Ta'aposeli 10:2 - Ata New Testament

² Anu Koniliasi oli'a laili noxou ne milavusou milomuxu Mosinge vaikalaou mo mimama'u noxou. Ane'i milavusou isu'uline'i ane'i ane la'ilali o mimi uasi. Mo ane'i utotomu mivikala noxou Mosinge.

Ta'aposeli 10:2 Referans Kwoze

Ta'aposeli 10:4

La Koniliasi mumatakisou la iou ne so umexusi la mukolinu lexe, “Tatila, ma'ia ne?” La angelo muvikalanu Koni­liasi aloxo 'o, “Mosinge mulomu­sou vaikalameni e nelemolu noxou mo mumaisou su'uli ane ne'oxonu noxi'a tamitema ta'oloxola. Anu mulavusou mi anene mo anu tanuxene.

Ta'aposeli 10:22

La ane'i mivikalanu lexe, “A Koniliasi e tatila noxi'a ta'ami 100 mupalusixe tene'e 'o. Anu ilixo noxou laixe mo umama'u noxou Mosinge. Ane'i Taiuta mukalusi itaxanu mo ivikala lexe anu itema laixe. Anu mupalusixe tene'e xo angelo laixe vile muvikalanu lexe u'avaline nalai no tasou so ulomusou vaikalameni.”

Ta'aposeli 13:16

Ioxe, Polu mutulu la mutolosou avolu so lexe uvikala. La anu muvikala aloxo 'o, “Ngingi Ta'isi­laeli xe ngingi se'io, ngingi ane ngamama'u noxou Mosinge, ngalo­mu laixe.

Ta'aposeli 10:35

Anu u'apixa'a se'i uasi. Xo noxi'a tamitema so tuala iouiou ne anu u'osasi'a ane'i ta'ei imama'u noxou mo i'oxonu ilixo ane u'isalili no anu masaxa noxou.

Ta'aposeli 10:7

Angelo muvi­kalanu mukalu xe mulai, la Koniliasi mu'avali'a tavoiou tamei xe ami vile. Anu ami ne utotomu usu'ulinu no anu xaixai noxou mo anu kalumo mumama'u noxou Mosinge.

Ta'aposeli 8:2

Sitiveni musoli xe tamitema se'i ane mimama'u noxou Mosinge la mi'asixu. Mi'asixu mo tane'ixu misevile.

Mupala'a 15:4

Tatananexi, nini ninisisi nelapusi. Laso vote'i so tamitema ixililiieni uasi. Ane'i mukalusi imama'u noxine mo ivikalasou ualasine laixe. Mo tamitema so tuatuala mukalusi ine'e no laxuneni so i'itineni xo mimi ane ne'oxonu malemalengasi a mupala'a.”

Ta'aposeli 18:8

Ioxe, mune'e la itema e musa­xila'u tasou lavuloto ne, ualasou lexe Kilisipusi oli'a ta'olu milopala noxou Tatananenge. Xe ane'i Takolini tapiena ane milomulo­musou votovoto noxou Polu la ane'i kalumo milopala. Milopala laso mi'oxonu ilixo so kelele noxi'a.

Ta'aposeli 13:26

La Polu muvikalala lexe, “Tavivilo, ngingi laili noxou Apala'amu xe ngingi tamitema so noale'ale ane ngamama'u noxou Mosinge, ngalomu. Vaikala so pamauli ano'o muxali noxinge nenge'a.

Luku 2:25

La no voxo anene itema vile a muxolu ne Ielusalemo ne, ualasou lexe Simioni. Anu xoluxolu noxou mulapusi mo oponu mututuluou masaxa noxou Mosingesi. Anu muxoxomaiou itema Mosinge musosovosou so uaisou tane'i Ta'isilaeli. La no voxo ne Ulenu Laixe a mupamuxanu Simioni ne.

Tiemisi 1:5

Ia loxo vile no taingengi usoti no anu lavulavu mu'asi'asi la ulingau noxou Mosinge. Xe loxo ulingau la anu ulosou ane, xo Mosinge u'osa so u'alaunasi'a tamitema mukalusi mo oponu tu'umaxuou linga noxi'a uasi.

1 Tesalonaika 5:17

Mo opongengi utulu so ngavi­kala noxou Mosinge utotomu.

Kolosi 4:2

Xe nga'italongengi avile no anu vote'i so ngavivikala noxou Mosinge. Mo loxo ngaxolu ngavikala noxou la xavutalamengi lamanasi xe opongengi u'osasi.

Ta'aposeli 22:12

La no tuala Tamasikusi ne itema vile a muxoxolu, ualasou lexe Ananaiasi. Anu itema ne mumama'u noxou Mosinge mo oponu mututulu lexe umilunu lavuloto noxou. Taiuta no tuala ne ilavusou itaxanu itema ne.

Ta'aposeli 13:50

Ia Taiuta se'i mi'avutinoxu opone'i tasema Taiuta tatiatila ane opone'i mututulu no anu ili'ilixo so lavuloto noxou Mosinge. Xe mi'avutinoxu tatiatila no tuala ne kalumo. Mi'avutinoxu opone'i tami­tema axone laso ane'i misoko'u so ivikalasi'a Polu ilou Vanavasi masua. Mivikalasi'a masua xo xe mukalu la mikusai'a no xale lia noxi'a ne.

Ta'aposeli 10:31

Mutulu no ieli la muvikala lexe, 'Koniliasio, Mosinge mulomusou vaikalameni nelemolu noxou mo anu mulavu no anu mimi ane nepilipilixinu noxi'a ta'oloxola.

Ta'aposeli 9:36

Ioxe, no tuala vile ne Iopa la sema vile ualasie lexe Tavita a mixoxolu. Io no anu vaikala Kiliki la ilemolu ualasi lexe Tokasi. No anu xoluxolu noxie ane milavusou i'oxonu ilixo laixe so isu'uline'i tamitema ane la'ilalixa'a ilou mimii'a uasi.

Ta'aposeli 9:31

Laso no voxo anene la tatemanu pitapita no xale lia ne Iutea xe ne Xalili xe ne Samalia mixolu se'isisi, itavulenu tu'umaxu vile uasi. Ane'i mixali pakia'a mo Ulenu Laixe mu'oxonu opone'i mu'osa. Mo tamitema tapiena mi'una noxi'a la oli'a mixolu so Tatananenge molu mu'uli laxune'i.

Ta'aposeli 9:11

La Tatananenge muvikala lexe, “Nalutu mo nalai no vote'i e ilemolu lexe Lapusi. Nalai naka­mulinu tani noxou Iutasi mo natali'isouxu itema vile so tuala Tasusi. Itema ne ualasou lexe Sauli. Anu a uxoxolu oponu utatama noxilo.

Luku 18:1

Ioxe mune'e la Iesua mu'oxonu latilovo so upela'a lexe anu laixe so ivikala noxou Mosinge utotomu, itotosa no anu uasi.

Ta'aposeli 2:5

Ioxe, no voxo anene la Taiuta tose'i so tuatuala nopaxapaxa mine'e mo a ixolu ne Ielusalemo. Ane'i tamitema so i'itinu Mosinge ualasou mo imulimulinu lavuloto ane mulosi'a Taiuta tatei.

Ta'aposeli 11:14

La angelo muvikalanu lexe eni alanu votovoto se'i mo no anu votovoto anenesi la anu oli'a taminuminu ixalisou pamauli.

Matiu 25:17

La anu axone kalumo noxou anu ane muno'u 2,000 kina xo muxalisou 2,000 no latanula.