Ta'aposeli 15:11 - Ata New Testament

¹¹ Uasi to! Nenge tala­mana lexe Mosinge mupamauli­nenge xe ane'i kalumo no anu vote'i vilesisi. Vote'i e no anu iaiama noxou Tatananenge Iesuasi.”

Ta'aposeli 15:11 Referans Kwoze

Lomu 3:24

Ia anu muiaiama noxinge so Kalaisiti Iesua anu molu mukalusou tina'unenge so susu. Anu iaiamasi, nenge taxaxai so talotonu uasi.

Taitusi 2:11

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

Xalesia 2:16

Ia loxo nenge telavu, vote'i so itema uxali ulapu no iou Mosinge a so umulimulinu lo uasi. Vote'isou a so ulopala noxou Kalaisiti Iesuasi. Laso ane, nexi kalumo telopala noxou Kalaisiti Iesua. Xo talavu lexe vote'i so nexi kalumo taxali talapu no iou Mosinge a so tamulimulinu lo uasi. Nexi vote'isixe kalumo a so talopala noxou Kalaisitisi. Xo umomomo uasisi manina so itema uxali ulapu no iou Mosinge no anu vote'i so lo.

2 Kolini 13:14

Eni amasaxau lexe ngingi mukalusi ngaxamulinu iaiama noxou Tatananenge Iesua Kalaisiti xe sexela noxou Mosinge. Mo amasaxau lexe Ulenu Laixe u'oxonu opongengi uxolu vilesisi. Anu anesi.

2 Kolini 8:9

Xo ngingi ngelavu mukalu no anu iaiama noxou Tatananenge Iesua Kalaisiti. Anu muxolu no latanu mimi avile ia anu muxali loxo oloxola vitanisi so usu'ulingengi. Mo so no anu vote'i so mu'oloxola axone la anu mumulangenge no anu latanu mimi avile.

1 Kolini 16:23

Iaiama noxou Tatananenge Iesua a uxoxolu noxinge.

Lomu 6:23

Laso anu ane. Loxo itema uxaxai no anu susu, la lapesou ane solisi. Ia Mosinge uiaiama noxinge so lexe taxolu noxou Kalaisiti Iesua anu Tatana­nenge, la tano'u mauli kaluxu uasi.

Lomu 5:15

Ia mi ane Mosinge ulosinge ne anu uua'ulixu susu noxou Atamu avile. Xo noxou Atamu la tamitema latala mixa­lisou soli. Ia noxou Iesua Kalaisiti la Mosinge mu'oxonu iaiama toxoxu noxinge. Mo iaiama noxou ne munixinixi mo musu'asinge tamitema tavu'alo.

Xalesia 1:6

Ai, eni akuluke manina noxinge. Xo no anu iaiama noxou Kalaisiti la Mosinge mu'avalinge ka ngexali tamitemaou. Ia ngingi to ne ngepalea so nga'ume'umesou mo ngalomuxu vaikala vilemo ane upolo va'axu no anu vaikala laixe.

Mupala'a 5:9

Mitangatuluou la milexenu lexe alavua aloxo 'o, “Nini nalaixe umomomo so nano'u lavuku mo nalokenu sosovo e mutei no anu. Xo ane'i mivene nesoli so sialuxene mulotone'i tamitema milivulivu noxou Mosinge. Tamitema no anu lailaili latala xe vaikalai'a vilevilesi xe vasime'a iouiou xe no xale tuatuala mukalusi.