Pilipai 4:9 - Ata New Testament

⁹ Laso ane, mi ma'ia epela'ingexu xe ngekasou laixe mo mi ma'ia ngelomusilo elemolu mo ngemai­silo e'oxonu, la ngamulimulinu axone utotomusi. La anu Mosinge e mosou xoluxolu lalavulusi a uxolu noxinge ne.

Pilipai 4:9 Referans Kwoze

Tiemisi 1:22

Mo vaikalaou ngeno'u ne la ngalomuxusi. Xo loxo ngalomusou vitanisi ia ngamulinu uasi la anene ngingi ngakalavoingengisi ane.

Pilipai 3:17

Ioxe tavivilo, ngingi mukalusi ngamulinu ilixoleli. Xe ane'i ane mimaisou muamua'i noxixe loxo pikisa ka mimulinexi no anu, la ngautitii'a so ngano'u lavulavu noxi'a.

2 Pita 1:10

Laso ane tavivilo, xavingengi avile so ngapala'anixu no anu ilixomengi lexe anu manina, anu mu'avalinge mo muiloungengi lexe ngingi tamitemaou. Xo loxo ngamaxa'u lexe mi ne maninasou, la vote'i so ngatulatulaki no anu lopala na'a ngingi uasi.

Tioni 13:17

Ioxe, laso loxo mimi ano'o upalasi noxinge la anu laixe noxinge loxo ngamulinusi.

Pilipai 4:7

Xo axone la Mosinge u'oxonu opongengi uai se'isisi e se'isisi. Vote'i so mi ne axovaio, xo uua'ulixu xavutalamenge avile? Ia tava'u xo ngaxolu noxou Kalaisiti Iesua, laso xoluxolu lalavulusi ulosinge ne uutululunu opongengi ilou tangengi.

Lomu 16:20

Xo anu voxo alaimanasi so Mosinge ukalusou xavinu Uluaou. Ukalasou mo anu Uluaou uxolu no langenge ane. Laixe, xo Mosinge u'oxonu xoluxolu noxinge lalavulusi mo iaiama noxou Tatananenge Iesua uxoxolu noxinge.

2 Kolini 13:11

Ioxe tavivilo, telexu aloxo 'o. Ngingi nga'osa xe xoluxolungenge laixe loloni xe ngaxamulinu mamatola xe opongengi vilesisi mo lexa noxinge ngato'osi. La Mosinge e mosou sexela ilou xoluxolu lalavulusi a uxolu noxinge ne.

Luku 6:46

Mo musolonu lexe, “Axova so ngamoxomoxo'ilo lexe, 'Tatana­nexi, Tatananexi,' ia ngalomuxu vaikalaxeli to uasi?

Matiu 28:20

Xe ngavotone'i lexe imulinu pelototo ane epilixinu noxinge mukalusi. Mo ngalomu, eni axolu noxinge utotomu xo mo ulai uxali avile no anu kaluxusou lialia 'o.”

Matiu 7:21

Tamitema tavu'alo manina ilavusou ivikala noxilo lexe, 'Tatananexi, Tatananexi,' Ia avikalangengi lexe no voxo so Mosinge molu u'uli laxune'i tamitemaou no tualasou la tavu'alo noxi'a ane mimoxo'ilo axone ixolu nonano to uasi. Xo ane'i ta'ei ane imulinu masaxa noxou Mamilo e uxolu no tualasou, la ane'isisi i'unalai ixolu no voxo ne.

2 Tesalonaika 3:4

La no oponexi nexi talavu manina lexe Tatana­nenge usu'ulingengi mo so no anu pelototo noxixe la ngingi a ngamulinu vaimomo 'o xe ili'i kalumo.

1 Tesalonaika 1:6

Ioxe, texolu xe ngekasou vaikalaou lexe manina sila ngetavulenu tu'utu'umaxusou tavu'alo ne. Ngetavulenu tu'uma­xusou ia Ulenu Laixe mu'avutinoxu osa no opongengi. Laso ngingi ngeuanenexe noxi'a Tatananenge.

1 Tesalonaika 5:23

Xe nexi talinga noxou Mosinge e mosou xoluxolu lalavulusi aloxo 'o. Anu uxalixu xoluxolungenge malemalenga avile. Mo anu uutululunu ulengengi mo tangengi mo vasimenge so xoluxolu noxinge pumuxusi. Mo so no voxosou lailivuxu Tatananenge Iesua Kalaisiti la mi vile masua uxolu noxinge uasi.

Lomu 15:33

Ioxe, eni apilixingengi noxou Mosinge so anu uxolu noxinge mo umamatolangengi. Vaikala ano'o maninasi.

Tioni 2:5

Ia nenu mivikalane'i tami­tema so xaixai no anu tani lexe, “Loxo uvikalangengixu mi ma'ia la nga'oxonusi.”

Luku 8:21

Ia anu mukoline'i lexe, “Tamitema ta'ei ane ilomusou vaikalaou Mosinge kaio imulinu, la ane'i tavivilo mo tanenilo ane.”

1 Tesalonaika 2:14

Xe tavivixe, ngingi ngexali loxo tatemanu pitapita noxou Mosinge ne Iutea. Ane'i e ixoxolu noxou Kalaisiti Iesua. Xo ane'i mitavulenu tu'umaxu no avo'a Taiutala. La ngingi axone kalumo xo navunavu ane ngetavulenu ne noxi'a tatemanu tualasingela.

1 Kolini 10:31

Laso no anene la avika­langengi aloxo 'o. Loxo nga'ani o ngaie o nga'oxonu mi ma'ia la nga'oxonu so uxalixu mi vilesisi. Ane so uxalixu Mosinge ualasou utilasi.

Ta'aposeli 9:6

Nini natulu ka na'unalai no tuala Tamasikusi 'o. Mo naxolu xe ili'i la itema vile ulemolu mi ma'ia so na'oxonu.”

2 Timoti 4:22

Tatananenge a uxolu no anu uleneni xe iaiama noxou usu'asinge ne mukalusi. Anu anesi.

1 Kolini 14:33

Xo Mosinge ne u'osasou mi ane vuluvulusi uasi. Anu uma­saxau mimi ane ulapau se'isisi laixe. No anu pitapita mukalusi noxi'a tami­temaou Mosinge u'isalili la ane'i imulinu axonesi.

Tioni 15:14

Mo ngingi loxo ngamulinu voto e epilixinu noxinge 'o la ngingi tamenexilo ane.

1 Tioni 3:22

Xe axone la anu ulosinge mi ma'ia talingau noxou xo talomuxu voto noxou mo ta'oxonu mi ane u'osasousi.

Matiu 1:23

“Vua­nga vile ane ilai noxou mulu vile uasi la opone. Opone la ivo'onu ilie mulu la tamitema imoxo'u lexe Imanueli.” Uala ne laxu lexe Mosinge a uxolu noxinge 'o.

1 Kolini 4:16

Eni ama­minge laso atama pakia'u noxinge aloxo 'o. Ilixoleli axova la ngamu­lileli no anu.