Ta'aposeli 12:2 - Ata New Testament

² Mo anu muvi­kala laso tamitemaou mivau Tiemisi e Tioni vimou musoli. Ane'i mivau no anu laviso so oto.

Ta'aposeli 12:2 Referans Kwoze

Ipilu 11:37

Xe milealeaxa'a no anu lavo'o so ive'a isoli mo mixotonu vasi­me'a no anu laso so muxali mautunu tamei mo mive'ave'a misoisoli no anu laviso so oto. Xe se'i noxi'a lavalava uasi, misakinu sipisipi ilou koti sosousi. Xe ane'i mixolu loxo ta'oloxola mo mita­vulenu navunavu mo tu'umaxu no avo'a tamitema.

Matiu 20:23

La anu muvikalane'i ilou lexe, “Ani, ili'i la ngilou ngaie no anu lexa sixula noxilo. Ia ena'ei so uxolu no avolo tema xe no anu kaisi, la anu mi noxilo so apilixinu noxi'a tamitema uasi. Anu tanixu anene noxi'a ta'ei ane Mamilo molu mulalaxinu si'a.”

Maki 10:38

La Iesua muvikalane'i ilou aloxo 'o, “Ngingi ngilou ngalamana no anu mi ane ngalingau uasi ane. Xo ngingi ngamomomo so ngaiexu lexa sixula eni so aiexu 'o? Xe ngingi ngamomomo so ngakelele no anu tu'utu'umaxu ane so uxali noxilo 'oio?”

Maki 10:35

Ioxe, mune'e la Tiemisi ilou Tioni e Sepeti ta'olu mine'e noxou Iesua la mivikala aloxo 'o, “Tisao, nexi talingau mi vile noxine mo so na'oxonu noxixe.”

Maki 10:39

La ilou mi'oxo lexe, “Ani nexi tamomomo ane.” La Iesua muvikalane'i lexe, “E ani. Xo lexa sixula ane so aiexu 'o ngilou ngaie no anu ili'io. Xe tu'utu'umaxu a so akelele no anu la ngilou ngakelele no anu ili'io kalumo.

Ta'aposeli 12:1

No voxo anene la Kingi Eloti mukalavusune'i tamitema se'i no anu pita noxou Tatananenge so ulosi'a tu'umaxu.