Ta'aposeli 14:4 - Ata New Testament

⁴ Ia no tuala ne tamitema mikalipala. Se'i opone'i vilesisi noxi'a tatiatilasi'a Taiuta so mixilili xe se'i ne mivalaxa'a ta'aposeli.

Ta'aposeli 14:4 Referans Kwoze

Ta'aposeli 28:24

Milomusou, la se'i opone'i mukasou lexe manina, ia se'i ne uasi.

Ta'aposeli 19:9

Ia se'i noxi'a ne opone'i pakia'u mo ilopala uasi xe no ie'i tamitema la mivikala masuaou Vote'i ane muvotovoto no anu. Ane'i mi'oxo axone laso Polu oli'a tamitema e milomuxu vaikalaou xe milopala la mivo­tovoto no tasou lavulotola uasi. No anu voxovoxo utotomu Polu mulanu vaikala no anu tasou lasikulu e milemolu lexe Tilanusu.

Ta'aposeli 14:14

Ia ta'aposeli Vanavasi ilou Polu milomusou mi anene la mikuluke mo miteanu mimii'a so imaxa'u lexe opone'i tu'umaxu. Ilou miiave mi'una no taitaine'i tamitema xe mi'ava'ava lexe,

1 Kolini 9:5

Xe vile aloxo 'o. Loxo nexi tamitema so taxaxai no anu Mosinge vaikalaou tatau­la'ixa'a Mosinge ta'olu tasema. Tatau­la'ixa'a xe loxo noxi'a taxixao no anu pitapita ne'ei la anu laixe so tatemanu i'itixa'a la'ilali kalumo. Xo ta'aposeli se'i xe Tatananenge tavimovimou oli'a Pita ilavusou i'oxo axone.

Ta'aposeli 13:2

No voxo vile la tamitema no anu pita ne mixolu so ivikala noxou Mosinge. Opone'i mutulu no anu anene la mixolu maxuveni mo i'ani uasi. Ane'i a ivikala noxou Mosinge sila Ulenu Laixe upala'anixu noxi'a lexe, “Ningi ngatulusi'a Vanavasi ilou Sauli no anu xaixai vile esosovosi'a no anu.”

Tioni 7:43

Laso se'i mivalaxu xe se'i mixi­lilou sila mikalipala mole mixali loxo laili tamei.

Luku 2:34

Mukalu la Simioni muvikala laixe so xoluxoluxa'a mo muvika­lane keakea nenu Malia aloxo 'o, “Nalomu, noxou molomolo soxu e Mosinge musosovosou 'o la Ta'isi­laeli tavu'alo ixalisou mamulo xe tavu'alo ixalisou pamauli. Mosinge musosovosou ia ane'i latala ixili­liou.

Ta'aposeli 13:45

Ia tatia­tila noxi'a Taiuta mimaisi'a tami­tema lexe ane'i latala mipita axone la ane'i mi'isu. Mi'isu mo mivikala masua so ixililiou vaikalaou Polu.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 14:2

Ia se'i noxi'a Taiuta mixilili mo ilopala uasi. Xe mi'ou tane'i tamitema so noale'ale se'i mo so la'iaxa'ai'a tavivinge talopala ne.

Ta'aposeli 14:5

Xe mune'e la Taiuta oli'a tami­tema so noale'ale se'i milai noxi'a tatiatilasi'a. Milai noxi'a so ipitanu xavutalai'a so imasuane'i Polu ilou Vanavasi. Mi'oxo lexe ileaxa'a no anu lavolavo'o so ive'a isoli.

Ta'aposeli 14:19

Ioxe mune'e la Taiuta se'i me'a ne Anitioki xe ne Aikoniamu mixali ne Lisitila ne. Ane'i mixali la mi'unanu tane'i noxi'a tatemanu tuala ne so ixililie'i Poluena. Mixililiie'i sila mivavau no lavolavo'o xe milavenu vasimolu milaixu no utu xo mikalavoi lexe musoli.

1 Tesalonaika 2:14

Xe tavivixe, ngingi ngexali loxo tatemanu pitapita noxou Mosinge ne Iutea. Ane'i e ixoxolu noxou Kalaisiti Iesua. Xo ane'i mitavulenu tu'umaxu no avo'a Taiutala. La ngingi axone kalumo xo navunavu ane ngetavulenu ne noxi'a tatemanu tualasingela.