Ta'aposeli 1:11 - Ata New Testament

¹¹ “Ai, tamitema so Xalilio, loxova so ngatulu ngasaxi utelo vitanisi aloxone? Mosinge muno'u Iesua no taingengi alala'e 'o so ulaixu teitexi no tualasou. Ia ili'i la anu ulivu une'e no anu vote'i ane loxo ngemai­sou mutelai no anu 'o.”

Ta'aposeli 1:11 Referans Kwoze

Mupala'a 1:7

Xo ngalomu, ngasaxi utelo. No voxo loxo une'e la upolo no anu sauma ulu'e. Une'e la tamitema mukalusi imaisou no anu ie'i lavo'onusi. La ane'i ane mito'omolu vasimolu la imaisou kalumo. La tamitema no anu lailaili mukalusi no lialia 'o ixavutala mo itatama­sou. Mi anene uxali manina ane.

1 Tesalonaika 4:16

Xo aloxo 'o. No voxo anene la xoli toxoxu xe tila noxi'a ta'angelo talaixe uvikala xe piuka noxou Mosinge utama la Tatananenge molu no tualasou ulu'e. Ulu'e laso tanoxou Kalaisiti ane misoisoli la itulutulu tei.

Maki 13:26

Laso ane. Tamitema imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Tioni 14:3

Eni alai so alalaxinu tualasinge, xo laso eni alivu ane'e so ano'ingela. Ano'inge so nenge'a talai taxolu tualasinge vilesisi.

Matiu 25:31

Ioxe, Iesua muvikala aloxo 'ola, “Voxo so lailivuxu Itema ane molu noxou Mosinge la une'e aloxo kingi. Xo une'e la oli'a ta'angelou mukalusi so utalupexa no anu sia kingi noxou.

Matiu 24:30

Mukalu la sosovosou Itema ane molu noxou Mosinge upa no loxotolo la tatemanu xale lialia mukalusi itatama. La ane'i imaisou Itema ane molu noxou Mosinge une'e no anu sausauma. La une'e no anu xavi mo iaxu tatila.

Matiu 16:27

Xo Itema ane molu noxou Mosinge une'e ili'i no anu iaxu Momu. Une'e la oli'a ta'angelou so ukoline'i tamitema u'isalili no anu ilixo noxi'a.

1 Tesalonaika 1:10

Mo ngaxolu ngaxomaiou lailivu noxou Olu. Olu Iesua e musoli ka Mosinge mutulusou mupamaulinu mo a uxoxolu no tualasou. Ngaxo­maiou lailivu noxou xo anu so u'umenenge no anu la'ia noxou Mosinge e upala'a ili'io.

Luku 21:27

Sila no voxo anene tamitema imaisou Itema ane molu noxou Mosinge upolo no anu sauma une'e, la no anu xavinu mo iaxusi.

Ta'aposeli 13:31

Mo ili'i no anu soli noxou voxo tapiena ane'i tamitema se'i mimaisou. Tamitema ne ane'i tamenexu e oli'a milutu ne Xalili milai ne Ielusa­lemo tatei. Vaimomo 'o nexi noxi'a tamitema ne taa'aloxu noxi'a laili noxixe Ta'isilaeli xo nexi mexe temaisou no iexisi.

Luku 24:5

Misaxisi'a laso ane'i tane'i kalaua mo mitangatulu. Ia tatamei ne mivikalane'i lexe, “Axova so ngakamulinu anu ane mumauli no taine'i tamitema so soli 'o?

Ta'aposeli 3:12

Pita mumaisi'a milasi mine'ene'e axone, la anu muvikala lexe, “Ngingi Ta'isilaeli, ngakuluke molu mi 'o xo ma'ia? Mo loxova so ngamatakisixe loxo ne? Xo nge'oxo lexe nexi mexe xavinexi o nexi tamitema malema­lenga no iou Mosinge laso tepai­pounu itema umuamua'i 'o? Ne? Uasi to. Nexi mexe uasi.

Ta'aposeli 2:7

Ane'i Taiuta so tuatuala nopaxapaxa ne tane'ilili mo mivikalane'i ngato'o lexe, “Ai tamitema ano'o so Xalilisi.

Maki 14:70

Ia anu muvikalala lexe, “Uasi to, eni uasi!” Xe mixolu sevilela la tamitema ne mivikalanu Pitala lexe, “Ai manina, nini vile noxi'a. Xo nini itema Xalilisi ane.”

Matiu 16:28

Eni avikalangengi manina aloxo 'o. Se'i noxinge ane nenge'a tatulu 'o, isoli uao la imaisou Itema ane molu noxou Mosinge une'e mo upala'a no anu tanixu kingi.

Maki 16:19

Ioxe, Tatananenge Iesua mupelototosi'a mukalu la anu mutelai muxali no tualasou Mosinge. Muxali, la mutalupexa no avolu Mosinge tema.

Ta'aposeli 1:2

Mo mune'e muxali no voxo ane Mosinge muno'u muli­vunoxu no tualasou. Mulivunoxu, ia tei la Iesua mupelototosi'a ta'apo­seli ane muiloune'i tatei. Mupelototosi'a la no anu xavi noxou Ulenu Laixe.

Ta'aposeli 1:9

Ioxe, Iesua muvikalane'i axone mukalu la ane'i a isaxisousio la anu mutelai. Mutelai sila sauma vile musu'asou mole imaisoula ua'.

Ta'aposeli 1:22

Usoko'u no voxo loxo Tioni mu'oxonu ilixo so mukelenixa'a tamitema no lexa mune'e avile no voxo so Mosinge mulivunoxu Iesua mutelaixu. Nenge tasosovosou itema vile ane mumaisou mimi anene mo so noxou taa'aloxu Iesua. Taa'aloxu, la taa'alo lexe Mosinge mupamaulinu mu'umenu no anu soli.

Ta'aposeli 3:21

Ia vaimomo 'o anu a uxoxolu no tualasou Mosinge so uxomaiou voxo ane Mosinge musoso­vosou lexe anu upaipounu mimi mo ulivunoxu uxolu laixe loxo tei manina. Mosinge molu muvikala axone no anaxa'a tapolo­petiou tatei.

Ipilu 9:28

Ioxe, noxou Kalaisiti la anu axone kalumo xo mupilixinu mauli noxou alaxu vilesisi so utavulenu susu noxi'a tamitema latala. Xe ili'i la anu upala'a alaxu tameisoula, ia so uxexenu susula uasi. Une'e so uno'a ane'i ane opone'i ututuluou lailivuxu.