Ta'aposeli 1:8 - Ata New Testament

⁸ Ia ili'i no voxo Ulenu Laixe uxali noxinge la ngingi ngano'u xavi so ngaa'a­loxo noxi'a tamitema. Ngaa'aloxo ne Ielusalemo mo no xale lia ne Iutea mo ne Samalia mo ulai avile no xale tuatuala ukalusi.”

Ta'aposeli 1:8 Referans Kwoze

Matiu 28:19

Laso ngingi ngalai no xale tuatuala mukalusi mo ngalapune'i tamitema mukalusi so ixali tatisaipelixeli. Mo nga'oxonu ilixo so kelele noxi'a no anu ualasou Maminge xe Olu xe Ulenu Laixe.

Maki 16:15

La muvika­lane'i lexe, “Ngingi ngalailai no xale tuatuala mukalusi mo ngavotone'i tamitema no anu vaikala laixe noxou Mosinge.

Lomu 15:19

Xe e'oxonu sosovo so xavi iou iou so uvalaxu vaikala ne ia eni uasi. Ulenu molu mulosilo xavi so a'oxonu. Mi ne musoko'u ne Ielusalemo so elanu vaikala laixe so Kalaisiti. Elanu elanu la exixao nopaxapaxa mo exali avile ne Ililikumi polovinisi.

Ta'aposeli 5:32

Ia nexi 'o, nexi tamitemaou so tapala'anixu xaixai noxou. Xo temaisou, laso maixene nexi taa'aloxu 'o. Mo Ulenu Laixe kalumo a uxoxolu so upala'anixu xaixai noxou Iesua. Uxoxolu noxi'a tamitema ane'i ane ilomuxu vaikalaou, xo Mosinge molu upilixinu noxi'a.”

Ta'aposeli 4:33

La ane'i ta'aposeli utotomu mia'aloxu Tatananenge Iesua lexe Mosinge mutulusou mu'umenu no anu soli. Mo vaikalai'a mulapau noxi'a tamitema la mutu'umaxu misevile. Laso iaiama noxou Mosinge musu'asou xoluxolu noxi'a talopala mukalusi.

Ta'aposeli 6:8

Ioxe, Mosinge mu'oxonu iaiama noxou Sitiveni mo mulosou xavi so u'oxonu sosovo so xavi tiatila iouiou no taine'i tamitema.

Lomu 10:18

Mo nenge talavu lexe Ta'isilaeli milomusou Vaikala ne mukalu, utalume noxi'a uasi. Xo loxo Mosinge mulemolu no vaikalaou, “Xoline'i tamitemaxeli mulailai no xale tuatuala mukalusi. Mo vaikalai'a muxali no anu teletelexu muka­lu.”

Tioni 15:27

Xe ngingi la ngalanu vaikala so ngavalavalaxo kalumo xo ngingi ngexoxolu noxilo no anu soko'u xaixai noxilo mune'e avile 'o.

Luku 10:19

Ngalomu, eni epilixinu xavi noxinge mukalu. Laso ngingi ngamomomo so ngataxapalisi'a tasineke tamasua xe tatanga la ivila'isinge uasi. Mo elosinge xavi so ngaua'ulixu xavi noxou Ulua­mengi la mi vile u'oxongengi masua uasi.

Ta'aposeli 1:5

Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

Matiu 24:14

Xe vaikala laixe so voxo ane Mosinge u'uli'uli avile ne ula no lialia loloni mo so tatemanu xale tuatuala mukalusi ilomusou. Laso ane, kaluxusou voxovoxo ne uxali.

Ta'aposeli 2:32

Ioxe, anu itema e Iesua, Mosinge mutulusou mu'u­menu no anu soli. Mo nexi latala temaisou lexe mumaulila laso nexi taa'aloxu.

Ta'aposeli 22:15

Mo nini so naa'aloxu noxi'a tamitema latala. Naa'aloxu mi ma'ia nini mene nemaisou mo nelomusou.

Ta'aposeli 13:31

Mo ili'i no anu soli noxou voxo tapiena ane'i tamitema se'i mimaisou. Tamitema ne ane'i tamenexu e oli'a milutu ne Xalili milai ne Ielusa­lemo tatei. Vaimomo 'o nexi noxi'a tamitema ne taa'aloxu noxi'a laili noxixe Ta'isilaeli xo nexi mexe temaisou no iexisi.

Luku 1:35

La angelo mukoline lexe, “Mosinge Anu Ulenu Laixe une'e noxine mo xavinu Anusisi U'uli'uli usu'asine. Laso ili'i nini navo'onu iline vile ilixo noxou malema­lengasi mo ane'i ilemolu lexe Mosinge Olu.

Ta'aposeli 3:15

Ngingi ngevau Mosou Mauli musoli, ia Mosinge mutulusou mu'umenu no anu soli. Nexi taa'alomengi xo nexi mexe temaisou mi ne.

Kolosi 1:23

Laso ngingi la ngatulu pumungenge no anu lopala so ngasasalo uasi. Xo ngelomusou vaikala laixe mo mupela'ingexu mi e so ngalopalanu ngaxomaiou, laso ngaxexesou mamu. No anu vaikala laixe nesi eni Polu 'o exali amitema so axaixaisou. Mo votovotosou a mulala muxali no anu xale tuautala mukalusi.

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.

Ta'aposeli 8:1

La Sauli mumaisi'a mivau Sitiveni axone la anu mu'osa xo oponu vilesisi axone. Ioxe, no anu voxo anene la tamitema misoko'u so itovonu so imamulonu pita ne Ielusalemo. Laso ane'i tatemanu pita ne mipaxelele mo milailai no xale lia ne Iutea xe ne Samalia. Ane'i ta'aposelisi mixolu ne Ielusalemo.

Luku 24:29

Ia ane'i ilou mitanuxu lexe, “Uasi, nenge'a taxolu 'o xo aso a ulu'elai, mo anu so olovoxo 'oe.” Laso anu mu'unalai so oli'a ixolu.