Ta'aposeli 1:9 - Ata New Testament

⁹ Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Ta'aposeli 1:9 Referans Kwoze

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Ta'aposeli 1:2

Mo mune'e muxali no voxo ane Mosinge muno'u muli­vunoxu no tualasou. Mulivunoxu, ia tei la Iesua mupelototosi'a ta'apo­seli ane muiloune'i tatei. Mupelototosi'a la no anu xavi noxou Ulenu Laixe.

Mupala'a 11:12

Ilou imauli, laso ilomusou xoli tatila molu no tualasou Mosinge aloxo 'o, “Ngilou ngatelo 'o.” Laso tauluai'a a isaxisi'a itelai i'una no sauma so ilai no tualasou Mosinge.

Tioni 6:62

Xe loxo ngamaisou Itema ane molu noxou Mosinge ulivu utelai no tanixu e muxolu no anu tei laso axovae?

Luku 21:27

Sila no voxo anene tamitema imaisou Itema ane molu noxou Mosinge upolo no anu sauma une'e, la no anu xavinu mo iaxusi.

Mupala'a 14:4

Ane'i ne ilai noxi'a tasema so i'oxonu ilixo nuni'u uasi, mi'apixa'a laixe no anu. Xe loxo Sipisipi Ilie ulai ne'ei la ane'i imulinusi. Ane'i laili tei ane Mosinge ilou Sipisipi Ilie milo­tone'i milivu noxi'a.

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

Ta'aposeli 1:11

“Ai, tamitema so Xalilio, loxova so ngatulu ngasaxi utelo vitanisi aloxone? Mosinge muno'u Iesua no taingengi alala'e 'o so ulaixu teitexi no tualasou. Ia ili'i la anu ulivu une'e no anu vote'i ane loxo ngemai­sou mutelai no anu 'o.”

1 Tesalonaika 4:17

Ukalu laso ta'ei noxinge ane tamamaulisio la nenge'a takei tatelai so ta'alaxu no loxotolo. Laso ane, nenge nenge'a taxolu noxou Tatananenge kaluxusou uasi.

1 Timoti 3:16

Mo nenge mukalusi talavu lexe vaikala manina noxou ne anu mi mutiatila. Vaikala ne aloxo 'o. Kalaisiti mupala'a no anu vasimolu loxo itema no ie'i latala. Ulenu Laixe mupala'anixu ilixo noxou lexe malemalengasi. Ta'angelo misaxisou xoluxolu noxou. Tami­temaou mia'aloxu no xale tuatuala. Tatemanu lialia mose'i milopala noxou. Mosinge muno'u mutelaixu no tualasou iaxu.