Ta'aposeli 12:19 - Ata New Testament

¹⁹ Xe Eloti mulomu lexe Pita mu'ume laso mupalusi'a se'i so ikamulinu, ia ixalisou uasi. Laso anu mukaikaitolone'i ta'ami ane miloxu Pita mo mutali'isi'a lexe mi ne muxali aloxova. Mutali'isi'a xo xe mukalu la anu mupalusi'a se'i so mive'a ta'ami ne misoli. Mukalu la Eloti mulutu ne Iutea so mulai ne Sisalia mo muxolu ne sevile.

Ta'aposeli 12:19 Referans Kwoze

Ta'aposeli 16:27

Xe itema so usaxila'u lakalavusu mutulu xe mumalei lexe aiaitenga mukisi la mukalavoi lexe takalavusu mi'u­me'ume. Mukalavoi axone laso anu muno'u laviso so molu uvau no anu.

Ta'aposeli 21:8

Texolu xe no kakaula la nexi telutu teiave no lasipila. Telutu teiave xo la texali avile tesua no tuala ne Sisalia. Telu'e la telai no tani noxou Pilipi e itema so votovoto. Pilipi e anu vile noxi'a tamitema 7 so su'uli e misosovosi'a mala'o. Telai no tasou so noxi'a texolu.

Ta'aposeli 12:6

Ioxe, Eloti musosovosou voxo so itulusou Pita no lakoti loxo ne'iela no kakau. Ia olovoxosio, la Pita muai no taine'i ta'ami tamei. Muai la ane'i misakinu no anu seni aini tamei xe ta'ami tamei a mixolu milo no anu aitengaxu lakalavusu kalumo.

Ta'aposeli 12:4

Mutetelisou Pita mo mumulaxu no tasou lakalavusu ka mupilixinu no avo'a tamitami'a no anu laili tami'a noxi'a ta'ami. Mo ane'i mikolikoline'i so mituluxu Pita. Anu Eloti mulalaxinu oponu lexe no anu voxosou lavilelu so Mualasi'a ukalu la anu utulusou Pita no laxune'i tamitema latala no lakoti.

Ta'aposeli 8:40

Xe loxo Pilipi, la anu mumalei lexe anu muxolu no tuala Asitoti. La anu mulalai no tuatuala mo muvotovotosou vaikala laixe noxou Mosinge. Mulalai xo la muxali no tuala ne Sisalia.

Matiu 2:13

Xe ili'i la tamitema so lavulavu milai mukalu, xe Iosepu muxoxolu xo xe muai musaxi. Muai musaxi la angelou Tatananenge mupa noxou la muvikalanu lexe, “Nalutu mo nano'a molomolo olie nenu mo nga'ume ngalai ne Isipi. Mo ngalai ngaxolu ne xo xe ili'i la eni a'avalinela. Xo Eloti ukakamulinu molomolo ne so uvau usoli.”

Ta'aposeli 27:42

Lasipi a so umamulo oe, la ta'ami milalaxinu opone'i lexe ive'ave'a takalavusu isoisoli. Xo mi'oxo lexe masi inou mo i'ume avile.

Ta'aposeli 25:13

Ioxe, voxo se'i mulai mukalu la Kingi Axilipa olie vimou Venaisi mine'e ne Sisalia so ivikala laixe noxou Vesitusi ne.

Matiu 2:16

No voxo ane Eloti mulavu lexe ane'i tamitema so lavulavu no xale lia loxo no aso uxali mikalavoinu mo mipolo no vote'i vile, la oponu ialuxu manina. Oponu ialuxu la mupalusi'a tavoiou se'i milai no tuala ne Peteliemu xe tuatuala ane no pa'upa'umolu. Mupalusi'a so ive'ave'a tamolomolo tamulu ane takeakeasi mo utelai uxali noxi'a ane tau iexa'a tatamei. Eloti musosovosi'a tamolomolo axone xo anu tei la mutali'isi'a tamitema so lavulavu lexe taoto muxali no voxo aneva manina. Laso tamite­maou mimulinu vaiakalaou mo mive'ave'a tamolomolo.

Matiu 2:1

Ioxe, Malia mivo'onu Iesua no xale lia ne Iutea no tuala ne Peteliemu no mine Eloti muxolu kingisio. Ane mivo'onu la tamitema se'i so lavulavu me'a no anu xale lia no Isiti loxo aso uxali. Me'a nopaxa ne mine'e xo laso mixali ne Ielusalemo.

Ta'aposeli 12:18

Ioxe, no kakau la ta'ami mimalei lexe Pita uxolu uasi la mikuluke manina mo tane'ilili lexe mi ma'ia muxali noxou.