Ta'aposeli 11:16 - Ata New Testament

¹⁶ Laso eni exavutalanu vaikalaou Tatananenge mulemolu lexe, 'Tioni mukelenixa'a tamitema no lexa, ia Mosinge molu ukeleningenge noxou Ulenu Laixe so anu uxolu noxinge.'

Ta'aposeli 11:16 Referans Kwoze

Ta'aposeli 1:5

Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

Maki 1:8

Loxo eni la akeleningenge no anu lexasi ia anu la ukeleningenge noxou Ulenu Laixe.”

Tioni 14:26

Ia Mosou Su'uli anu Ulenu Laixe e Maminge upalusou une'e no anu ualasilo, la anu so upelapela'ingexu mimi mukalusi mo ulivunoxu xavutalamengi no anu vaikala mukalusi e elemolu noxinge 'o.

Luku 3:16

Laso Tioni mukolinu tali'i noxi'a ne aloxo 'o, “Loxo eni la akeleningenge no anu lexasi. Ia Itema ane une'e ili'i noxilo ne anu xavinu mutiatila noxilo. Anu itema tila ia eni amitema vitanisi. Xaixai vile so loxo alulusou lamotasou lasuou ne eni alaixe umomomo so a'oxonu to uasi. Laso noxou la ukeleningenge noxou Ulenu Laixe xe no anu navu.

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

1 Kolini 12:13

Xo Ulenu Laixe e vilesisi ne, muke­leninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tami­tema so xaixai vitanisi xe nenge ane taxolu lalavulusi, nenge muka­lusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.

Ta'aposeli 20:35

Eni exaxai tatila axone so asu'uline'i tami­tema ane lamolii'a uasi. Emaxa'u noxinge so ngamaisou lexe anu vote'i laixe ane. Xo nenge masi taxavutalanu vaikalaou Tata­nanenge Iesua aloxo 'o, 'Loxo itema vile u'itinenge mi ma'i, la ta'osa sevile. Ia loxo nenge ta'itiou menexinge mi ma'ia la taxamulinu osa tatila.'”

Tioni 16:4

Ia eni elemolu mimi ne lumamo noxinge mo so loxo voxosou uxalii la tangengi ulivu lexe a epela'ingexu mukalu 'oe. Ioxe, tei la apalasinoxu mimi ano'o noxinge uasi xo eni exoxolu noxingesio.

Tioni 1:33

Loxo eni melo la atongonu uasi. Ia anu ane mupa­lusilo ene'e so a'oxo ilixo so akelenixa'a tamitema no lexa, la anu molu muvikalaleli lexe, 'Loxo nini namaisou Ulenu Laixe ulu'e uai noxou itema aneva, la anu mosou e so ukelenixa'a tamitema noxou Ulenu Laixe ane.'

Tioni 1:26

La Tioni mukoline'i lexe, “Eni akelenixa'a no lexasi, ia itema vile a ututulu no taingengi ane ngalavusou to uasi.

2 Pita 3:1

Laso tavivilo ane asexelangenge, ano'o lapasixeli tameisou akauka­vunu ulai noxinge so u'avutini­xinge mo ulivunoxu xavutalamengi so uxolu ulapusi.

Luku 24:8

Milemolu axone sila ane'i tasema ne mixavutalanu vaikalaou ne.

Matiu 3:6

Mine'ene'e noxou xe ane'i ta'ei milamana no anu susu noxi'a la milemolu. Laso Tioni mu'oxo ilixo anene so mukelenixa'a no lexa Tiotani ne.