Ta'aposeli 10:22 - Ata New Testament

²² La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 10:22 Referans Kwoze

Ta'aposeli 11:14

La angelo muvikalanu lexe eni alanu votovoto se'i mo no anu votovoto anenesi la anu oli'a taminuminu ixalisou pamauli.

Ta'aposeli 10:2

Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

3 Tioni 1:12

Ioxe, noxou vivinge Temitiusi la tamitema mukalusi ipala'anixu lexe ilixou laixe. Xe loxo talomu­sou vaikala anu temanu manina la upalasinoxu ilixou itema ne lexe ulovou. Mo eni kalumo avalaxu vaikala so ilixou ne, mo nini nelavu lexe eni avikala maninasi.

2 Pita 3:2

Eni emasaxau lexe tangengiou vaikala e tapolo­petiou Mosinge milemolu tatei so lexe mi ma'ia uxali. Xe so ngaxavutalanu votovoto malema­lenga noxou Tatananenge anu Itema so Pamauli e ngelomusou noxi'a ta'aposeli ane mine'e noxinge.

Ipilu 12:23

Mo ngexali no anu pita tatila noxi'a talaposalaxa'a ane ualaualasi'a muxolu mukau­kavu no tualasou Mosinge. Mo noxou Mosinge anu Tiasi noxi'a tamitema mukalusi. Mo noxi'a ta'ulene'i tamitema talapusi ane muxalixi'a tamalemalenga.

Ipilu 11:2

Xo ane'i so tatei milopala noxou Mosinge la anu mu'osasi'axu.

Ipilu 10:38

Tamitemaxeli talapusi la ixolu no anu lopalasi. Ia ane'i ta'ei ane ixiu tumali'a ilivu la opoleli u'osasi'a uasi.”

1 Timoti 3:7

Xe aloxo 'o. Itema so saxila'u ne anu itema so ualasou laixe noxi'a tamitema noale no anu pita kalumo. Xo loxo mi se'i no anu xoluxoluxu so tamitema isu'anu anaxa'aou la anu u'amo no anu uoi noxou Uluaou ane.

2 Kolini 5:18

Ioxe, mimi mukalusi ne molu noxou Mosingesi. Xo tei texolu tekalipala ia noxou Kalaisiti la musolixu tu'umaxu anene ka mupitanenge noxou. La vote'i so kalipala ukalu mo tamitema ipita noxou ne, anu mupilixinu noxixe so taxaxaisou.

Lomu 1:17

Xo no anu vaikala laixesi Mosinge upela'ingexu vote'i so anu umoxo'inge lexe nenge tamale­malenga. Vote'i ne so talopala mo ta'italonengesi. Anu ane, vote'i anenesi. Xo no anu vaikalaou Mosinge uvikala lexe, “Loxo tamitema ipilixine'i mo ilopala no anu vaikalaou, la Mosinge umo­xo'a lexe ixoxolu tamalemalenga avile.”

Ta'aposeli 24:15

Eni lopala noxilo iou vilesisi noxi'a tamitema ano'o, lexe ili'i la ane'i ane misoisoli la imaulila, tamitema tamalemalenga xe tamitema tamasua kalumo.

Ta'aposeli 22:12

La no tuala Tamasikusi ne itema vile a muxoxolu, ualasou lexe Ananaiasi. Anu itema ne mumama'u noxou Mosinge mo oponu mututulu lexe umilunu lavuloto noxou. Taiuta no tuala ne ilavusou itaxanu itema ne.

Ta'aposeli 10:33

Laso maixene epalusi'a se'i milai mi'avaline. La laixe so nene'e noxilo xo vaimomo 'o nenge tapita no iou Mosinge mo nexi talalaxi so talomusou vaikala mukalusi ane Tatananenge mupalusine so nalo­sixe.”

Ta'aposeli 10:6

Anu Pita ne a uxoxolu no tani noxou tauxuou Saimoni e itema so u'oxonu mimi no anu laleti. Tasou a utulu no luaki pa'umolu.”

Ta'aposeli 6:3

Laso tavivixe, ta'oxonu aloxo 'o. Ngingi menge ngailoune'i tamulu 7 no taingengi 'o. Ngai­loune'i ane'i ane ilixo noxi'a lamanasi mo ane'i ane Ulenu Laixe upamuxane'i mo lavulavui'a. Ukalu laso nenge tapilixine'i no anu xaixai ano'o.

Tioni 17:20

Ia eni alinga so si'a ane'i ano'osi uasi. Xo ane'i 'o loxo ilai ia'aloxo la leviani ilomuxu vaikalai'a mo ilopalaleli. Laso linga noxilo 'o, anu so si'a tamitema anene kalumo.

Tioni 17:8

Xo vaikala mukalusi e ne'italonu noxilo la a e'italonu noxi'a mukalu 'oe. La ane'i mi'osa so mino'usi mo milavu manina lexe eni melo a noxinesi. Xe milopala lexe nini mene nepalusilo ene'e 'o.

Tioni 13:20

Eni avikalangengi manina e maninasi, loxo apalusou ena'ei so u'oxonu xaixai noxilo xe itema vile u'osa so u'unanu, la anu a u'unaleli ne. Xe loxo itema ena'ei u'unaleli la anu a u'unanu anu ane mupalusilo ene'e 'o.”

Tioni 6:68

Ia Saimoni Pita muli­vuxu lexe, “Tatananexi, xo axone la talai noxou ena'eio? Vaikala so mauli kaluxu uasi a uxolu noxine 'osi.

Tioni 6:63

Mauli anu tava'u noxou Ulenu Mosingesi, xavi uxolu no anu vasime'a tamitema so ixalisou mauli uasisi. Vaikala e elemolu noxinge 'o ne anu vote'i so Ulenu uxolu noxinge mo anu vote'i so ngamaulisi.

Tioni 5:24

A avikalangengi manina e maninasi. Loxo itema ulomuxu vaikalaxeli mo ulopala noxou anu ane mupalusilo ene'e 'o la uxalisou mauli kaluxu uasi. Xe no anu voxo so tilovo olele la vaikala so mamulo usu'asou uasisi xo anu muvula mula no anu xoluxolu so soli mo a mu'unalai no anu mauli mukalu.

Luku 23:50

Ioxe, vile noxi'a tatiatila noxi'a Taiuta ualasou lexe Iosepu. Anu itema laixe mo ilixo noxou mulapusi.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Maki 8:38

Xo tamitema no voxo ano'o milailai vitanisi va'axu noxou Mosinge mo opone'i utulu no anu sususi. Laso maixene ane'i tavu'alo imaila so imulileli mo ane'i ixiunu tuma­li'aou vaikalaxeli. I'oxo axone ia ili'i la Itema ane molu noxou Mosinge une'e no anu iaxu Momu mo oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.”

Maki 6:20

xo Eloti mumama'u noxou Tioni. Mumama'u xo mulavu lexe anu itema ulapu mo ilixo noxou malemalenga no iou Mosinge. Laso anu mu'utululunu Tioni so umasua uasi. Xe loxo mulomusou vototovo noxou Tioni la anu mu'avutinoxu oponu mo tanulili. Ia anu mu'osa so ulomu­sousi.

Matiu 1:19

La itema e so mulue Iosepu ne mulavu lexe ane opone laso muxavutala lexe ilou itaula'i uasi. Ia anu ilixo noxou ulapu mo umasaxau so ulosie maila uasi. Laso anu mu'oxo lexe ulemolu mi ne noxi'a tamitema latala uasi, upilixine se'isisi.

Matiu 2:12

Milosou mukalu xe ili'i loxo miai la Mosinge mupela'a no anu ai saxi lexe ane'i ilivu ilai noxou Elotila uasi. Laso ane'i mipolo no vote'i vile so ilivu no tualasi'a.

Luku 9:26

Ane'i tamitema mose'i imaila so imulileli mo ane'i ixiunu tumali'aou vaikalaxeli. I'oxo axone ia ili'i la Itema ane molu noxou Mosinge la une'e no anu iaxu Mosinge. La oli'a ta'angelo talaixe ane. Une'e axone laso ane'i ane mixiunu tumali'a noxou vaimomo 'o, la anu ukoline'i mo uxiunu tumalou noxi'a ane.

Ta'aposeli 10:21

Xe Pita mulu'e noxi'a, la muvikala lexe, “Eni ane ngaka­mulileli a. Ngene'e so ma'ia?”

Ta'aposeli 10:30

Ioxe, Koniliasi muvikalanu aloxo 'o, “Voxo tami'a mulai mukalu la mi vile muxali noxilo aloxo 'o. Eni exolu no tasilo no aso iou tatalu no olo'olovoxo la evikala noxou Mosinge. Sila alaxu vilesisi eni emaisou itema vile mutulu no ieli. Mimiou ne muvalu keasi.

Mupala'a 14:10

Anu loxo iie no anu uaini iou vilemo. Anene, la'ia noxou Mosinge. Loxo iie no anu la'ia noxou Mosinge axone la u'oki e u'okisi. Xo ixolu no iou Sipisipi Ilie oli'a ta'angelo talaixe so navu ilou lavo'o axexaxu uto'ito'isi'a.