Ta'aposeli 12:4 - Ata New Testament

⁴ Mutetelisou Pita mo mumulaxu no tasou lakalavusu ka mupilixinu no avo'a tamitami'a no anu laili tami'a noxi'a ta'ami. Mo ane'i mikolikoline'i so mituluxu Pita. Anu Eloti mulalaxinu oponu lexe no anu voxosou lavilelu so Mualasi'a ukalu la anu utulusou Pita no laxune'i tamitema latala no lakoti.

Ta'aposeli 12:4 Referans Kwoze

Luku 22:33

La Pita mukolinu lexe, “Uasi, Tatanaleli. Loxo tamitema ikalavusuneni mo ivene nasoli la eni alalaxi so amulineni no anu.”

Luku 21:12

Ia tei no anu mimi anene la i'oxongengi aloxo 'o. Ane'i iteteli­singe mo ilosinge tu'umaxu. Xe ikotingenge no anu tatasou lavu­loto ka ipilixingengi no lakalavusu. Mo tava'u xo ngingi ngatavulenu ualasilo laso itulusinge no laxune'i taxamani xe takingi.

Ta'aposeli 4:28

Mimi ane mi'oxonu ne muxali no anu xavi noxine loxo nini nelalaxinu oponeni no anu lumamo.

Ta'aposeli 4:3

La'iaxa'a laso mitetelisi'a ilou so ikotixa'a. Ia aso so u'una laso ane'i mikalavusune'i mo so ikotixa'a loxo ne'iela.

Tioni 21:18

Xe Iesua muvikala noxou aloxo 'ola, “Eni avikalaneni manina e maninasi. Loxo nini namaulusio la nini mene nasakinu lavalava kaio namuamua'i nalai no anu masaxa na'a ninisi. Ia ulai xo xe namitema tilae la nini natolosou avone so evilala usakineni kaio ulaixine no anu ane namasaxau so nalai no anu uasi.”

Matiu 26:5

Ia ane'i mivikala lexe, “Ta'oxo mi anene no anu voxo so lavilelu uasi. Xo loxo 'o io tamitema la'iaxa'a la ixililiiengi mo i'avuti­noxu oto.”

Matiu 24:9

Xe ngingi, la taxilili ilosinge navunavu mo tu'umaxu mole se'i noxinge la ivenge ngasoli. Mo tatemanu xale tuatuala mukalusi opone'i umatapiangengi xo ngingi a ngatavulenu ualasilo.

Ta'aposeli 8:3

Ia Sauli anu u'oxo so umasuanu pita noxou Tatananenge. Anu muxixao no tatasi'a tamitema so lopala so ulaixi'a no lakalavusu, tasema oli'a tamulu.

Ta'aposeli 5:18

Mi'isuisu axone laso mi'avuti mipalusi'a tavoii'a so mitetelisi'a ta'aposeli mo mimulaxa'a no tasou lakala­vusu.

Tioni 19:23

Ioxe, ane'i ta'ami mililixu Iesua no ovu valautu mukalu la mino'u lavulutiou kaio mivelunu no anu pa'usou tami'a la ane'i vilevilesi mino'u pa'usou vile. Xe ane'i mino'u lasiotiou veveni kalumo ia mimaisou lexe anu tanixu lasumapi uasi, mi'itaxu loloni axonesi.

Maki 14:1

Xe mune'e la lavilelu so Mosinge Mualasi'a ne uxali loxo ualisa. Laso Taiuta milalaxisou mo mixutuxu pileti ane isitisou uasi so i'ou no anu lavilelu ne. Xe no voxo anene tatiatila noxi'a tapilisiti xe tamitema so lavulavu no anu lavuloto mipita. Mipita mo imolo vote'i so ilakokongoxu Iesua so itetelisou mo ivau usoli.

Ta'aposeli 12:3

La Eloti mumalei lexe Taiuta mi'osasou mi anene laso anu mutetelisou Pita kalumo. Anu mutetelisou no anu voxosou lavilelu so Pileti Isitisou Uasi.

Ta'aposeli 12:5

Laso Pita a muxoxolu no tasou lakalavusu mo ta'ami mixolu so ituluxu ia tatemanu pita opone'i mututulu so ipilipilixinu noxou Mosingesi.