Ta'aposeli 10:36 - Ata New Testament

³⁶ Ngingi ngelavu no anu vaikala laixe noxou Mosinge anu mulosixe nexi Ta'isilaeli. Vaikala laixe ne aloxo 'o. Iesua Kalaisiti anu Tatananenge mukalusi. Xo anu anusisi vote'i so nenge taxolu lalavulusi.

Ta'aposeli 10:36 Referans Kwoze

Matiu 28:18

Xe Iesua mune'e alai noxi'a la muvikalane'i lexe, “Mosinge mulosilo xavi so a'uli laxunu mimi mukalusi no lialia xe no tualasou.

Ta'aposeli 2:36

Pita muvulunu vaika­laou Teviti ne mukalu la muvikala aloxo 'ola, “Ngingi Ta'isilaeli mukalusi ngalamana lexe Iesua e ngelilinu no ovu valautu ne, Mosinge musosovosou lexe anu Kalaisiti mo anu Tatananenge.”

Mupala'a 17:14

La ane'i i'otoxu Sipisipi Ilie. I'otoxu ia anu oli'a tamitemaou ane mu'avali'a xe musosovosi'a xe milopalanu ne, iua'ulixa'a. Iua'ulixa'a tauluaou Sipisipi Ilie xo anu Tila manina noxi'a tatiatila xe anu Kingi manina noxi'a takingi.”

Mupala'a 1:18

Eni ane axoxolu amauli 'o. Eni esoli ia namaisou, eni axoxolu kaluxu uasi a. Xavi no anu soli mo tanixu soli a uxoxolu noxilo mo atetelisou lakisou.

1 Pita 3:22

Xe vaimomo 'o Kalaisiti ne a mu'u­nalai no tualasou Mosinge mukalu mo a uxoxolu no anu avolu tema noxou Mosinge. Mo ane'i ta'angelo xe ta'ulenu ane xavine'i xe tami ma'ia xavine'i musuku ixolu no laxu xaviou Kalaisiti.

1 Kolini 15:27

La no anu ane Mosinge vaikalaou ulemolu lexe “Anu umulaxu mimi mukalusi so Kalaisiti umaloxo'u.” la talavu aloxo 'o. Mimi mukalusi uxolu no laxu Kalaisiti axone ia Mosingesi uasi.

Mupala'a 19:16

La no lavulutiou veveni xe no poxo'u la ualasou muxolu lexe, Kingi manina noxi'a takingi xe Tila manina noxi'a tatiatila.

Mupala'a 1:5

Xe noxou Iesua Kalaisiti kalumo. Anu ua'aloxu vaikalaou Mosinge maninasi mo anu u'uli'uli noxi'a tamitema so itulu no anu soli mo anu tilasi'a takingi no lialia mukalusi. Mo kalumo anu musexelanenge mise­vile laso mulotonenge no anu sialuxu so mu'umenenge no anu susu noxinge.

Ipilu 13:20

Eni apilixingengi noxou Mosinge e mosou xoluxolu lala­vulusi. Anu mutulusou Iesua anu Tatananenge no anu soli. Iesua ne anu mupilixinu sialuxu so ulotone'i tasipisipiou mo usosovosou konita­laki ane kaluxusou uasi. Mutulu­sou laso Iesua muxali Itema Tila so usaxila'a tasipisipiou ne.

Pilipai 2:11

Mo vaikala lexe Iesua Kalaisiti anu Tatananu mimi mukalusi ula no anaxa'a tami ne mukalusi. La no anu vote'i anene la ualasou Mosinge utilasi.

1 Kolini 15:47

Itema ane tei ne anu so lialia xo Mosinge muxalixu no anu lialiasi. Ia anu itema tameisou anu molu no tualasou Mosingesi.

Lomu 14:9

Taxolu no avolu xo Mosinge musosovosou Kalaisiti so usoli mo umaulila. Musoli mo mumaulila so anu uxolu Tatanane'i tamitema ane isoisoli xe ane'i ane imamaulisio.

Ta'aposeli 13:46

La Polu ilou Vanavasi mivikala pakia'u noxi'a tatiatila ne aloxo 'o, “Anu masaxa noxou Mosinge so nexi tapala'anixu vaikala laixe ano'o noxinge ngingi Taiuta tei. Ia ngingi a ngaxiunu tumalinge no anu vaikala ano'o mo ngingi menge ngemaxa'u lexe xoluxolu kaluxu uasi 'o la opongengi uxililousi. Laso ngingi ngalomu, vaimomo 'o nexi noxou taa'alomengila uasi. Nexi tapala'anixu vaikala laixe ano'o noxi'a tamitema noale'alesi.

Ta'aposeli 13:32

Mo nexi talemolu a'alo laixe aloxo 'o. Mosinge muxalixu nene'axu vava­lima e mu'oxonu noxi'a ta'ilusunexi Ta'isilaeli tatei mukalu 'oe.

Ta'aposeli 11:19

Ioxe, mala'o no voxo loxo mivau Sitiveni musoli la talopala mixalisou tu'umaxu kaio mipa­xelele milai no xale tuatuala. Se'i milai nopaxapaxa mo mixali avile ne Vonisia xe ne Saipilasi xe ne Anitioki. Ane'i milailai la mivo­tone'i Taiutasi.

Ta'aposeli 5:31

Mo muno'u mulaixu mutalu­pexasou no avolu tema so uxolu Tiatilasinge mo tava'u pamauli. La uxolu ne so loxo nenge Ta'isilaeli taxiunu oponenge mo ta'isalilinoxu no anu vaikalaou la anu ukalusou tina'unenge so susu.

Luku 24:47

Xe no anu ualasou la ane'i tamitemaou ilanu vaikala noxi'a tamitema so xale tuatuala mukalusi. Ilanu vaikala lexe ane'i ixiunu mo i'isalilinoxu opone'i laso Mosinge uiasou tina'uxa'a so susu. Laso ane, xaixai anene ngasoko'u ne Ielusalemo 'o.

Matiu 11:27

La Iesua muvikala aloxo 'ola, “Mamilo mupilixinu mimi mukalusi no avolo 'o. La itema vile ulavusou Olu uasi, Momusi ulavusou. Xe itema molu ulavusou Momu uasi, Olusi xe ane'i ta'ei upela'axu Momu no anu masaxa noxou, la ilavu­sousi.

Matiu 10:6

Ia ngingi ngalai noxi'a tasisipi e milusi mukalu e ane'i laili Ta'isilaelisi.

Ipilu 1:2

Ia vaimomo 'o no anu kaluxusou voxovoxo 'o, la Mosinge mupolonu vaikalaou noxou Olusi mo so uxali noxinge nenge'a. Olu ne musoso­vosou so upilixinu mimi mukalusi noxou. Mo noxou, la Mosinge muxalixu lialia mukalusi.

Kolosi 1:20

Xe Mosinge mulalaxinu vote'i e noxou Olu so ulivunoxu mimi so lialia xe so tualasou noxou. Laso Olu mulili no ovu valautu xe sialuxu munixi mo so ukalusou kalipala xe u'oxonu vote'i so mimi mukalusi ulivu noxou Mosinge.

Luku 1:79

Uxali, laso lamanaxu uiesi'a ane'i ane ixolu no isivoxo mo no maimaixu soli. La anu molu upamuxanu tava'inge so tapolo no anu vote'i so xoluxolu lalavulusi.”

Ta'aposeli 10:37

Ngingi masi ngelomusou a'alo so mimi ane muxali ne Iutea. Anu musoko'u no xale lia ne Xalili ili'i no anu voxo loxo Tioni muvotovoto ka mu'oxonu ilixo so kelele.

Lomu 5:1

Ioxe, nenge telopala mukalui la Mosinge mumoxo'inge lexe nenge tamalemalenga. Xo Tatananenge Iesua Kalaisiti molu mupitanenge so nenge'a Mosinge oponenge vilesisi.