Ta'aposeli 10:11 - Ata New Testament

¹¹ Mumalei aloxo 'o. Loxotolo mukisi la mi vile mulu'e loxo lavalava toxoxu. Lavalava ne mi vile mutetelisou no anu susunu tami'a so mulilixu mulu'e.

Ta'aposeli 10:11 Referans Kwoze

Epesusi 3:6

Mi e mutalume tatei ne aloxo 'o. Ngingi tamitema noale'ale ne, ngelomusou vaikala laixe so Kalaisiti Iesua laso ngingi kalumo ngexalisou nene'axu vavalimasou. Mo axone la ngingi kalumo ngexali loxo pa'usou vasimolu. Mo ili'i la ngingi kalumo ngaxalisou mimi lailaixe e muvavalimasou lexe noxinge ta'olu.

Tioni 1:51

Mo musolonu aloxo 'ola, “Avikala­ngengi manina e maninasi, ili'i la ngamaisou tualasou Mosinge ukisi mo ta'angelou Mosinge ilulu'e itetelo noxou Itema ane molu noxou Mosinge.”

Mupala'a 19:11

Ioxe, mukalu la emaisou loxo­tolo mukisi sila osi kea vile. La anu ane mutalupexa no anu osi la ilemolu ualasou vile lexe Vaika­laou Uxalixu Nene'axu, xe no anu vile lexe Vaikalaou Maninasi. Mo loxo anu utilovosou ili'ilixo so ukolinu xe loxo ulai no anu oto la mi ma'ia u'oxonu ne ulapusi.

Mupala'a 11:19

Ioxe, tatiatila mivikala axone mukalu laso aitengaxu tasou Mosinge no tualasou mukisi. Mukisi laso emaisou kesi so konitalaki muai ne. Emaisou la lele'e mulamilami mo mupaupau. Xe uni'uni mukunikuni mo uali loxo aisi mululu'e.

Mupala'a 4:1

Ioxe, mune'e xe esaxila, sila emaisou aitenga mukisi no loxo­tolo. La xoli utama loxo piuka e elomusou tei muvikalaleli mulu'e aloxo 'o. “Nini natelo 'o mo so apela'inexu mimi so uxali ili'i.”

Kolosi 3:11

Nenge mukalusi texali ta'ala­vua laso mi vile so ukali­palanengela uasi. Nenge taxavutalanenge lexe nenge se'i Takiliki xe Taiuta o ane'i so sosovo xe ane'i so sosovo uasi xe tokipelesi iouiou xe ane'i no anu lailaili o tasilevi xe ane'i ane ixolu lalavulusimo uasi. Mimi so ukalipalanenge axone la uasi xo nenge mukalusi taxolu noxou Kalaisiti mo anu a uxolu nonano noxinge mukalusi.

Epesusi 1:10

Ia nene'axu mi ne uxali loloni uao. Xo anu umasaxau lexe voxosou u'isalili uxalii, laso mimi mukalusi upita la kisou vilesisi noxou Kalaisiti. Anu molu u'uli laxunu mimi ane uxolu teitexi xe no lialia mukalusi.

Xalesia 3:28

Ngexolu noxou axone laso no iou Mosinge la ngingi loxo Taiuta xe Takiliki o tasilevi xe tamitema ixolu lalavulusi o tamulu xe tasemamo uasi. Mi vile ukalipalangengi axone la uasi, xo ngingi ngaxolu vilesisi noxou Kalaisiti Iesua.

Xalesia 2:15

Ioxe, nexi ta'ei Taiuta 'o, texali no anu laili Iuta mu'isalili. Xo no anu laili noale'ale e ilemolu lexe laili so susu, nexi taxali no anu uasi.

Lomu 9:4

Tavivilo ne, ane'i Ta'isilaeli ane. Ane'i ane Mosinge mumoxo'a lexe ane'i ta'olu mo mumaxa'u iaxu noxi'a. Xe kalumo mu'oxonu konitalaki noxi'a mo mulosi'a lo mo mulosi'a vote'i so i'itinu ualasou mo muvavalima noxi'a.

Lomu 1:16

Eni amama'u so alanu vaikala laixe ne uasi. Xo anene vote'i so xavi noxou Mosinge so upamau­line'i tamitema ane'i ane ilopalanu. Anene vote'i so Taiuta xe tamitema noale'ale kalumo ixalisou pamau­lisi.

Ta'aposeli 7:56

La Sitiveni muvikala aloxo 'o, “Ai, ngamalei. Eni amaisou loxotolo mukisi. Mo Itema ane molu noxou Mosinge a ututulu no anu Mosinge avolu tema.”

Tioni 12:32

Xe eni 'o, loxo i'itileli kaio axolu teitexi no lialia latanu, la anu so alapune'i tamitema mukalusi ine'ene'e noxilo.”

Tioni 11:52

La usolisi'a laili Taiutasi uasi, musoli kalumo so upitane'i Mosinge ta'olu ane ixolu ipaxepa­xele nopaxapaxa ixali laili vilesisi.

Luku 3:21

La no voxo loxo tamitema latala a mi'oxonu ilixo so kelele la Iesua mune'e so Tioni u'oxonu noxou kalumo. Tioni mukelenixu mukalu xe Iesua muxolu muvikala noxou Mosingesio sila loxotolo mua'a.

Matiu 8:11

La avikalangengi lexe ili'i tamitema tavu'alo me'a loxo no aso uxali xe loxo no aso ulu'elai. Ane'i ine'e so oli'a Apala'amu xe Aisaki xe Iakovo italupexa so i'ani no latevolo nonano no voxo so Mosinge molu u'uli laxune'i tamitemaou no tualasou.

Ta'aposeli 10:12

Mo no lavalava ne tamisoposi iouiou loxo imuamua'i a nonano. Xe tasineke oli'a tangiala iouiou a mixolu kalumo.

Ta'aposeli 11:5

Mua'aloi'a aloxo 'o. “Eni exolu ne Iopa xe voxo vile la exolu evivikala noxou Mosinge. Evivikala sila emaisou mi vile loxo eai esaxi. La emaisou mi vile loxo lavalava toxoxu mulu'e no loxotolo. Lavalava ne mi vile mutetelisou no anu susunu tami'a, mo mulili mulu'e noxilo.