Ta'aposeli 11:18 - Ata New Testament

¹⁸ Taiuta talopala ne milomusou vaikalaou Pita laso ane'i opone'i lelemesou mo ivikala mi vilela uasi. Ane'i mi'itinu Mosinge ualasou mo mivikala lexe, “Ai vaimomo 'o nenge talamana. Mosinge mu'oxonu vote'i so tamitema noale'ale kalumo loxo ixali lamana no anu susu noxi'a la ixalisou pamauli.”

Ta'aposeli 11:18 Referans Kwoze

2 Kolini 7:10

Xo tu'umaxu no oponu itema loxo u'avuti no anu masaxa noxou Mosingesi la anene uxalixu xiu ane. Xe ili'i la itema ne u'osasou tu'umaxu anene xo muxalixu pamauli noxousi. Ia loxo itema oponu tu'umaxuou mimi so lialia 'osi la anene uxalixu nene'axu uasi, uxalixu solisi.

Ta'aposeli 20:21

Uto­tomu eni epilixinu vaikala lamana noxi'a Taiuta xe noxi'a Takiliki lexe vote'i vilesisi ane so ta'isalilinoxu oponenge so susu noxinge mo talopala noxou Tatananenge Iesuasi.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

2 Kolini 3:18

Xe loxo nenge la mi vile so utanuxu alaienge uasi laso loxo tamitema isaxisinge la iaxu Tatananengesi upalasi noxi'a. Mo Tatananenge anu Ulenu ne mupilixinu iaxu noxinge so uxiuxiunenge taxali aloxo anu u'isalilisi.

Ta'aposeli 21:20

Anu Polu mua'aloi'a xe milo­musou mukalu la ane'i mi'itinu Mosinge ualasou. Ia mivikalanu aloxo 'o, “Ai vivixeo, nini nelavu mukalu lexe Taiuta tavu'alo e tavu'alo milopala noxou Iesua mukalu. Milopala ia ane'i opone'i ututulu so imulinu lavuloto no anu lo.

Ta'aposeli 3:26

Pita mulemolu Mosisi vaikalaou axone mukalu la muvi­kala lexe, “Laso maixene Mosinge mutulusou itema so xaixai noxou mo mupalusou muxali noxinge tei so uxiungengi no anu vote'i so susu ngamulinu 'o.”

Xalesia 1:24

Milomusou a'alo­sou mimi ane Mosinge muxalixu noxilo axone la mi'iti'itinu Mosinge ualasouxu.

Lomu 9:30

Ioxe, nenge tavikalasi'a Ta'isi­laeli axova? Xo tamitema noale'ale ne ane'i sasaie'i so me'a ixali tamalemalenga uasi. Ane'i milopa­lasi laso maixene mixali tamale­malenga no iou Mosinge.

Ta'aposeli 15:3

Ioxe, milutu la tatemanu pita latala mi'italone'i laixe so milai. Poluena milutu milai la mipolo no xale lia ne Vonisia xe ne Samalia. Mipolo ne xe mixali no tuala aneva la mia'aloi'a talopala no anu mimi ane Mosinge mu'oxonu no avo'a so tamitema noale'ale milo­pala kalumo. Mia'aloi'a talopala xe milomu la ane'i opone'i mu'osa manina.

Ta'aposeli 14:27

Ilou mixali mukalu la mipitane'i talopala so mia'aloi'a no anu muamua'i noxi'a. La mipala'anixu noxi'a lexe, “Ai, Mosinge mu'oxonu vote'isi'a tamitema noale'ale so ilopala kalumo.”

Ta'aposeli 11:1

Ioxe, ta'aposeli oli'a tavimovimo'a no anu lopala so tuatuala ne Iutea milomu lexe tamitema noale'ale kalumo a milomuxu vaikalaou Mosinge.

Ta'aposeli 3:19

Laso ngingi ngaxiu­nu opo­ngengi so susu noxinge mo nga'isa­lilinoxu no anu Mosinge vaikalaou. Laso Mosinge uiasou susu noxinge mo Tatananenge u'oxonu vasi­menge uxolu mana­mana'u.

Matiu 9:8

Xe tamitema latala ne mimalei axone la mama'u mukasi'a mo mi'iti'itinu Mosinge ualasou xo anu molu mupilixinu xavi anene noxi'a tamitema.