Ta'aposeli 15:4 - Ata New Testament

⁴ Poluena milai milai xo xe mixali ne Ielusalemo la tatemanu pita xe ta'aposeli xe tamitema so saxila'u mi'osasi'a. La Poluena mia'aloi'a no anu mimi ane Mosinge muxalixu no avo'a.

Ta'aposeli 15:4 Referans Kwoze

Ta'aposeli 15:12

Pita mupilixinu vaikala axone mukalu la ane'i latala mixolu tasiausi. Mo mixolu milomusi'a Vanavasi ilou Polu so mia'aloi'a no anu sosovo so xavi iouiou Mosinge mu'oxonu no avo'a no taine'i tamitema noale'ale.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 15:3

Ioxe, milutu la tatemanu pita latala mi'italone'i laixe so milai. Poluena milutu milai la mipolo no xale lia ne Vonisia xe ne Samalia. Mipolo ne xe mixali no tuala aneva la mia'aloi'a talopala no anu mimi ane Mosinge mu'oxonu no avo'a so tamitema noale'ale milo­pala kalumo. Mia'aloi'a talopala xe milomu la ane'i opone'i mu'osa manina.

Lomu 15:18

Axolu noxou laso eni a'itileli uasi. Xo mi ma'ia e'oxonu la eni uasi, Kalaisiti molu muxalixu no avolo. Xo elanu vaikalaou noxi'a tamitema noale'ale laso maixene vaimomo 'o mose'i opone'i ukasou manina.

Ta'aposeli 21:17

Texali ne Ielusalemo la talopala mi'osasixe manina.

2 Tioni 1:10

Loxo itema une'e noxinge ia vaikala e une'enu ne iou vilemo no anu votovoto anene, la ngavikala aso noxou uasi mo nga'unanu no tasinge uasi.

Kolosi 4:10

Ioxe, Alisitakusi e noxou taxolu takalavusu 'o muvikala aso noxinge. Xe Maki e Vanavasi vimou tavuna anu kalumo ukalanu aso noxinge. Loxo une'e noxinge la nga'osasou so nga'unanu noxinge aloxo ele­molu no anu vaikala ekalanu noxinge mukalu.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

2 Kolini 5:19

Vote'isou ne aloxo 'o. Noxou Kalaisiti la Mosinge muxoxolu so usolixu kalipala anene mo uxalixu vote'i so upitane'i tatemanu lialia ilivu noxou. Ilivu noxou laso anu ukalusou tina'uxa'a so susu avile. La vaikalasou vote'i so kalipala ukalu axone a mupi­lixinu noxixe 'oe.

1 Kolini 15:10

Ia vaimomo 'o xoluxoluxo aloxo 'o xo no anu iaiama noxou Mosingesi. Muiaiama noxilo la ulapau vitanisi uasi. Muxalixu nene'axu xo no anu xaixai noxilo la aua'ulixa'a ta'aposeli mukalusi. Ia eni melo uasi, iaiama noxou Mosinge a uxoxolu noxilo so ulosilo xavi no anu xaixai anene.

Lomu 15:7

Ioxe, Kalaisiti mu'osasinge so nenge noxou taxolu tapita. La ngingi nga'oxo axone kalumo so ngingi mukalusi nga'osasinge ngato'o mo so ngaxolu ngapita. Laso axone la ualasou Mosinge utila.

Ta'aposeli 21:19

Tepita mukalu la Polu muvikala kakau laixe noxi'a. Mukalu la anu mua'alo no anu mimi ane Mosinge muxalixu no avolu no taine'i tamitema noale'ale.

Ta'aposeli 18:27

Ioxe, Apolosi mumasaxau ulai ne Akaia polovinisi la talopala opone'i vilesisi so ulaisi. La ane'i mikaukavunu lapasi mulai noxi'a talopala ne Akaia so ivikalane'i lexe i'unanu noxi'a. Ioxe, Apolosi mulutu xo la muxali ne Akaia noxi'a ane'i ane milopala no anu iaiama noxou Mosinge, la musu'uline'i misevile.

Matiu 10:40

Xe Iesua muvikala aloxo 'ola, “Loxo itema u'osasinge so nga'una noxou la ngingisi uasi, anu u'una­leli ane. Mo loxo u'osasilo so a'una noxou ne la enisi uasi, anu u'unanu anu ane mupalusilo ene'e 'o.

Ta'aposeli 11:30

Mipitanu mukalu laso milosi'a Vanavasi ilou Sauli so ilaixu noxi'a tamitema so saxila'u ne Iutea.

Ta'aposeli 15:2

Ia Polu ilou Vanavasi milomusou vaikalai'a ne la ilou mixiliie'ixu la oli'a mi'oto no anu vaikala. Mi'oto xe imomomo so ilovonixu mi ne uasi laso talopala mipalusi'a Polu ilou Vanavasi xe tamitema se'i milai ne Ielusalemo. Mipalusi'a ilai so ipilixinu mi ne noxi'a ta'aposeli oli'a tamitema so saxila'u mo so itilovosou.

Ta'aposeli 15:6

Mi'italonu vaikala axone laso ta'aposeli oli'a tamitema so saxila'u mipita so itilovosou.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 16:4

Ioxe, ane'i milutu mimuamua'i milai no anu pitapita noxou Tatananenge no tuatuala. Milai la mivikala lamana lexe ta'aposeli oli'a tamitema so saxila'u ne Ielusalemo milovonixu tu'umaxu e muxali mala'o mukalu. Xe mipa­la'anixu mimi e mi'italonu noxi'a talopala noale'ale so imulinu.