Biblia Todo Logo
Bib sou entènèt

- Piblisite -




Ta'aposeli 13:15 - Ata New Testament

15 Ane'i tatiatila no anu tasou lavuloto ne mi'itisou pa'usou no anu lo e Mosisi mukau­kavunu tatei xe vaikalai'a tapolo­peti. Mukalu la mitali'isi'a ilou lexe, “Tavivixe, loxo ngilou pelo­toto vile so ngapilixinu noxi'a tamotu 'o, la ngalemolusi.”

Gade chapit la Kopi




Ta'aposeli 13:15
21 Referans Kwoze  

Ioxe, atama noxinge lexe ngalomuxu pelototo no anu lapasi ekaukavunu 'o xo alapunu veveni malaxo uasi.


Laixe loxo italo no anu mimi anene xo lo ane Mosisi muno'u la tamitema latala milavusou. Milavusou xo tatei xe mune'e muxali vaimomo 'o la no anu xale tuatuala mukalusi tami­tema i'itisou lavuloto anene no tatasou lavuloto no anu Voxovoxo so Ma'ila.


La tatila vile so tasou lavuloto no tuala ne ualasou lexe Tiailusi mune'e. Mune'e xe mumaisou Iesua la mulalusi no tava'u.


Ia tamitema so pela'a, la vaikalaou Mosinge ilanu ne so u'oxonu pakia'a mo u'avutinoxu osa mo umamatolane'i tatemanu pita mukalusi.


Loxo itema vile so u'oxo pakia'a Mosinge ta'olu la u'oxonusi. Xe loxo itema vile so u'alauna la u'oxonu manina, utukala uasi. Xe loxo itema vile so u'uli laxune'i tamenexu la anu oponu utulu no anu mi nesi. Xe loxo itema so tanuxa'a tamenexu ane itavulenu tu'umaxu la anu u'osasou so u'oxonusi.


Muvikalane'i aloxo 'o, “Tavivilo, tamamilo, ngalomu. Eni akolinu vaikala ane ngingi ngato'omelo no anu.”


Mukusai'a no anu lakoti laso mitetelisou itema tila no anu tasou lavuloto ualasou lexe Sosotenisi. Mitetelisou laso mi'o­tu'otunu. Mi'otu'otunu xe Xaliou mumaisi'a ia muvikala mi vile no anu anene uasi.


Xo Taielusalemo oli'a tatiatilasi'a, ane'i ilamana uasi noxou Iesua lexe anu itema e tapolopeti milemolu. Ia no voxo loxo mivau la ane'i me'a mixalixu nene'axu vaikalai'a tapolopeti e ane'i utotomu i'itisou no anu Voxovoxo so Ma'ila.


Anu mumuamua'i xe muxali no tuala aneva talopala mixolu no anu, la anu mulemolu vaikala tavu'alo so uvalaxu lopala noxi'a. Mulai axone xo la muxali ne xale lia noxi'a Takiliki.


Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.


Ane'i a itilovosou mo ivivikalasou xo la Pita mutulu la muvikalane'i lexe, “Tavivilo, ngingi ngelavu mukalu lexe tatei Mosinge muilouleli no taingengi so alai noxi'a tamitema noale'ale. Elai xe milomusou vaikala laixe noxou Tatananenge no anaxo la milopala.


Ioxe, Sitiveni mukolinu mo mua'alo aloxo 'o, “Tavivilo, tamamilo, ngalomu laixe. Tatei ilusunenge Apala'amu muxolu no xale lia ne Mesopotemiasio, ulai ne Alanu uao. La Mosinge anu Mosou Iaxu muxali noxou.


Ioxe, tamitema milomusou vaikala ane Pita mulemolu la mixamulinu lexe muto'omolu opone'i. La ane'i mitali'isou oli'a tamenexu ta'aposeli aloxo 'o, “Tavivixe, laso nexi tanavaio?”


Mukalu la Pita muvikala aloxo 'ola, “Tavivilo. Eni avikalangengi manina so ilusunenge Teviti. Anu vaikalaou ne anu vaikalasou uasi. Xo anu musoli mo mi'asixu mo lulusou a uxolu 'o, anu utulu umaulila uasi.


La Ulenu Laixe muxali noxi'a latala ne mo ane'i mi'ana'ana noxou. La Ulenu mulosi'a xavi so ane'i misoko'u so mivikala no anu vaikala iouiou ane ilavusou tei uasi.


“Tavivilo tatei Ulenu Laixe mulosou Teviti vaikala se'i la mukaukavunu mo a uxolu no anu lavukuou Mosinge. Vaikala ne so Iutasi e mulosoie'i tauluaou Iesua vote'i so mitetelisou. Teviti mukau­kavunu tatei la temaisou muxali axone.


Vaikala so lo xe vaikalai'a tapolopeti tamitema milanu mune'e muxali noxou Tioni. Xe musoko'u noxou la votovoto no anu vaikala laixe so voxo loxo Mosinge molu u'uli laxune'i tamitemaou, a uxolu upalasi. La tamitema mukalusi xavine'iou so lexe i'unalai no anu.


Ioxe, vile noxi'a ualasou lexe Iosepu. Ta'aposeli mivotongalelenu lexe Vanavasi, xo laxu lexe, “itema so su'uli”. Iosepu ne anu so laili Livai ia molu no ailani ilemolu lexe Saipilasi.


La Ta'isilaeli opone'i pakia'u xo utotomu i'itisou vaikala so konitalaki teinu ne ia anu loxo lavalava se ne a ulili mo utanuxu ie'i vaimomo 'osio. Xo vote'i vilesisi so uxexe a noxou Kalaisitisi.


Xe loxo tepela'inge la takalavoingengi uasi o talai no anu ili'ilixo nuni'u uasi o ta'oxonu lolongenge uasi.


Swiv nou:

Piblisite


Piblisite