Ta'aposeli 13:36 - Ata New Testament

³⁶ Teviti muvikala axone, ia anu uvikalasou anu molu uasi. Xo nenge talavu lexe anu mumulinu masaxa noxou Mosinge no taine'i tamenexu xo xe mukalu, la musoli. Musoli xe mi'asixu no lamati­matisi'a ta'ilusunu la vasimolu mu'ui nesi.

Ta'aposeli 13:36 Referans Kwoze

Ta'aposeli 2:29

Mukalu la Pita muvikala aloxo 'ola, “Tavivilo. Eni avikalangengi manina so ilusunenge Teviti. Anu vaikalaou ne anu vaikalasou uasi. Xo anu musoli mo mi'asixu mo lulusou a uxolu 'o, anu utulu umaulila uasi.

Ta'aposeli 13:22

Ia Mosinge mukusaou Sauli no anu tanixu kingi mo mutulusou Teviti so lakolisou. La anu muvikalasou Teviti aloxo 'o, 'Eni etongonu Teviti e Iesi olu lexe nexi noxou oponexi vilesisi. Anu umulinu masaxa noxilo mukalusi.'”

1 Kolini 15:18

Mo loxo tamitema ane milopala noxou Kalaisiti xe misoli la ane'i imamulo avile ane.

1 Kolini 15:6

Xe ili'ila la mupala'a noxi'a tavivinge talopala ane navasi'a teitexi no anu 500. Tavivinge se'i ne misoisoli ia ane'i tavu'alo noxi'a a ixoxolusio.

Tioni 11:39

Muxali no lulu mukalu la anu muvikala lexe, “Ngaxexenu lavo'o no taxa.” La Malita e itema musoli vimou ne mi'oxo lexe, “Tatananexi, anu muai ne voxosou tami'a mukalu. Loxo taxexenu lavo'o la tuma'u masua.”

1 Tesalonaika 4:13

Ioxe tavivixe, loxo noxi'a tanoxinge ane misoisoli la ngaxovulaulau noxi'a uasi. Xo ane'i tamitema loxo ixomaiou voxo olele uasi la tama noxi'a uxoxolu uxoxolu u'okisi. Ia ngingi la nga'oxo axone uasi.

Ta'aposeli 20:27

Xo eni avovoxo so apala'anixu Mosinge oponu loloni noxinge uasi, opoleli mututulu no anu mi nesi.

Ta'aposeli 7:60

La anu muxo­lasou tava'u mo muvikala tatila lexe, “Tatanaleli, nakolinu susu ane i'oxonu noxilo 'o uasi.” Muvi­kala axone mukalu la musoli.

Ta'aposeli 8:1

La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

Matiu 25:16

Xe no anu voxo se anenesi la anu ane muno'u 5,000 kina ne musoko'u so uxaxaisou. Muxaxaisou xo la muxalisou 5,000 no latanula.