Ta'aposeli 13:48 - Ata New Testament

⁴⁸ Ioxe, tamitema noale'ale loxo milomusou vaikala anene la mi'osa manina mo opone'i mukasou vaikalaou Polu. Xe ane'i ta'ei Mosinge musosovosi'a lexe ixalisou xoluxolu kaluxu uasi la milopala.

Ta'aposeli 13:48 Referans Kwoze

Epesusi 1:4

Xo no voxo loxo Mosinge ukoinu mimi no lialia uao, la anu musosovosinge noxou Kalaisiti mukalu. Musosovosinge lexe nenge taxolu tamalemalenga mo talapusi no iou.

Lomu 11:7

Ai, mi so tanengelili no anu. Xo mi ane Ta'isilaeli sasaie'iou so ino'u, ne ino'u to uasi. Ia ane'i anesi no taine'i loxo Mosinge muiloune'i, a mixalisou mi ne. Ia ane'i ane ino'u uasi ne, opone'i muxali pakia'usi.

Tioni 10:16

Mo eni tasipisipixeli se'ila, ane'i ne no anu vimelu ano'o uasi. Eni ane'ene'i tasipisipi anene kalumo xo loxo a'avali'a la ane'i ilomuxu xolileli so i'una ipita ixali tasipisipi laili vilesisi ane tatanane'i vilesisi.

Tioni 11:52

La usolisi'a laili Taiutasi uasi, musoli kalumo so upitane'i Mosinge ta'olu ane ixolu ipaxepa­xele nopaxapaxa ixali laili vilesisi.

Epesusi 1:19

Xe laixe so ngalavu no anu xavi tatila Mosinge usu'ulinenge no anu. Anu su'uli ne a une'e noxinge ane talopalanu. Xavi noxou usu'uli­nenge no anu ne u'oki musuku. Xo aloxo 'o.

Ta'aposeli 2:41

La ane'i ane milomuxu votovoto noxou Pita la ta'aposeli mi'oxonu ilixo so kelele noxi'a. La no voxo anene tamitema ta'alavua navasi'a 3000 mi'una noxi'a ane'i ane milopala.

Ta'aposeli 22:10

La eni evikala lexe, 'Tatila, laso eni anava?' La Tatananenge muvikalaleli lexe, 'Nini natulu mo na'unalai no tuala ne Tamasikusi. Naxolu ne la itema vile uvikalaneni so lexe xaixai ma'ia esosovosine no anu.'

Luku 7:8

Eni avikala axone xo eni axolu no laxu tilasilo no anu ami e u'uli laxuleli. Xe ta'ami ane a'uli laxune'i la ane'i ixolu no laxo kalumo. Xo loxo avikalanu vile lexe, 'Nalai!' la anu ulutusi. Xe loxo avikalanu vile lexe, 'Nane'e 'o,' la anu une'esi. Xe loxo avikalanu voixeli vile lexe, 'Na'oxo aloxo 'o.' la anu u'oxonusi ane.”

Lomu 13:1

Ioxe, mo aloxo 'o kalumo. Ngingi mukalusi ngamulinu vaikalaou xamanisi. Nenge talavu lexe tamitema so i'uli laxunenge axone ixali vitanisi uasi, Mosinge molu mutulusi'a no anu xaixai anene.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 2:47

La ane'i mixolu mi'itinu Mosinge ualasou mo tamitema mimaisi'a la mi'oxo lexe ilixo noxi'a ne laixe. La voxo utotomu Tatananenge mupa­mau­­line'i se'ila, ka mupitane'i kalumo noxi'a tamitema so lopala.

Ta'aposeli 20:13

Ioxe, nexi telutu la te'uli noxou Polu. Te'uli la tetelo no lasipi so talai ne Asosi. Ia anu uasi, xo anu u'oxo lexe umuamua'isi. Nexi te'uli xe texali ne Asosi la texomaiou Polu so loxo uxali, la noxi'a tatelo no lasipi.

Matiu 28:16

Ioxe, tatisaipeli 11 mimuamua'i xo la mixali ne Xalili mo milai avile no anu la'olu e Iesua mupela'axu lumamo.

2 Tesalonaika 3:1

Mo tavivixe, mi vile aloxo 'ola. Ngingi ngalingau su'ulisixe noxou Tatananenge mo so vaikalaou upalea so ulailai no tuatuala. Laso axone la anu vaikalasou utitila a loxo muxali no taingengi ne.

1 Kolini 16:15

Tavivilo eni apelototo pakia'u noxinge aloxo 'o. Ngingi ngalavusi'a laili noxou Sitevanasi lexe ane'i tei noxinge no anu lopala ne Akaia polovinisi. Mo ngalavu lexe ane'i opone'i ututulu so isu'uline'i tamitemaou Mosinge u'isalili.

Ta'aposeli 15:31

Milosi'a xe talopala mi'itisou mukalu la ane'i mi'osasou vaikala laixe no anu lapasi ne.

Ta'aposeli 15:2

Ia Polu ilou Vanavasi milomusou vaikalai'a ne la ilou mixiliie'ixu la oli'a mi'oto no anu vaikala. Mi'oto xe imomomo so ilovonixu mi ne uasi laso talopala mipalusi'a Polu ilou Vanavasi xe tamitema se'i milai ne Ielusalemo. Mipalusi'a ilai so ipilixinu mi ne noxi'a ta'aposeli oli'a tamitema so saxila'u mo so itilovosou.

Ta'aposeli 13:42

Ioxe, Polu muvotone'i mukalu la tamitema milala no anu tasou lavuloto. Milala sila tamitema mivikala noxi'a ilou lexe no anu Voxo so Ma'ila u'uli 'o la ilou ilivu ine'e so ia'aloi'ala.

Ta'aposeli 8:8

Tamitema milomusou vaikalaou xe mimaisou sosovo so xavi laso 'osa toxoxu muxali no tuala ne.

Matiu 25:46

La ane'i tamitema anene ilai so itavulenu lakolisou susu noxi'a kaluxu uasi. Ia ane'i tamitema talapusi ilai ino'u mauli kaluxu uasi.”

Ta'aposeli 13:12

Xe itema tila no anu xamani mumaisou mi ne lexe xavinu musuku laso anu mulopala xo mukulukemolu mo mu'osasou vaikalasou Tatananenge.

Lomu 8:28

Ioxe, Mosinge molu mu'ava­linge so taxali ta'olu no anu masaxa noxousi laso nenge tase­xelaxu. La talavu aloxo 'o. Mi ma'ia uxalisinge la Mosinge uxa­lixu nene'axu laixe no anu xoluxolu noxinge.

Epesusi 1:5

Xo aloxo 'o. Anu tanunenge mo no anu masaxa noxou la anu musosovosinge lumamo lexe nenge taxali ta'olu. Taxali ta'olu xo tava'u no anu xaixai noxou Iesua Kalaisitisi.

Epesusi 1:11

Ai manina ane, Mosinge ulavusou u'oxonu mimi mukalusi no anu masaxa noxousi. Xo no anu masaxa noxou la anu musoso­vosinge lumamo noxou Kalaisiti lexe nenge taxali tamitemaou mu'isalili.