Ta'aposeli 11:23 - Ata New Testament

²³ Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

Ta'aposeli 11:23 Referans Kwoze

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

Ta'aposeli 13:43

Xe tamotu mixexesou tasou lavuloto mukalu la ane'i tapiena mimuline'i Polu ilou Vanavasi no vote'i. Ane'i ane mimuline'i ne, ane'i se'i Taiuta xe se'i tamitema noale'ale ane mila­vusou mi'itinu Mosinge ualasou no anu ilixo noxi'a Taiuta. Mimuli­muline'i la ilou mipeloto­tosi'a lexe opone'i utulu no anu iaiama noxou Mosingesi.

1 Tioni 2:28

Laso ane, ta'alixeli moso 'o, ngingi ngaxolu pumungenge noxou Kalaisiti mo so loxo anu upala'a la ta'osasi so tamaisou iou mo tamaila ka ta'umenu vasimenge noxou loxo uxali uasi.

2 Timoti 3:10

Ia nini la nemulileli no anu vote'isou epela'axu Mosinge vaikalaou noxi'a tamitema xe no anu ili'ilixoleli xe no anu mi ane taleli u'oxoxu so a'oxonu. Mo neutitiieli no anu lopala ilou sexela noxilo xe no anu vote'i so opoleli pakia'uou xaixai mo loxo tu'umaxu uxali la atavulenusi.

Kolosi 1:6

Vaikala laixe ne uxaxalixu nene'axu mo a ususuku no xale tuatuala mukalusi. Anu iou vilesisi aloxo musoko'u no taingengi no voxo tei ngelomusou mo ngelavu no anu iaiama noxou Mosinge manina.

Ta'aposeli 20:24

Ia eni opoleli lexe maulixo anu utiatila uasi, xo loxo tamitema ivelo la anu mi vitanisi. Eni a'oxonu latilovo aloxo 'o. Eni loxo alesisi, mo opoleli ututulu lexe axali avile no anu lamakisi. Lesisi ne, anu latilovosou xaixai noxou Mosinge. Mo eni opoleli ututulu lexe asivitanoxu xaixai ane Tatana­nenge mupilixinu noxilo e so alanu vaikala laixe so iaiama noxou Mosinge.

3 Tioni 1:4

Iaxoma'i, xo loxo alomu lexe ta'alixeli no anu lopala muamua'ixa'a no anu maninasi, la osa'ilasou uua'ulixu osa no anu mi se'ila. Xaiusi u'oxonu xaixai laixe

Ta'aposeli 14:26

Mixali ne Atalia xe mitelo no lasipi la milai mixali avile ne Anitioki. Anitioki e talopala mi'italone'i noxou Mosinge mala'o no anu xaixai ane mi'oxonu ne.

Tioni 15:4

Laso nga'oxo aloxo 'o. Ngaxolu ngatoxo avile noxilo mo eni axolu atoxo avile noxinge. Xo loxo ovu uaini avolu la molu uxalixu nene'axumo uasi, anu vote'i so uxalixu nene'axu a so utoxo avile no anu ainusi. Mo ngingi axone kalumo, vote'i so ngingi ngaxalixu nene'axu a so ngatoxo avile noxilosi.

Matiu 16:24

Mukalu la Iesua muvikalane'i tatisaipeliou lexe, “Loxo itema umasaxa so umulileli la upilixinu masamasaxa noxou. Upilixinu ukalu la ulalaxinu oponu so lexe loxo umulileli xe uxalisou tu'u­maxu o mailasou, la u'ume uasi. Anu loxo u'itinu ovu valautu so usoli no anu mo utavulenu so umulilelisi.

2 Kolini 1:17

Xo axova, elemolu vaikala anene la nge'oxo lexe opoleli muvaxa mune'e no anu? Eni a'oxo loxo tamitema so lialia? Eni amitema so asakinu vaikala lexe, “Ani, a'oxo mi ne,” ia uasi uxolu no opoleli? Ne? Uasi to!

Ta'aposeli 20:32

Ia vaimomo 'o apilixingengi no avolu Mosinge. Xo amasaxau so opongengi ututulu no anu vaika­lasou iaiama noxousi. Xo anenesi umomomo so u'oxo pakia'inge. Xe ili'i la Mosinge molu ulosinge mimi lailaixe. Anu ulosinge nenge ane musosovosinge lexe tamite­maou u'isalili.

Ta'aposeli 15:40

Ia Polu mu'avalou Sailasi lexe ilou ilai. Milai la talopala mi'italone'i no anu iaiama noxou Tatananenge.

Maki 2:5

Milu'e­laixu muxali noxou Iesua xe mumaisou lopala noxi'a la muvika­lanu itema ne lexe, “Alixeli, tina'uxene so susu mukalu.”

Ta'aposeli 4:36

Ioxe, vile noxi'a ualasou lexe Iosepu. Ta'aposeli mivotongalelenu lexe Vanavasi, xo laxu lexe, “itema so su'uli”. Iosepu ne anu so laili Livai ia molu no ailani ilemolu lexe Saipilasi.

Lomu 12:8

Loxo itema vile so u'oxo pakia'a Mosinge ta'olu la u'oxonusi. Xe loxo itema vile so u'alauna la u'oxonu manina, utukala uasi. Xe loxo itema vile so u'uli laxune'i tamenexu la anu oponu utulu no anu mi nesi. Xe loxo itema so tanuxa'a tamenexu ane itavulenu tu'umaxu la anu u'osasou so u'oxonusi.

2 Kolini 6:1

La nexi noxou Mosinge tava'isuxu xaixai noxou. Laso nexi tavikala pakia'u noxinge lexe iaiama noxou Mosinge la ngatololonu mamu.

1 Pita 5:12

Sailasi musu'ulileli no anu lapasi 'o xo eni elemolu vaikala kaio anu mukaukavunu. Eni emaisou vivinge 'o lexe usaxila'u laixe xaixai ma'ia tapilixinu noxou. No anu lapasi ataxu se 'o la emasaxau apelototosinge mo avikala lamana no anu iaiama maninasou noxou Mosinge. La emasaxau a'avutinixinge lexe ngatulu pumungenge no anusi.

Iuti 1:4

Xo tamitema se'i a mipakisi mi'una'una noxinge ne. Tamitema ane xo ne sosovo so mamulo muxolu noxi'a tateimo xo ixiunu tumali'aou ilixo noxou Mosinge. Ane'i ipilixine'i no anu ilixo masumasua iouiou kaio ixiunu vaikala so iaiama noxou Mosinge so ivalaxu ilixone'i ne. La ixiunu tumali'aou Tilasinge mo Tatananenge vilesisi e Iesua Kalaisiti.