Ta'aposeli 15:10 - Ata New Testament

¹⁰ Nenge talavu lexe nenge mo ta'ilusunenge tamomomo no anu lo e Mosinge mulosou Mosisi ne uasisi. Ia axova, nenge talosi'a tamitema noale'ale tu'umaxu ne so itavu­lenu? Tatovonu Mosinge oponu axone?

Ta'aposeli 15:10 Referans Kwoze

Xalesia 5:1

Ioxe, Kalaisiti mu'umenenge no anu mi e mukalavusunenge tei mo so taxolu lalavulusi. Laso ngatulu pakia'inge mo nga'italongengi so tamitema iuauoingenge ka ngalivu no anu xoluxoluxa'a tasilevi mamu.

Matiu 23:4

Anu loxo ane'i isakinu tavala tu'umaxu misevile ka imulaxu no laxasi'a tamitema mole sasaie'i so itavulenu. Ane'i tatiatila imaisi'a toxene'i so itavulenu axone ia ane'i ivaxanu avo'a simosou se so iva'isune'i to uasi.

Xalesia 4:9

Ia vaimomo 'o ngexalisou mo ngelavusou Mosinge. E uasi, anu molu muxalisinge mo mulavusinge. Laso axova so ngaxiu ngalivu no anu mimi tavatava'u ane mama­laxu mo xalusou to ne? Ngingi ngalivu mo so xoluxolungenge loxo tasi­levila?

Ipilu 9:9

Anu tani ne anu loxo pikisa so upela'inge nenge tamitema so voxo vaimomo 'o. Xo ane'i milavusou ine'enu mimi lexe noxou Mosinge mo mimi se'i ne mi'elaxu. Ia mimi anene umomomo uasi so u'isali­linoxu tane'i mo so ilavu lexe tina'uxa'a so susu ukalu.

Ipilu 3:9

Xe mixolu ne mitovo­tovoleli umomomo no tau ie 40 ia mimaisou mimi tatila exalixu no taine'i.

Matiu 4:7

Xe Iesua muvika­lanu aloxo 'ola, “Mosinge vaika­laou kalumo lexe, 'Mamu so natovonu Mosinge Anu Tatana­neni.'”

Ta'aposeli 5:9

La Pita mu'oxo lexe, “Ai, loxova so ngolou xavutalamengi vilesisi so ngato­vonu Tatananenge Ulenu Laixe? Namaisou, tamitema so mi'asixu mulumeni a i'una'una 'o, la masi ilaneni kalumo.