Ta'aposeli 10:39 - Ata New Testament

³⁹ Xo nexi tamitema ane temaisou mo taa'aloxu mimi ane mu'oxonu no xale lia noxi'a Taiuta xe no tualasi'a e Ielusalemo. Mune'e ne Ielusa­lemo laso ane'i mililinu no ovu valautu so musoli.

Ta'aposeli 10:39 Referans Kwoze

Luku 24:48

Xo ngingi menge ngemaisou mimi ano'o laso ngaa'aloxu.

Ta'aposeli 10:41

Mosinge mutulusou ia anu umaxa'u noxi'a tamitema latala uasi. Anu mumaxa'u noxixe nexi ane Mosinge molu musosovosixe so taa'aloxu. Xo ili'i no anu soli noxou la nexi noxi'a tepita xe te'ani mo teie, laso maixene nexi taa'aloxu.

Ta'aposeli 1:8

Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

1 Pita 2:24

Anu Kalaisiti mutavulenu susu noxinge no anu vasimolu mi ne mulili no ovu valautu. Mu'oxo axone so uxalixu vote'isinge so takalipala no anu susu xe taxolu no anu malema­lengasi. Anu vasimolu mukakaka mo so nenge tapamauli.

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Xalesia 3:13

Ioxe, no anu telexu lo la ule­molu mamulosingesi. Ia Kalaisiti mu'umenenge no anu vaikala so mamulo ne xo anu molu muno'u taninenge so mutavulenu. A loxo mulemolu no anu Mosinge vaika­laou lexe, “Itema aneva ulili no ovu la utavulenu vaikala so mamulo no iou Mosinge ane.”

Ta'aposeli 13:31

Mo ili'i no anu soli noxou voxo tapiena ane'i tamitema se'i mimaisou. Tamitema ne ane'i tamenexu e oli'a milutu ne Xalili milai ne Ielusa­lemo tatei. Vaimomo 'o nexi noxi'a tamitema ne taa'aloxu noxi'a laili noxixe Ta'isilaeli xo nexi mexe temaisou no iexisi.

Ta'aposeli 7:52

Xo polopeti aneva ta'ilusungengi mi'oxo laixesou? E uasi! Ane'i mixililiie'i mo mi'oxo­ne'i masua mukalusi. Mo ane'i ane misaxi mu'uli mo mia'aloxu Itema Malemalenga lexe une'e, la mive'ave'a misoisoli. Xe Itema Malemalenga e mia'aloxu ne muxa­li ia ngingi nge'italonu no avo'a tauluaou mo mivau musoli.

Ta'aposeli 4:10

Loxo ngatali'i axone, la ngingi ngoli'a Ta'isilaeli mukalusi ngalavu lamana axo. Itema ane ututulu no laxungengi mo ngamaisou lexe laixenu la muno'u mauli no anu ualasou Iesua Kalaisiti so Nasaleti. Itema anene ngingi ngelilixu no ovu valautu so musoli, ia Mosinge molu mu'umenu mutulusou no anu soli.”

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.

Tioni 15:27

Xe ngingi la ngalanu vaikala so ngavalavalaxo kalumo xo ngingi ngexoxolu noxilo no anu soko'u xaixai noxilo mune'e avile 'o.

Luku 1:2

A'alo ne mino'u noxi'a tamitema ane me'a mixolu misaxi­sou mimi ne no ie'i no tava'u manina. Misaxisou xe mixali tamitema so ixaxaisou vaikala ne laso mia'aloxu mune'e noxixe 'o.