikalane'i aloxo 'o, “Ngingi menge ngelavu lexe lavuloto vile noxixe nexi Taiuta lexe mamu so tapita noxi'a tami­tema noale'ale. Mo mamu so ta'una no tasi'a. Ia Mosinge molu mumaxa'u noxilo lexe alemolu itema vile nuni'u no iou Mosinge uasi.

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

1 Kolini 1:2

Lapasi ano'o so ulai noxinge no anu pita noxou Mosinge no tuala ne Kolini. Ngingi ane mu'avalinge mo mupitangengi noxou Kalaisiti Iesua. Mupitangengi laso mukali­pala­ngengi lexe ngingi tanoxou mu'isa­lili. Ngingi ngoli'a tatemanu tuatuala aneva ilavusou i'itinu ualasou Tatananenge Iesua Kalaisiti. Anu Tatanane'i xe Tata­nanenge.

Lomu 3:22

Vote'i anene aloxo 'o. Mosinge molu umoxo'inge tamalemalenga loxo talopala noxou Iesua Kalaisiti. Anene vote'isi'a tamitema latala, iou vilesisi.

Ta'aposeli 11:12

Mivikalaleli axone la eni talelilili ia Ulenu muvikalaleli lexe, 'Naxavutala uasi, nalaisi.' La ane'i tavivinge 6 'o ane'i kalumo noxi'a telai. Telai xo la te'unalai no tasou itema e mu'avalilo ne.

1 Pita 1:22

Ioxe, ngingi ngelomuxu vaikala ane temanu manina la no anu vote'i anene nge'uingengi ngexali tamalemalenga no iou Mosinge. Xe ngingi a ngasexelaxa'a tavi­vinge Mosinge ta'olu, laso xavingengiou so ngasexelangenge no opongengi manina.

Ta'aposeli 10:34

Ioxe, Pita muvikala aloxo 'o, “Eni tei la alamana uasi. Ia vaimomo 'o eno'u lavulavu. Ai manina, Mosinge oponu vilesisi noxi'a tamitema mukalusi.

1 Kolini 7:18

Loxo itema ane mu'oxonu sosovo so muxotonu vasimolu ulomuxu ava noxou Tatananenge, la anu uxolusi. Utovonu so ulivunoxu vasimolu so uxali loxo teila uasi. O loxo itema ane sosovo ne uxolu no vasimolu uasi xe ulomuxu ava noxou Tatana­nenge la anu kalumo uxolusi. Uxotonu vasimolu uasi.

Lomu 9:24

Nenge ane mu'avalinge so taxalisou iaiama noxou ne, nenge so laili noxi'a Taiutasi uasi. Nenge ane so laili noale'ale kalumo.

Lomu 3:9

Laso telexu axova? Nenge Taiuta talaixe noxi'a se'i? Uasi manina. Loxo elemolu, nenge Taiuta xe tamitema noale'ale iou vilesisi. Susu musakinenge mukalusi.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 14:1

Ioxe, Polu ilou Vanavasi milai mixali ne Aikoniamu la ilou mimulinu ilixo aloxo milavusou i'oxonu no tuatuala, ane'i milai no tasou lavuloto noxi'a Taiuta. Milai ne xe mivotovoto no anu xavi, la tamitema tavu'alo noxi'a Taiuta xe Takiliki, milopala.

Ta'aposeli 10:15

Ia alaxu tameisou la anu xolinu muvikalala aloxo 'o, “Mi anene Mosinge muxalixu lexe malemalenga la mamu so nalemolu lexe nuni'u.”