Ta'aposeli 15:25 - Ata New Testament

²⁵ Nexi tetilovosou mi ne la oponexi vilesisi, laso maixene nexi tepalusi'a tatamei 'o so oli'a tamalemalenga Vanavasi ilou Polu a mine'e noxinge.

Ta'aposeli 15:25 Referans Kwoze

2 Pita 3:15

Xe ngamalei, Tatananenge uxolu se'isisi uxomaii'a tamitema, xo oponu ututuluou pamaulisi'a. Mi ne mulosou lavulavusou noxou Polu kalumo xo vivinge e tasexelaxu manina ne mukauka­vunu mulai noxinge ne.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 15:2

Ia Polu ilou Vanavasi milomusou vaikalai'a ne la ilou mixiliie'ixu la oli'a mi'oto no anu vaikala. Mi'oto xe imomomo so ilovonixu mi ne uasi laso talopala mipalusi'a Polu ilou Vanavasi xe tamitema se'i milai ne Ielusalemo. Mipalusi'a ilai so ipilixinu mi ne noxi'a ta'aposeli oli'a tamitema so saxila'u mo so itilovosou.

Ta'aposeli 1:14

Ane'i mixoxolu la utotomu mipita mo mivikala noxou Mosinge. La Malia Iesua nenu oli'a tasema se'i xe Iesua tavimovimou, ane'i kalumo ilavusou ine'e ipita noxi'a ta'aposeli.

Luku 1:3

Ioxe, eni exolu ekilolo laixe no anu mi kikitu no anu a'alo noxi'a, musoko'u no tava'u manina mune'e. Laso maixene e'oxo lexe eni kalumo akaukavunu umulinu u'isa­lili. Xe ukalu, la akalanu ulai noxine nini Tiopilusi ne.

Vilemoni 1:16

Ngaxolu ne la anu silevimeni ia silevi vitanisi to uasi, xo anu vivine so nasexelaxu manina. Noxilo la opoleli u'osasou axone ia loxo noxine la osa noxine masi utila noxou avile. Xo no anu vasimene la usu'ulineni xo anu silevimeni, xe noxou Kalaisiti la usu'ulineni kalumo xo anu vivine ane.

Kolosi 4:9

La ilou Onesimusi e vile noxinge 'o. Anu ne, vivinge ane tasexelaxu mo xaixai ma'ia tapilixinu la u'oxonu laixesi. Ane'i ilou ixali, laso ia'alomengi laixe no anu mimi mukalusi muxali lai 'o.

Kolosi 4:7

Ioxe, loxo Tikikusi uxali noxinge la ua'alomengi laixe no anu mi ma'ia muxalisilo 'o. Tikikusi ne anu ulavusou uva'isu no anu mi ma'ia tatavulenu 'o, xo anu itema so xaixai laixe noxou Tatananenge mo anu vivinge ane tasexelaxu.

Epesusi 6:21

Ioxe, eni emasaxau lexe ngala­vusou xoluxolu noxilo 'o. Laso vivinge Tikikusi a ulai noxinge so ua'aloxo. Anu itema so kalakala­xuou xaixai noxou Tatananenge uasi.

Xalesia 2:9

Xe ane'i ane ualasi'a lexe tatiatila no anu pita e Tiemisi xe Pita xe Tioni ne mitongonu lexe Mosinge muiaiama so mulosilo xaixai ano'o u'isalili. Laso ane'i misixalinexi noxou Vanavasi so imaxa'u lexe nexi noxi'a oponexi vilesisi no anu xaixai noxixe. Mo mipilixinexi axone so nexi taxa­xaisi'a tamitema noale'ale xe ane'i so si'a Taiuta.

1 Kolini 1:10

Tavivilo, eni atama pakia'u noxinge no anu ualasou Tatana­nenge Iesua Kalaisiti lexe ngingi mukalusi ngaxolu opongengi vilesisi. Ngingi ngakalipalangengi no taingengi ngato'o uasi. Ngaxolu xavutalamengi vilesisi mo nga­tilovo vilesisi.

Lomu 16:12

Mo aso noxilo noxi'a Tilivina olie Tilivosa, ane'i tasema so xaixai noxou Tatananenge. Xe noxie Pelisisi ane talelixe misevile. Ane xavineou xaixai noxou Tatana­nenge kalumo.

Ta'aposeli 15:35

Io Polu ilou Vanavasi mixolu ne Anitioki ne. Ilou mixolu so oli'a tamitema tavu'alola mivotovoto no anu vaikalaou Tatananenge.

Ta'aposeli 15:6

Mi'italonu vaikala axone laso ta'aposeli oli'a tamitema so saxila'u mipita so itilovosou.

Ta'aposeli 2:46

Mo no voxo utotomu ane'i mipita no mataunaxu tasou Mosinge. Xe ane'i mipita so i'ani no tatasi'a la opone'i laixe mo mi'osasi'a ngato'o.

Ta'aposeli 2:1

Ioxe, no anu voxo tatila noxi'a Taiuta e ilemolu lexe Penikosi la ane'i talopala mukalusi mixolu mipita tanixa'a vilesisi.

Matiu 11:26

E Papa, muxali aloxo 'o xo mumulinu masaxa noxine u'isalilisi.”