Ta'aposeli 1:5 - Ata New Testament

⁵ Xo tei, la Tioni mukelenixa'a tamitema no lexa, ia voxo tavu'alo uasi la Mosinge molu ukeleningenge noxou Ulenu Laixe so anu uxolu noxinge.

Ta'aposeli 1:5 Referans Kwoze

Matiu 3:11

Eni alavusou a'oxonu ilixo so akelenixa'a tamitema no anu lexa so sosovo lexe ilamana no anu susu noxi'a. Ia itema ane une'e ili'i noxilo ne anu xavinu mutiatila noxilo. Anu itema mutiatila ia eni amitema vitanisi mo alaixe so atavulenu lasuou uasi. Anu itema xavinu mutiatila noxilo mo loxo u'oxonu ilixo so ukelenixa'a tamitema la anu u'oxonu no anu Ulenu Laixe xe navu.

Luku 3:16

Laso Tioni mukolinu tali'i noxi'a ne aloxo 'o, “Loxo eni la akeleningenge no anu lexasi. Ia Itema ane une'e ili'i noxilo ne anu xavinu mutiatila noxilo. Anu itema tila ia eni amitema vitanisi. Xaixai vile so loxo alulusou lamotasou lasuou ne eni alaixe umomomo so a'oxonu to uasi. Laso noxou la ukeleningenge noxou Ulenu Laixe xe no anu navu.

1 Kolini 12:13

Xo Ulenu Laixe e vilesisi ne, muke­leninenge mupitanenge vilesisi so texali vasimolu Kalaisiti. Loxo nenge Taiuta xe Takiliki xe tami­tema so xaixai vitanisi xe nenge ane taxolu lalavulusi, nenge muka­lusi ne tepita no anu vasimolu. Mo nenge mukalusi loxo teie no anu Ulenu vilesisi ne xo anu a uxolu noxinge mukalusi.

Taitusi 3:5

Sila maixene anu mupamaulinenge. Mupamauli­nenge ia tava'u noxinge uasi xo nenge ta'oxonu mi vile ulapu uasi. Mi ne, mi so alauna noxou xo ukolinu susu noxinge uasi. Anu mu'ulosinge mo muxalinenge ta'olu ta'alavua noxou Ulenu Laixe.

Maki 1:8

Loxo eni la akeleningenge no anu lexasi ia anu la ukeleningenge noxou Ulenu Laixe.”

Ta'aposeli 19:4

La Polu muvikala lexe, “Tatei la Tioni mu'oxonu ilixo so lexa noxi'a tamitema ane mixiunu opone'i so susu noxi'a mo mi'isalilinoxu noxou Mosinge. Mo muvikalane'i lexe ane'i ilopala noxou itema ane uili'i noxou. Itema e Tioni mulemolu ne, anu Iesuasi.”

Ta'aposeli 10:45

La ane'i talopala Taiuta ane oli'a Pita mine'e milomu lexe ane'i mivi­vikala no anu vaikala iouiou xe mi'itinu Mosinge ualasou. Milomu axone la mikuluke mo mivikala lexe, “Ai ngamalei, Mosinge munixi'u Ulenu Laixe muxali noxi'a tamitema noale'ale kalumo.”

Tioni 1:31

Eni melo atongonu tei lexe ena'ei ane uasi. Ia tava'u eni ene'e mo e'oxo ilixo so kelele no lexa a so ngingi Ta'isilaeli ngalamana noxou.”

Matiu 3:6

Mine'ene'e noxou xe ane'i ta'ei milamana no anu susu noxi'a la milemolu. Laso Tioni mu'oxo ilixo anene so mukelenixa'a no lexa Tiotani ne.

Tioni 1:26

La Tioni mukoline'i lexe, “Eni akelenixa'a no lexasi, ia itema vile a ututulu no taingengi ane ngalavusou to uasi.

Tioni 1:33

Loxo eni melo la atongonu uasi. Ia anu ane mupa­lusilo ene'e so a'oxo ilixo so akelenixa'a tamitema no lexa, la anu molu muvikalaleli lexe, 'Loxo nini namaisou Ulenu Laixe ulu'e uai noxou itema aneva, la anu mosou e so ukelenixa'a tamitema noxou Ulenu Laixe ane.'