Ta'aposeli 13:43 - Ata New Testament

⁴³ Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Ta'aposeli 13:43 Referans Kwoze

Ta'aposeli 11:23

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

2 Tioni 1:9

Loxo itema vile upolo va'axu mo uxolu no anu votovotosou Kalaisiti uasi, la anu upalasi lexe Mosinge uxolu noxou to uasi. Ia loxo itema utalupexa laixe no anu votovotosou Kalaisiti la anu upalasi lexe Maminge ilou Olu a ixolu noxou.

Ipilu 13:9

Laso loxo ngalomusou votovoto iouiou alavua la ngapilixingengi so ulapungengi mamu. Anu laixe so oponenge utuluou iaiamasi xo anusi u'oxonu pakia'inge. Xo ane'i se'i la i'au'au no anu vaivaikalasou la'ilali ia ixalisou su'uli no anu lavuloto axone uasi.

Ipilu 12:15

Xe ngalaxa'ingenge laixe xo loxo 'o io se'i noxinge ine'e alai no anu iaiama noxou Mosinge sika ilapau ilivusi. Xe mamu so vuvulu'u masua uleme no taingengi mo uxalixu nene'axu sixula. Xo axone la uxalixu tu'utu'umaxu tapiena mo susu ne usuku noxinge tavu'alo.

Kolosi 1:28

Laso nexi talanu vaikalasou Kalaisiti noxi'a tamitema vilevilesi mukalusi. Xe tapelototosi'a mo tavotone'i no anu vaikala mu'asi'asi loloni. Mo so loxo tatulusi'a no iou Mosinge la xoluxoluxa'a noxou Kalaisiti ulomotelesi.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Pilipai 4:1

Laso tavivilo, ngatulu pumu­ngenge noxou Tatananenge. Eni asexelangenge misevile mo opo­leli utama so amaisinge. Eni a'osasinge manina xo ngingi loxo palaisi na'a xeli ane esoa so axalisou.

Pilipai 3:16

Ia ilixo laixe ane a uxoxolu noxinge mukalu la taxolu no anu axonesi.

Epesusi 2:8

Xo ngingi ngelopala noxou laso Mosinge muiaiama noxinge so mupamaulingengi. Mi ne ngingi menge ngaxalixu uasi. Mosinge molu mu'itimengi.

Xalesia 5:1

Ioxe, Kalaisiti mu'umenenge no anu mi e mukalavusunenge tei mo so taxolu lalavulusi. Laso ngatulu pakia'inge mo nga'italongengi so tamitema iuauoingenge ka ngalivu no anu xoluxoluxa'a tasilevi mamu.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

2 Kolini 5:11

Ioxe, nexi tamama'u noxou Tatananenge axone laso maixene nexi xavinexi so ta'avutinoxu mama'u noxi'a leviani kalumo. La oponexi mo ilixomexi upalasi noxou Mosinge. Xe eni amasaxau lexe upalasi no tangengi kalumo lexe mi ma'ia ta'oxonu la mulapusi.

Lomu 11:6

Tava'u so muso­sovosi'a ne no anu iaiamasi, mi so xaixai uasi. Xo loxo ukaline'i no anu xaixai laixe noxi'a la anene mi so iaiama uasi.

Lomu 5:21

Xo susu muxalixu soli laso mu'uli laxunenge. Ia vaimomo 'o iaiama noxou Mosinge anu mu'uli'uli avile. Xo no anu ilixo malemalenga noxou Iesua anu Tatananenge la Mosinge muxalixu mauli kaluxu uasi.

Lomu 5:2

Xe anu mu'oxonu vote'isinge so loxo telopala, laso nenge te'unalai mo a taxoxolu no anu iaiama noxou Mosinge 'o. Taxoxolu mo taxomaiou voxo ane Mosinge uno'inge so nenge'a taxolu no tualasou lailaixe. Nenge talavusou lexe voxo ne a une'e laso osa'ilasou misevile.

Lomu 3:24

Ia anu muiaiama noxinge so Kalaisiti Iesua anu molu mukalusou tina'unenge so susu. Anu iaiamasi, nenge taxaxai so talotonu uasi.

Ta'aposeli 17:34

Muxolu xo xe ili'i la ane'i se'i milopala mo mipita noxou Polu. Vile ualasou lexe Tionisiusi. Anu vile noxi'a tatiatila ane mipita no la'olu Aleopaxusi. Xe sema vile ualasie lexe Tamalisi xe ane'i se'ila milopala kalumo.

Ta'aposeli 17:4

Muvikala axone la Taiuta se'i no taine'i milamana mo mipita noxi'a Polu ilou Sailasi. Xe Takiliki tapiena ane mimama'u noxou Mosinge oli'a tasema mose'i ane tamitema no tuala mitaxane'i, la ane'i kalumo mipita noxi'a ilou.

Ta'aposeli 16:14

La sema vile ualasie lexe Litia ane a mixolu milomusou vaikalamexi. Ane milavusou i'itinu Mosinge ualasou. Ane sema so tuala Taiataila mo ane milavusou isalimunu lavalava lauoinu so lailoto. Mixolu milomusou vaika­lamexi, xe Tatananenge mulama­nanixie la mi'osasou votovoto noxou Polu.

Ta'aposeli 14:3

Laso Polu ilou Vanavasi mixolu ne Aikoniamu maxuveni sevile mo ilou i'ume'a tamitema uasi, mivotosou Tatana­nengesi. La anu musu'uline'i so mi'oxonu sosovo so xavi iouiou xe tamitema mimaisou la tane'ililiou. Laso axone, la Tatananenge muvalaxu vaikalai'a so iaiama noxou lexe manina.

2 Pita 3:14

Tavivilo ane asexelangenge, ngingi a ngaxomaiou voxo ne laso ngaxolu tangengi malemalenga mo tu'umaxu vile no taingengi uasi. Mo so axone loxo Tatananenge uxali la umaisou susu vile noxinge uasi.

1 Pita 5:12

Sailasi musu'ulileli no anu lapasi 'o xo eni elemolu vaikala kaio anu mukaukavunu. Eni emaisou vivinge 'o lexe usaxila'u laixe xaixai ma'ia tapilixinu noxou. No anu lapasi ataxu se 'o la emasaxau apelototosinge mo avikala lamana no anu iaiama maninasou noxou Mosinge. La emasaxau a'avutinixinge lexe ngatulu pumungenge no anusi.

Xalesia 5:4

Ngingi ta'ei nga'oxo lexe ngamulimulinu lo mo so Mosinge umoxo'inge lexe ngingi talapusi no iou, la ngexolu ngekalipala noxou Kalaisiti ne. Ngingi ngexexesou iaiama noxou Mosinge ane.

Ta'aposeli 28:23

Mivi­kala axone mukalu la misosovosou voxo vile so tamitema latala ipita noxou Polu no tani ne. Mune'e xe mipita axone la musoko'u no kakau mulai muxali no olovoxo la mutovonu so upela'axu voxo so Mosinge molu u'uli laxune'i tami­temaou. Mo mutovonu so upalasi­noxu laxu vaikalai'a tapolopeti xe lavuku so lo e Mosisi mukauka­vunu lexe anu uvikalasou Iesua u'isalili.

Ta'aposeli 17:17

Mumalei axone laso anu oponu mututulusi lexe uvo­tovoto. Laso anu mu'una'unalai no tasou lavuloto so upalasinoxu Mosinge vaikalaou noxi'a Taiuta xe noxi'a Takiliki ane mimama'u noxou Mosinge. Mo no anu voxo­voxo utotomu la mulai no loxomala no tanixu e tamitema milavusou ipita no anu. La anu mutovonu so upalasinoxu Mosinge vaikalaou noxi'a ta'ei mixolu ne.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 6:5

Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Ta'aposeli 2:10

xe Vilixia xe Pamivilia xe Isipi xe Livia ane alai ne Sailini, xe ane'i se'i so Lomu mixolu kalumo.

Matiu 23:15

Anu masua noxinge ngingi tamitema so lavulavu no anu lavuloto xe ngingi Tapalisi. Vaika­lamengi ilou ilixomenge vilesisi uasi. Xo ngingi ativoku so ngaxixao no luaki loxo'u mo no lialia so ngalapune'i se'i so ixiu i'una no anu vote'i e Mosinge mulosinge Taiuta. Ia loxo vile noxi'a u'una noxinge axone la ngaolexu no anu ilixomengi mole ngapalusou no navu so mamulo xo ilixou masua u'ualixu noxinge ne.

1 Tioni 2:28

Laso ane, ta'alixeli moso 'o, ngingi ngaxolu pumungenge noxou Kalaisiti mo so loxo anu upala'a la ta'osasi so tamaisou iou mo tamaila ka ta'umenu vasimenge noxou loxo uxali uasi.

Taitusi 2:11

Xo aloxo 'o. Iaiama noxou Mosinge mupala'a mukalu mo anu vote'isou pamauli noxi'a tamitema mukalusi.

Ta'aposeli 18:7

Polu muvikala axone mukalu la mula no tasou lavuloto xe mu'unalai no tani vile a muxolu no pa'umolu. Tani ne, mosou ualasou lexe Titiusi Iasitusi. Itema ano'o ulavusou umama'u noxou Mosinge.