Ta'aposeli 13:42 - Ata New Testament

⁴² Ioxe, Polu muvotone'i mukalu la tamitema milala no anu tasou lavuloto. Milala sila tamitema mivikala noxi'a ilou lexe no anu Voxo so Ma'ila u'uli 'o la ilou ilivu ine'e so ia'aloi'ala.

Ta'aposeli 13:42 Referans Kwoze

Ta'aposeli 28:28

Polu mulemolu vaikalaou polo­peti mukalu la musolonu aloxo 'o, “Laso ngingi ngalamana, vaikala laixe so pamauli noxou Mosinge anu mukalanu noxi'a tamitema noale'ale. Xe ane'i ilomusou la ilomuxu.”

Ta'aposeli 13:14

Ia ane'i ilou milutu ne Pexa la milai xo la mixali no tuala vile milemolu lexe Anitioki kalumo. Tuala Ani­tioki 'o a muxolu no xale lia ne Pisitia. Mixali xe no anu Voxo so Ma'ila la ilou mi'unalai no tasou lavuloto noxi'a Taiuta mo mitalu­pexa nonano.

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Matiu 19:30

Mo aloxo 'o. Tamitema tavu'alo e i'uli'uli vaimomo 'o ilai iili'i ane. Xe ane'i ane iili'i vaimomo 'o la ilai i'uli avile ane.

Matiu 11:21

La muvikala lexe, “Auo, anu uxali masua manina noxinge ne Kolasini, mo uxali masua manina noxinge ne Vetisaita to. Xo loxo sosovo so xavi muxali no taoni ne Taili mo Saitoni a loxo muxali no taingengi ne la ane'i masi mixiunu mo mi'isalilinoxu opone'i tateimo. Xe axone la masi a isakinu lavalava so tama mo ipeipenu lomulo no kisi'a so imaxa'u mama'u so susu noxi'a.

Matiu 9:18

La Iesua a uvikala axone noxi'a­sio la tila vile no anu tasou lavuloto mune'e ka mutangatulu no laxunu mo muvikala lexe, “Alixeli sema misoli se alala'e 'osi. Ia nini nane'e namulaxu avone noxie laso imauli.”