Ta'aposeli 15:1 - Ata New Testament

¹ Xe mune'e la Taiutea se'i mine'e mixali ne Anitioki la misoko'u so mipelototosi'a tavivinge talopala lexe, “Loxo ngingi ngamulinu ilixo so ngaxotosou vasimenge loxo Mosisi mulemolu uasi la umomomo so ngaxalisou pamauli uasi.”

Ta'aposeli 15:1 Referans Kwoze

Xalesia 5:6

Xo loxo itema uxolu noxou Kalaisiti xe sosovo uxolu no anu vasimolu o uxolu uasi, la anene mi vitanisi to. Ia mi ane mutiatila a so lopala noxou itema ne u'avutinoxu sexela no oponusi.

Ta'aposeli 15:5

Ioxe, se'i noxi'a talopala no anu laili noxi'a Tapalisi milomusou a'alo noxi'a ne xe mi'avuti la mivikala lexe, “Loxo axone, la tamitema noale'ale kalumo ixoto­sou vasime'a mo umulinu lo e Mosisi mulosinge.”

Kolosi 2:8

La ngalaxa'i laixe xo loxo 'o io evile masi ukalavusungengi no anu lavulavu noxi'a takeleva mo vaivaikala ane temanu uasi. Tamitema ane xo ne ilomuxu vaikalaou Kalaisiti uasi. Ane'i ilavusou imulinu ilixo noxi'a tatiatila tatei xe pakia'a no anu mimi tavatava'u so upamuxanu xoluxolu so lialiasi.

Ta'aposeli 15:24

Nexi telomu lexe tamitema se'i noxixe ane'i milai noxinge vitanisi, nexi tapalusi'a uasi. Ane'i milai la mikuluke­ngengi no anu vaikala mo mi'oxonu opongengi tu'umaxu.

Tioni 7:22

Ia ngaxavu­talanu, Mosisi mulosinge lavuloto so sosovo no anu vasimenge laso loxo voxosou uxali no anu Voxo so Ma'ila la ngingi ngaxotosou vasime'a ta'ilinge tamulu no anusi. Ia sosovo anene molu noxou Mosisi tei uasi, ane'i ta'ilusungengi mi'oxonu tatei e tateimo.

Xalesia 2:1

Ioxe, tau ie 14 mupolo mukalui la nexi noxou Vanavasi telai ne Ielusalemo. Telai la teno'u Taitusi so noxi'a.

Ta'aposeli 15:3

Ioxe, milutu la tatemanu pita latala mi'italone'i laixe so milai. Poluena milutu milai la mipolo no xale lia ne Vonisia xe ne Samalia. Mipolo ne xe mixali no tuala aneva la mia'aloi'a talopala no anu mimi ane Mosinge mu'oxonu no avo'a so tamitema noale'ale milo­pala kalumo. Mia'aloi'a talopala xe milomu la ane'i opone'i mu'osa manina.

Ta'aposeli 6:14

Xo nexi telomusou uvikala lexe itema e Iesua so Nasaleti umamulonu tani anene mo uxiunu ili'ilixo ane Mosisi mulosi'a ta'ilusunenge e muxali noxinge vaimomo 'o.”

Kolosi 2:16

Laso mamu so itema vile upamuxangengi no anu lavuloto so lexe nga'ou o ngaiexu mi ma'ia xe so voxo tatila so lalotu mo lavilelu so so'io alavua mo no anu Voxo so Ma'ila.

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

Ta'aposeli 15:22

Ioxe, ta'aposeli oli'a tamitema so saxila'u xe tatemanu pita muka­lusi opone'i vilesisi. Opone'i vilesisi mukalu la misosovosi'a tamitema se'i no taine'i so oli'a Polu ilou Vanavasi ilai ne Anitioki. Ane'i misosovosi'a Iutasi ane ualasou vilela lexe Vasavasi xe itema vilela ualasou lexe Sailasi. Ane'i ilou ne tatiatila noxi'a tavivinge talopala.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

Ta'aposeli 15:23

Ilou milai la mino'u lapasi vile ane ne muvikala aloxo 'o, “Nexi ta'apo­seli xe tamitema so saxila'u, nexi ane tavivinge 'o. Nexi takau­kavunu lapasi ano'o ulai noxinge talopala so noale'ale no tuala ne Anitioki xe ne Silia xe ne Silisia. Aso noxinge.

Ta'aposeli 15:32

La Iutasi ilou Sailasi ne ane'i tamitema so pela'a. Laso ane'i ilou milosi'a vaikala so mi'itinu Tatananenge ualasou mo mu'oxonu pakia'a talopala.

Xalesia 6:12

La ngalomu, ane'i tamitema mose'i e ixolu no taingengi ne imasaxau ualasi'a utila no ie'i tamitema tosi. Ane'i isoungengi so ngaxalisou sosovo no anu vasimenge xo i'oxo lexe, “Iu, loxo tamitema ilomu lexe talopala no anu ovu valautusou Iesuasi, la masi ilosinge navuna­vusou.”