Ta'aposeli 11:26 - Ata New Testament

²⁶ Mulai mukamulinu Sauli xo xe muxalisoui laso ilou milivu ne Anitioki. La ilou mixolu tau ie vile loloni. Ilou mixolu la utotomu mipita no anu pita noxou Tatana­nenge ne Anitioki mo mivotone'i tamitema tavu'alo e tavu'alo. La no tuala anene anu tei manina noxi'a so tamitema mimo­xo'a talopala lexe “tamitemaou Kalaisiti”.

Ta'aposeli 11:26 Referans Kwoze

1 Pita 4:16

Ia loxo itema utavulenu tu'umaxu xo anu itemaou Kalaisiti la anu mi so umailamulinu uasi ane. Anu laixe so u'osasou ualasou Kalaisiti e utavulenu ne mo u'itinu Mosinge no anusi.

Ta'aposeli 26:28

Ia Axilipa mukolinu lexe, “Loxova, naxavutala lexe alomu­sou vaikalameni ataxu se 'osi ka alopala mo axali itemaou Kalaisiti?”

1 Tioni 2:27

Ia Kalaisiti mupilixinu Ulenu Laixe noxinge so uxolu noxinge avile. Laso tava'u so evile upela'inge la uasi xo Ulenu Laixe molu upalo matanangengi no anu mimi mukalusi. Xe mi ma'ia upela'ingexu la maninasousi, kala­voi no anu uasi. Laso ngamulinu loxo mupela'ingexu mo ngaxolu pumungenge noxou Kalaisitisi.

1 Pita 4:14

Loxo tamitema ipupuiengixu ualasou Kalaisiti la anu mi so nga'osasousi, xo Ulenu Mosinge lailaixe misevile mo xavinu a uxolu noxinge ne.

Epesusi 3:15

Mosinge anu Maminge xo anu tava'u laili mukalusi ane no tualasou xe no lialia 'o.

1 Kolini 14:23

Laso loxo tatemanu pita ipita io loxo ngingi mukalusi ngavikala no anu vaikala iouiou axone la anu laixe uasi. Xo loxo tamitema noale o ane'i ane ilopala uao i'una la masi i'oxo lexe ngingi talongulongu ane.

1 Kolini 12:12

Ioxe, mo aloxo 'o. Nenge vasi­menge anu loloni ia no anu la pa'upa'usou tavu'alo. Pa'upa'usou tavu'alo ia uxolu upita la anu vasimolu vilesisi. La noxou Kalaisiti axone kalumo.

1 Kolini 11:18

Vaikala ane tei so mi ne aloxo 'o. Sivo muxali noxilo lexe no voxo so ngapita no anu pita noxinge la ngaxolu ngaka­likalito­tongengi mo ngakusu­kusuinge ngato'o. Elomusou sivo ne la axa­mulinu lexe masi temanu sevile.

1 Kolini 4:17

Masaxa noxilo so singe axone. Laso maixene epalusou Timoti mune'e noxinge ne. Anu kalumo loxo alixeli no anu xoluxoluxu noxou Tatananenge. Eni asexelaxu mo xaixai ma'ia alopalanu so u'oxonu la utotomu u'oxonusi. Mune'e noxinge so ulivunoxu xavutalemengi no anu ilixoleli so xoluxoluxo noxou Kalaisiti. Anene u'isalili no anu vaikalaxeli loxo alavusou alanu no anu pitapita no tuatuala.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Mupala'a 3:18

Laso apelototosinge aloxo 'o. Ngane'e noxilo so ngaxalisou koli e navu mu'elaxu so uxexenu mimi masua no anu. Ngaxalisou laso ane, ngaxolu no latanu mimi lailaixe ne. Xe ngaxalisou lavuluti kea so ngasu'asinge no anu mo so ngamailamulinu vasimenge vita­nisi ne uasi. Xe ngaxalisou lamalasini mo ngamulaxu no iengi so ngasaxisaxi.

Ta'aposeli 14:23

Mo ilou misosovosi'a tamitema so saxila'u no anu pita vilevilesi. Xe ilou opone'i mutulu so ivikalasi'a talopala noxou Mosinge mole i'ani uasisi. Mipilixine'i noxou Tatananengesi xo milopala noxousi.

Ta'aposeli 11:27

Ioxe, no voxo anene la tamitema so pela'a se'i me'a ne Ielusalemo mixali ne Anitioki.

Ta'aposeli 11:22

Ioxe, tatemanu pita ne Ielusa­lemo milomusou a'alosou mi ne laso mipalusou Vanavasi mulai ne Anitioki.

Ta'aposeli 11:20

Ia se'i no taine'i ane'i tamitema so xale lia ne Saipilasi xe so tuala Sailini, ane'i kalumo milai ne Anitioki. Milai la misoko'u so mivotovoto noxi'a Takiliki kalumo. Mivotovoto no anu a'alo laixe so Tatananenge Iesua.

Ta'aposeli 6:5

Tamitema milomusou vaikala anene la mi'osasou. Laso miso­sovosou Sitiveni. Anu itema ane Ulenu Laixesi mupamuxanu mo loxo mi ma'ia muxali la anu mulopalasi. Misosovosou Sitiveni xe misosovosi'a se'ila so tamenexu, ualasi'a aloxo 'o; Pilipi xe Pilokolusi xe Nikanoli xe Timoni xe Palimenasi xe Nikolasi. Nikolasi ne anu itema Iuta uasi. Anu so tuala Anitioki, ia anu mumulinu ilixo noxi'a Taiuta so i'itinu Mosinge ualasou.

Tioni 2:2

La tamitema miali'a Iesua oli'a tatisaipeliou so milai no anu lavilelu so taula'i ne kalumo.

Ta'aposeli 1:15

Ioxe, no voxo anene la navasi'a tamitema loxo milopala noxou Iesua mumomomo no anu 120. La Pita mutulu no taine'i la muvikalane'i lexe,

Ta'aposeli 6:1

Ioxe, no voxovoxo ne tamitema mi'una'una noxi'a talopala mo navasi'a mutoxoxa'a. La ane'i se'i noxi'a vaikalai'a Kiliki mimunu­munuxa'a ane'i ane vaikalai'a Ipilu. Mimunumunuxa'a mo mivikala aloxo 'o, “Ai, tasema noxinge ane tamului'a misoisoli ne ngingi ngalavusou ngavelunuxa'a voxo­voxo utotomu to'. Ia ane'i noxixe 'o, ngingi ngavelunuxa'a malaxo uasi.”

Ta'aposeli 9:19

Ananaiasi muke­lenixu mukalu xe ili'i la Sauli mu'ani mo mumaulila. La Sauli oli'a tamitema so lopala ne Tamasikusi mixolu voxo se'i.

Ta'aposeli 9:38

Anu tualasie Iopa ne anu muxolu alai no tuala Lita. Xe talopala milomu lexe Pita a uxolu ne Lita laso ane'i mipalusi'a tamitema tamei so ivikalanu lexe, “Nini napalea nane'e, navovoxo uasi.”

Ta'aposeli 11:29

Xe talopala ne Anitioki milo­musou vaikalaou Axavusi la ane'i milalaxinu opone'i lexe ane'i isu'uline'i tavimovimo'a no anu lopala ne Iutea. Misu'uline'i la mikalanu lamoli so iloto xa'a la'ilali no anu voxo so vitolo. Loxo itema vile lamolixu la ukalanu lamoli tatila. Xe loxo vile lamolixu malaxo uasi, la mukalanu isusu'a sesi.

Ta'aposeli 14:20

Ia talopala se'i mine'e mixalilixu Polu la anu mutulu mumauli mo mulivu mu'unalai no tuala. Xe loxo ne'iela la ilou Vanavasi milutu so ilai no tuala ne Tevi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 14:28

La ilou mixolu noxi'a talopala ne Anitioki maxuveni sevile.

Ta'aposeli 18:27

Ioxe, Apolosi mumasaxau ulai ne Akaia polovinisi la talopala opone'i vilesisi so ulaisi. La ane'i mikaukavunu lapasi mulai noxi'a talopala ne Akaia so ivikalane'i lexe i'unanu noxi'a. Ioxe, Apolosi mulutu xo la muxali ne Akaia noxi'a ane'i ane milopala no anu iaiama noxou Mosinge, la musu'uline'i misevile.

Ta'aposeli 19:9

Ia se'i noxi'a ne opone'i pakia'u mo ilopala uasi xe no ie'i tamitema la mivikala masuaou Vote'i ane muvotovoto no anu. Ane'i mi'oxo axone laso Polu oli'a tamitema e milomuxu vaikalaou xe milopala la mivo­tovoto no tasou lavulotola uasi. No anu voxovoxo utotomu Polu mulanu vaikala no anu tasou lasikulu e milemolu lexe Tilanusu.

Ta'aposeli 20:1

Ioxe, tu'umaxu lelemesoui laso Polu mu'avali'a talopala so ipita. Mipita mukalu la anu mu'oxonu pakia'a no anu vaikala xo xe mukalu la anu mu'italone'i. Mu'ita­lone'i xe mulutu so ulai ne Masetonia polovinisi.

Ta'aposeli 20:30

Ane'i se'i no taingengi 'o kalumo. Ane'i i'avuti ixalixu kalakalavoi so ilapune'i talopala se'i so imuline'i.

Ta'aposeli 21:4

Texali ne xe telu'e la texalisi'a talopala so tuala ne la noxi'a texolu voxo 7. Noxi'a texolu la Ulenu Laixe mupamuxane'i so mivikala lamana noxou Polu lexe masi la ulai ne Ielusalemo uasi.

Tiemisi 2:7

Mo aloxo 'o. Mosinge mupilixinu ualasou Kalaisiti noxinge. La ta'ei so ipupuiou uala lailaixe ne? A ane'i tamitema so lamoli to nesi.