Ta'aposeli 11:5 - Ata New Testament

⁵ Mua'aloi'a aloxo 'o. “Eni exolu ne Iopa xe voxo vile la exolu evivikala noxou Mosinge. Evivikala sila emaisou mi vile loxo eai esaxi. La emaisou mi vile loxo lavalava toxoxu mulu'e no loxotolo. Lavalava ne mi vile mutetelisou no anu susunu tami'a, mo mulili mulu'e noxilo.

Ta'aposeli 11:5 Referans Kwoze

Ta'aposeli 22:17

Ioxe, Polu musolonu a'alo noxou aloxo 'ola, 'Elai xe ili'i elivu ene'e ne Ielusalemo la eni e'unalai no tasou Mosinge so avikala noxou. Evikala noxou la emaisou mi vile loxo ai saxi.

Ta'aposeli 9:10

No tuala Tamasikusi ne, itema so lopala vile a muxoxolu, ualasou lexe Ananaiasi. Ananaiasi muai musaxi lexe Tatananenge mumo­xo'u. La anu mukolinu lexe, “Tatanaleli, eni a axoxolu.”

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Ta'aposeli 9:38

Anu tualasie Iopa ne anu muxolu alai no tuala Lita. Xe talopala milomu lexe Pita a uxolu ne Lita laso ane'i mipalusi'a tamitema tamei so ivikalanu lexe, “Nini napalea nane'e, navovoxo uasi.”

Ta'aposeli 9:42

Xe a'alosou mi ne muiaveiave noxi'a tatemanu tuala ne Iopa la ane'i tavu'alo e tavu'alo milopala noxou Tatana­nenge.