Ta'aposeli 13:11 - Ata New Testament

¹¹ Laso nalomu. Alala'e 'osi Mosinge u'italonu avolu noxine mo ulosine tu'umaxu so ieni isivoxo mo voxo mose'i namisou lamanaxu aso uasi.” Sila alaxu vilesisi iou isivoxo mo umaleila ua'. Laso anu muvava'o so ukakamulinu evile so lexe utila'u.

Ta'aposeli 13:11 Referans Kwoze

Ipilu 10:31

Ai manina misevile, loxo itema uxolu uxomaiou Mosinge so ukolinu susu noxou la oponu u'ume mo kalaua avile.

2 Pita 2:17

Tamitema ane xo ne la aloxo lexa luxu ane esi'esisi mo ane'i loxo sauma ane uxali ia la'ave utavulenu mole tasiauxu vitanisi. Ane'i ne tanixa'a isivoxo e tamokikisi a mulalaxisi'a.

Tioni 9:39

Ioxe, la Iesua muvikala lexe, “Eni ene'e no lialia 'o so apala'a­nixu susu noxi'a tatemanu. Mo so axone la tamitema ane ixolu loxo ie'i selevenu la isaxisaxi xe ane'i ane isaxisaxi la ixolu loxo ie'i selevenusi.”

Lomu 11:25

Ioxe tavivilo, eni amasaxau apala'anixu mi vile masi utalume­ngengi. Alemolu so ngingi nga'iti­ngengi no anu lavulavu noxinge uasi. Vaikala anene aloxo 'o. Vaimomo 'o Ta'isilaeli tata'eisi ilopala noxou Tatananenge. Ia tavu'alo noxi'a ne opone'i pakia'u mo ilopala noxou uasi. Ane'i ixolu axone xo ano'o voxosinge tami­tema noale'ale so ngalopala. Ulai ulai xe loxo navasinge umomo­moe, laso anu ane. No voxo anene ane'i Ta'isilaili tapiena ilivu mo ilopala noxou Tatananenge.

Ta'aposeli 9:17

Muvikalanu mukalu laso Ananaiasi mulutu mulai. Mulutu mulai xo xe muxali no tani xe mu'unalai laso mumulaxu avolu noxou Sauli mo muvikala aloxo 'o, “Vivilo Sauli, Tatananenge Iesua e muxali noxine no vote'i ne, mupalusilo ene'e noxine. Ene'e so ieni ukala mo Ulenu Laixe uxolu noxine mo upamuxaneni.”