Ta'aposeli 13:8 - Ata New Testament

⁸ Mu'avali'a ia menexu e Vaiesusi ne anu muxilili'a Vanavasi ilou Sauli xo anu umasaxa so tatila no anu xamani ne ulopala noxou Iesua uasi. Vaiesusi ne anu ualasou vilela lexe Elimasi xo anu uala ne laxu lexe itema so sa iouiou.

Ta'aposeli 13:8 Referans Kwoze

2 Timoti 3:8

Anu tatei la Tianesi ilou Tiamivilesi mixililiou Mosisi la anu axonesi noxi'a tamitema ano'o so ixililiou vaikala temanu anu manina. Tamitema ne xavutalai'a xalusousi mo ixolu va'axu avile no anu lopala na'a nenge.

Ta'aposeli 13:12

Xe itema tila no anu xamani mumaisou mi ne lexe xavinu musuku laso anu mulopala xo mukulukemolu mo mu'osasou vaikalasou Tatananenge.

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Ta'aposeli 8:9

Ioxe, la itema vile so tuala ne ualasou lexe Saimoni. Anu itema so u'oxonu sa iouiou. Anu utotomu mu'oxonu ilixo ne xe loxo nene'axu muxali la tamitema mikuluke no anu. Ane'i mikuluke axone laso anu mutoxu mo u'itinu lexe anu itema tila.

Ta'aposeli 6:7

Ioxe, laso vaikala noxou Mosinge musukusuku la navasi'a tamitema so lopala ne Ielusalemo mutiatila e mutiatila manina. Mo tapilisiti tapiena kalumo milomuxu Mosinge vaikalaou mo milopala.

Tioni 1:41

Ioxe, Anitilu ne loxo muxexesou Iesua la mulai avile mukamulinu vimou Saimoni. Mukamulinu xo xe muxalisou la muvikalanu lexe, “Ai, nexi texalisou Mesaia mukalu!” Uala Mesaia ne laxu lexe Anu e Mosinge musosovosou lexe Kalaisiti.

Ta'aposeli 18:12

Ia mune'e mune'e la xamani vile ualasou lexe Xaliou mutulu mutiatila no Akaia polovinisi. No voxo loxo mutulu la ane'i Taiuta mipita mixililiou Polu. Mixililiou laso mino'u milaixu no lakoti so Xaliou utongonu.

Ta'aposeli 19:38

Laso loxo Temitiusi oli'a tamenexu no anu xaixai noxi'a ne vaikala vile so itulusou itema vile no anu, la i'oxo axo'. Loxo voxo so lakoti la ane'i ilai so tametisitileti ilovonixu. Axone, la ane'i imomomo so itulusi'a tamitema no anu vaikala.