Ta'aposeli 15:3 - Ata New Testament

³ Ioxe, milutu la tatemanu pita latala mi'italone'i laixe so milai. Poluena milutu milai la mipolo no xale lia ne Vonisia xe ne Samalia. Mipolo ne xe mixali no tuala aneva la mia'aloi'a talopala no anu mimi ane Mosinge mu'oxonu no avo'a so tamitema noale'ale milo­pala kalumo. Mia'aloi'a talopala xe milomu la ane'i opone'i mu'osa manina.

Ta'aposeli 15:3 Referans Kwoze

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 21:5

Ia voxo e tesosovosou lexe talai a muxalii la te'umesi'a telaisi. Telai la talopala oli'a tasemasemai'a xe ta'ili'a misaxanexi telai. Telai xe texali no luaki la nexi mukalusi texola'u tava'ixe mo tetangatulu no tasii so tevikala noxou Mosinge.

Taitusi 3:13

Xe Senasi anu itema so lavulavu no anu lo noxou xamani ilou Apolosi la nasu'uline'i laixe. Mo so loxo ilutu so imua­mua'i la isoti no anu mi vile uasi.

1 Kolini 16:11

Mamu so se'i ipixeti noxou, ngataxanu vaikalaou. Ngoli'a ngaxolu laixe xo xe so ulutui la ngapilixinu laixe so opongengi laixe noxinge ngato'o. Eni axolu axomaiou xo mo oli'a tavivinge ixali.

1 Kolini 16:6

Apolo xo xe axali noxinge la masi nenge'a taxolu maxuveni sevile. Alavu uasi, masi nenge taxolu sivo lelemesou taunu avile. Taxolu xo xe alutu so alai no tuala ne'ei la ngapilixileli laixe.

Lomu 15:24

Laso loxo alai ne Sipeni la apolo loxo noxinge tei. Xo eni a'osa so amaisinge mo taxolu tasexelanenge ngato'o. Ukalu laso ngapilixileli laixe so alai avile ne Sipeni.

Ta'aposeli 15:12

Pita mupilixinu vaikala axone mukalu la ane'i latala mixolu tasiausi. Mo mixolu milomusi'a Vanavasi ilou Polu so mia'aloi'a no anu sosovo so xavi iouiou Mosinge mu'oxonu no avo'a no taine'i tamitema noale'ale.

Ta'aposeli 28:15

Telai xe tavivinge ne Lomu milomu lexe nexi a tene'e laso ane'i mialanexe so mixalisixe no vote'i. Mialanexe la se'i mixalisixe no maketi ne Apiusi. Xe se'i mixalisixe no anu tuala ilemolu lexe Tani Tatalu Si'a Tapasinitia. Anu Polu mumaisi'a, la anu muvikala laixe noxou Mosinge mo ume noxou tasiau.

Ta'aposeli 13:52

Ia Ulenu Laixe mupamu­xane'i tamitema ane milomuxu vaikalai'a ilou ka milopala noxou Iesua, mo ane'i mixolu mi'osa manina.

Ta'aposeli 13:48

Ioxe, tamitema noale'ale loxo milomusou vaikala anene la mi'osa manina mo opone'i mukasou vaikalaou Polu. Xe ane'i ta'ei Mosinge musosovosi'a lexe ixalisou xoluxolu kaluxu uasi la milopala.

Ta'aposeli 8:14

Ioxe, ane'i ta'aposeli mixolu ne Ielusalemo la milomu lexe Tasa­malia mi'osasou mo milomuxu vaikalaou Mosinge. Milomu axone laso mipalusi'a Pita ilou Tioni so milai noxi'a.

Luku 15:32

Ia vaimomo 'o nenge ta'osa mo takekesi. Xo vivine soxu 'o musoli mukalu ia a mumaulila, mo anu mulusi ia a muxali noxinge 'oe.'”

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

Ta'aposeli 15:1

Xe mune'e la Taiutea se'i mine'e mixali ne Anitioki la misoko'u so mipelototosi'a tavivinge talopala lexe, “Loxo ngingi ngamulinu ilixo so ngaxotosou vasimenge loxo Mosisi mulemolu uasi la umomomo so ngaxalisou pamauli uasi.”

Ta'aposeli 15:4

Poluena milai milai xo xe mixali ne Ielusalemo la tatemanu pita xe ta'aposeli xe tamitema so saxila'u mi'osasi'a. La Poluena mia'aloi'a no anu mimi ane Mosinge muxalixu no avo'a.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 15:32

La Iutasi ilou Sailasi ne ane'i tamitema so pela'a. Laso ane'i ilou milosi'a vaikala so mi'itinu Tatananenge ualasou mo mu'oxonu pakia'a talopala.

Ta'aposeli 17:15

Mosinge ta'olu mipalusou Polu, la se'i misaxanu. Misaxanu xo xe mixali no luaki la oli'a mitelo no lasipi so milai avile ne Atenisi. Milai mixali ne Atenisi xe ane'i ane misaxanu milivu, la Polu mukalanu vaikala noxi'a lexe Sailasi ilou Timoti ipalea ixali noxou.

Ta'aposeli 20:38

Ane'i tane'ixu manina mo opone'i tu'umaxu noxou vaikalaou Polu lexe anu umaisou ie'ila uasi. Mukalu laso misaxanu so mutelo no lasipi.