Ta'aposeli 13:26 - Ata New Testament

²⁶ La Polu muvikalala lexe, “Tavivilo, ngingi laili noxou Apala'amu xe ngingi tamitema so noale'ale ane ngamama'u noxou Mosinge, ngalomu. Vaikala so pamauli ano'o muxali noxinge nenge'a.

Ta'aposeli 13:26 Referans Kwoze

Kolosi 1:5

No voxo loxo vaikala laixe anu temanu manina muxali noxinge tei la ngeno'u lavulavusou nene'axu laixe e so ngaxalisou ili'i. Laso maixene ngingi a ngalopalanu ngaxomaiou mi e Mosinge ulaxa'inu laixe so ulalaxisinge ne.

Epesusi 1:13

Xe mukalu la ngingi kalumo ngelomusou vaikala manina e vaikala laixe so pamauli noxou Mosinge. Ngelomusou la ngelo­pala noxou Kalaisiti laso anu mumulinu vavalima noxou so ulosinge Ulenu Laixe. Ulenu ne anu sosovo noxinge lexe ngingi ngaxolu noxou Kalaisiti.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Luku 1:77

Xe anu uili'i la upela'axu tamitemaou vote'i so pamauli mo so ilavu lexe tina'uxa'a so susu ukalu axova.

Luku 1:69

No anu laili noxou itemaou Teviti anu mutulusou itema xavinu so upa­mau­linenge.

Ta'aposeli 13:46

La Polu ilou Vanavasi mivikala pakia'u noxi'a tatiatila ne aloxo 'o, “Anu masaxa noxou Mosinge so nexi tapala'anixu vaikala laixe ano'o noxinge ngingi Taiuta tei. Ia ngingi a ngaxiunu tumalinge no anu vaikala ano'o mo ngingi menge ngemaxa'u lexe xoluxolu kaluxu uasi 'o la opongengi uxililousi. Laso ngingi ngalomu, vaimomo 'o nexi noxou taa'alomengila uasi. Nexi tapala'anixu vaikala laixe ano'o noxi'a tamitema noale'alesi.

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

Ta'aposeli 10:35

Anu u'apixa'a se'i uasi. Xo noxi'a tamitema so tuala iouiou ne anu u'osasi'a ane'i ta'ei imama'u noxou mo i'oxonu ilixo ane u'isalili no anu masaxa noxou.

Ta'aposeli 5:20

“Ngingi ngalai ngatulu no anu matama­taunaxu tasou Mosinge. Ngatulu mo ngaa'aloi'a tamitema no anu a'alo so mauli alavua e muxali noxinge.

Ta'aposeli 4:12

Tava'u pamauli vilela uasi. Nenge tamitema no lialia 'o Mosinge mulosinge uala vilesisi so tano'u mauli no anu. Uala e noxou Iesuasi.”

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Matiu 10:6

Ia ngingi ngalai noxi'a tasisipi e milusi mukalu e ane'i laili Ta'isilaelisi.

Matiu 3:9

Mamu so nga'iti­ngengi xo ngingi Apa­la'amu ta'ilusunu. Anene mi vitanisi ane. Eni avikala lexe Mosinge umo­momo so uxiunu lavolavo'o uta'olu 'o so ixali ta'ilusunu Apala'amu.

Ta'aposeli 16:17

Texalisie laso ane mimulinexi noxi'a Poluena mo ane mi'ava'ava aloxo 'o, “Ai, tamitema ano'o tamitema so xaixai noxou Mosinge anu Mu'uli'uli. Ane'i ipela'ingexu vote'i so pamauli.”

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Ta'aposeli 28:28

Polu mulemolu vaikalaou polo­peti mukalu la musolonu aloxo 'o, “Laso ngingi ngalamana, vaikala laixe so pamauli noxou Mosinge anu mukalanu noxi'a tamitema noale'ale. Xe ane'i ilomusou la ilomuxu.”

Tioni 6:68

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Ta'aposeli 22:5

Xe eno'u lapasi noxou pilisiti tatila oli'a tatiatila noxinge Taiuta. Ane'i tamosou ixoxolusio mo loxo imasaxau la ivalaxu vaikalaxeli 'o. Ane'i mikaukavunu lapasi ne mulai noxi'a tatiatila ne Tamasikusi lexe isu'ulileli no anu xaixai noxilo. Xaixai ne so atetelisi'a tamitemaou Iesua xe ane'ene'i ne Ielusalemo so tatiatila ilosi'a nene'axu ilixo noxi'a.”