Ta'aposeli 10:15 - Ata New Testament

¹⁵ Ia alaxu tameisou la anu xolinu muvikalala aloxo 'o, “Mi anene Mosinge muxalixu lexe malemalenga la mamu so nalemolu lexe nuni'u.”

Ta'aposeli 10:15 Referans Kwoze

1 Kolini 10:25

Ioxe, loxo misoposi ma'ia isalimunu no maketi la nalotonu ka na'ousi. Natilitali'i uasi, mo so axone la taneni uauavuti uasi.

Matiu 15:11

Loxo itema u'ou mi vile so u'una no vasimolu la umomomo so u'oxonu masua no iou Mosinge uasi. Ia mi ane a uxoxolu nonano xe ula no anaxu, la anenesi u'oxonu masua no iou Mosinge.”

Taitusi 1:15

Xo aloxo 'o. Noxi'a tamitema ane tamalemalenga no iou Mosinge la ani'ani mukalusi malemalengasi. Ia noxi'a ane'i ane ilopala uasi la ane'i nuni'a no iou Mosinge. Laso maixene mi vile malemalenga noxi'a uasi xo xavutalai'a mo tane'i nuni'u avile.

Maki 7:19

La'ilali ne umomomo so uxalixu xavutala o ilixo masua no anu itema oponu uasi, anu u'unalai no vasimolu ka usua no ilusi.” Iesua muvikala axone la mumaxa'u lexe la'ilali mukalusi ne laixe no iou Mosinge.

Lomu 14:14

Xo Tatananenge Iesua mulamananixu xavutalaxeli lexe ani'ani vile nuni'u no iou Mosinge uasi. Ia loxo tamitema se'i opone'i lexe ani'ani vile nuni'u la ane'i isusu loxo i'ou ane.

Ta'aposeli 10:28

La anu muvikalane'i aloxo 'o, “Ngingi menge ngelavu lexe lavuloto vile noxixe nexi Taiuta lexe mamu so tapita noxi'a tami­tema noale'ale. Mo mamu so ta'una no tasi'a. Ia Mosinge molu mumaxa'u noxilo lexe alemolu itema vile nuni'u no iou Mosinge uasi.

Ta'aposeli 11:9

Ia xoli mulu'e no loxotolo alaxu tameisou lexe, 'Mi ane Mosinge muxalixu malemalenga, la nini namoxo'u lexe anu nuni'u mamu.'

Lomu 14:20

Opo­ngengi ututuluou la'ilali uasi xo masi ngamamulonu xaixai noxou Mosinge. Manina, la'ilali mukalusi ne laixe so ta'ousi. Ia loxo nga'ou la'ilali no ie'i tavivinge ane opone'i uxililiou, la anu masua ane. Anu masua xo opongengi vilesisi so xaixai noxou Mosinge uasi.

Ta'aposeli 15:20

Masi nenge takau­kavunu lapasi ulai noxi'a mo tavikalane'i so mimi aloxo 'o. Vile lexe anu laixe so i'ou la'ilali ane tamitema milaixu no anu momosi'a kalavoi uasi. Xe vile lexe ilailai noxi'a tasema vitanisi uasi. Xe vile lexe i'ou misoposi ane tamitema ikapilaxa'a uasi. Xe kaluxusou lexe i'ou tamisoposi sialuxa'a uasi.

Ta'aposeli 15:9

Mo axone la anu mulosoiengi lexe anu ukalitotonenge noxi'a uasi. Ane'i milopala noxousi laso anu molu mu'uine'i so mixali tamalemalenga no iou. Mu'oxonu noxi'a ne iou vilesisi aloxo nenge 'osi.

Ta'aposeli 15:29

Vile lexe laixe so nga'ou misoposi ane tamitema milaixu no anu mosi'a kalavoi uasi. Xe vile lexe nga'ou sialuxa'a tamisoposi uasi. Xe vile lexe nga'ou misoposi ane mikapilaxa'a uasi. Xe ngalailai noxi'a tasema vitanisi uasi. Aso noxinge. Vaikala noxixe se anesi mo mukalu.”

Mupala'a 14:20

La mimalo­maloxo'u no anu tanixu toxoxu noale no anu taoni. Mimaloxo'u mukalu la lexaxu musiali mula sila sialusi. La sialu mutapo mutelo mumomomo no anu aini isakinu no anaxa'a ta'osi mo musu'asou xale lia mumomomo no anu 300 kilomita.

Ta'aposeli 10:16

Mi ne muxali alaxu tatalu. Muxalisou alaxu tatalusou sila lavalava ne mulivu teitexi no loxotolo.