Ta'aposeli 10:1 - Ata New Testament

¹ Ioxe, no tuala ne Sisalia itema vile ualasou lexe Koniliasi a muxoxolu. Anu tatila noxi'a ta'ami 100 noxi'a Talomu. Ta'ami laili anene ileme'a lexe ta'ami so Itali.

Ta'aposeli 10:1 Referans Kwoze

Ta'aposeli 27:1

Ioxe, ane'i tatiatila noxi'a Talomu milalaxinu xavutalai'a lexe Poluena itelo no lasipi so ilai ne Itali. La nexi noxi'a. La mipitanu Polu noxi'a takalavusu se'i ka mipi­lixine'i no avolu tatila noxi'a ta'ami 100. Tatila ne ualasou lexe Tiuliusi. Anu vile noxi'a ta'ami noxou Sisa u'isalili.

Matiu 27:27

Ioxe, mukalu la ta'amiou tila no anu xamani mi'unalaixu Iesua no tasou xamani ka ane'i laili mukalusi noxi'a mipita mixalilixu.

Ta'aposeli 8:40

Xe loxo Pilipi, la anu mumalei lexe anu muxolu no tuala Asitoti. La anu mulalai no tuatuala mo muvotovotosou vaikala laixe noxou Mosinge. Mulalai xo la muxali no tuala ne Sisalia.

Ta'aposeli 27:43

Ia tatila noxi'a ta'ami umasaxa lexe Polu usoli uasi laso anu mu'apixa'a ta'ami lexe ive'ave'a takalavusu uasi. Anu muvikala lexe ane'i ta'ei ilavusou inou la i'uli iili'e inou so ixali noale.

Ta'aposeli 25:1

Ioxe, Talomu mitulusou Vesitusi so anu tila no anu xamani so Iutea polovinisi. Mitulusou xe mune'e muxali ne Sisalia la muxolu ne voxo tatalu xe mukalu la mutelai ne Ielusalemo.

Matiu 27:54

Ioxe, tilasi'a ta'ami oli'a ta'ami ane mixolu milosou Iesua ne mimalei lexe uni'uni toxoxu xe mimi e muxali ne la ume mukasi'a. La mivikala lexe, “Ai manina misevile, itema ano'o Mosinge Olu ane!”

Ta'aposeli 27:31

Ia Polu muvikalanu tatila noxi'a ta'ami oli'a ta'amiou lexe, “Loxo tamitema olele ixolu no lasipi 'osi uasi, la ngingi mukalusi ngamasua.”

Ta'aposeli 25:13

Ioxe, voxo se'i mulai mukalu la Kingi Axilipa olie vimou Venaisi mine'e ne Sisalia so ivikala laixe noxou Vesitusi ne.

Ta'aposeli 23:33

Oli'a milai xo xe mixali ne Sisalia la ta'ami milosou tila so xamani lapasi mo mipilixinu Polu no avolu.

Ta'aposeli 23:23

Ioxe, mukalu laso tatila noxi'a ta'ami mu'avali'a tamitemaou tamei. Ane'i tatamei ne mi'uli laxune'i ta'ami tapiena. Mu'avali'a la muvikalane'i lexe, “Ngolou ngapitane'i ta'ami ane imuamua'isi so ixali loxo 200 mo ta'ami 70 ane iiave noxi'a ta'osi mo ta'ami 200 ane itavulenu lalumiso. Ngapitane'i xo masi no olovoxo no anu 9 kiloko la ngalai ne Sisalia.

Ta'aposeli 22:25

Laso ane'i ta'ami misakinu tava'u ilou avolu mo milalaxi so ipuapuasou. Milalaxi axone ia Polu iou mukaou tila vile noxi'a ta'ami a mututulu la mutali'isou lexe, “Loxova? Loxo tiasi utongonu itema vile Lomu no anu lakoti uao, la anu laixe so ngapuasou vitanisi. Anu lo uvikala axone, ne?”

Ta'aposeli 21:8

Texolu xe no kakaula la nexi telutu teiave no lasipila. Telutu teiave xo la texali avile tesua no tuala ne Sisalia. Telu'e la telai no tani noxou Pilipi e itema so votovoto. Pilipi e anu vile noxi'a tamitema 7 so su'uli e misosovosi'a mala'o. Telai no tasou so noxi'a texolu.

Tioni 18:12

Mukalu la laili ami oli'a tilasi'a xe tamitema so latolo noxi'a Taiuta mitetelisou Iesua kaio misaki­sakinu no lamota.

Tioni 18:3

Laso Iutasi mune'ene'i laili ami vile xe tamitema so latolo se'i ane tatiatilasi'a tapilisiti oli'a Tapalisi mipalusi'a ne. Ane'i a mitatavulenu lalamo xe telutelu xe mimi so oto. Mune'ene'i xo la muxalixi'a no anu apu e Iesua muxolu no anu.

Luku 7:2

La tila vile no anu ami e u'uli laxune'i ta'ami 100 a muxolu ne. Anu voiou vile e mu'osasou misevile musiki tatila mo anu a so usoli.

Maki 15:16

La ane'i ta'ami milaixu Iesua nonano no tasou xamani. Mukalu laso mi'avali'a ta'ami so xale lia ne mine'ene'e mukalusi.

Ta'aposeli 10:24

Oli'a Pita milai xo la miai no vote'i. Miai xe no voxo loxo ne'iela la milutu mixali no tuala ne Sisalia. Mixali la Koniliasi a uxomaie'i. Ia tei la anu mu'avali'a taminuminu oli'a tamenexu la oli'a mipita miloxu Pita.

Ta'aposeli 21:31

Milapulapunu muuatu la ane'i a i'otu'otunu Polu so lexe ivau usoli. Ia tatila so ta'ami noxi'a Talomu mulomu lexe tu'umaxu vile mu'avutinoxu opone'i Taielusalemo mo miiaukakasi.