Pilipai 4:1 - Ata New Testament

¹ Laso tavivilo, ngatulu pumu­ngenge noxou Tatananenge. Eni asexelangenge misevile mo opo­leli utama so amaisinge. Eni a'osasinge manina xo ngingi loxo palaisi na'a xeli ane esoa so axalisou.

Pilipai 4:1 Referans Kwoze

Pilipai 1:27

Ioxe, mi e mutiatila aloxo 'o. Xoluxolungenge laixe umomomo no anu vaikala laixe so Kalaisiti. Laso loxo ane'e amaisinge o loxo alomusou a'alosingesi la alavu manina lexe ngingi ngaxolu tangengi pumuxu mo vilesisi. Xe masaxa noxinge upita ka ngasoa vilesisi so ngalapune'i tamitema ilopalanu vaikala laixe nesi.

1 Kolini 16:13

Ngingi ngalaxa'i laixe. Ngatulu pumungenge no anu lopala noxinge. Xoluxolungenge loxo tamitema ane tane'i mukalu, nga'ume uasi.

Pilipai 2:16

Xe ngatolosou vaikala so mauli noxi'a. Mo so no anu voxo noxou Kalaisiti olele la tava'u osa noxilo a ngingi nesi. Xo upala'a lexe eni esoa mo sasaieli no taingengi, la epuleli uasi.

1 Kolini 15:58

Laso tavivilo ane asexela­ngenge ne. Ngaxolu pumunge­ngesi, nga­vaxa ngane'e no anu lopala noxinge uasi. Mo loxo nga'oxonu xaixai noxou Tatana­nenge la xavinge­ngiousi. Xo ngalavu lexe ngaxolu noxou Tatananenge laso xaixai noxinge ne ulapau vitanisi uasi.

Pilipai 1:8

Mosinge molu mulavu lexe vaikalaxeli 'o manina. Eni talelingenge misevile no anu sexela noxou Kalaisiti Iesua mu'isalili.

Ipilu 10:23

Xe mi ane nenge tapala'anixu lexe talopalanu taxomaiou la tasasalo no anu uasi, takamakulunu pakia'u. Ia xo ma'i, xo anu ane muvavalimasou la utotomu uxalixu nene'axu vaikalaou ane.

Lomu 2:7

La tamitema se'i ne, opone'i ututuluou ilixo laixe. Xo ane'i opone'i utatamasou vote'i so xoluxolu laixe no tualasou Mosinge. Xe imasaxau lexe anu uvikalasi'a laixe mo uvikala lexe isolila uasi. Laso tamitema axone la anu ulosi'a mauli kaluxu uasi.

Tioni 8:31

Ioxe, Iesua muvikalane'i Taiuta ane milopala noxou ne lexe, “Loxo ngaxoxolu avile no anu vaikalaxeli la ngingi ngaxolu tatisaipelixeli manina ane.

2 Timoti 2:1

Ioxe laso alixeli, utotomu na'ita­loneni mo so iaiama noxou Kalaisiti Iesua u'oxonu pakia'ine.

Pilipai 2:26

Apalu­sou ulivu xo anu oponu utama lexe umaisingela. Anu muuali xo mulavu lexe ngingi ngelomusou a'alo so siki noxou.

Ta'aposeli 11:23

Vanavasi mulutu xo xe muxali la mumalei lexe nene'axu iaiama noxou Mosinge muxali noxi'a Ta'anitioki. Mumalei axone la anu mu'osa misevile mo mupelototosi'a talopala ne lexe ane'i masi opone'i ututulu noxou Tatananengesi.

Ta'aposeli 2:42

Ioxe, mixolu la opone'i mutu­tulu so ilomusou votovoto noxi'a ta'apo­seli xe so isu'uline'i ngato'o xe so ipita ivelunuxa'a pileti xe so ivikala noxou Mosinge.

2 Pita 3:17

Ioxe tavivilo ane asexela­ngenge, ngingi a ngalavusou mimi ne lumamo, laso ngalaxa'ingengi laixe. Xo loxo 'o io kalavoi noxi'a tamitema so xilili ulapungengi mole ngatulu pumungenge no anu lopala noxinge la ua'.

Ipilu 4:14

Ioxe, pilisiti tatila na'a nenge u'uli'uli avile ne mu'unalai no anu tasou Mosinge mukalu. Anu Iesua e Mosinge Olu. Laso lopala na'a nenge talemolu la tatetelisou pakia'u.

Ipilu 3:14

Ia nenge ane lopala na'a nenge manina musoko'u no tava'u mo uxolu avile umo­momo no anu telexu olele, la nenge tamitemaou Kalaisiti maninasou ane.

2 Tesalonaika 2:15

Laso tavivixe, ngatulu pumungenge mo ngakamakulunu vaikalaou Mosinge ane tepilixinu noxinge. Vaikala anene tepilixinu noxinge no anu ananexe o no anu lapalapasi.

Kolosi 4:12

Epavilasi e anu vile noxinge ne anu kalumo mukalanu aso noxinge. Anu itema so xaixai noxou Kalaisiti Iesua mo utotomu xavinu so upilipilixingengi noxou Mosinge. La ulinga noxou lexe ngatulu pumungenge avile no anu lopala mo ngalavu manina no anu masaxa noxou Mosinge.

Xalesia 5:1

Ioxe, Kalaisiti mu'umenenge no anu mi e mukalavusunenge tei mo so taxolu lalavulusi. Laso ngatulu pakia'inge mo nga'italongengi so tamitema iuauoingenge ka ngalivu no anu xoluxoluxa'a tasilevi mamu.

Ta'aposeli 14:22

Ilou milivu no tuatuala ne so i'oxonu pakia'a talopala. Mipelototosi'a lexe, “Ngingi masi ngaxolu pakia'inge no anu lopalasi. Xo nenge'a ane so ta'una taxolu no voxo loxo Mosinge molu u'uli laxune'i tamitemaou, ia no vote'isou 'o la tatavulenu tu'umaxusou tavu'alo.”

1 Tesalonaika 3:13

Mo axone la u'oxonu xoluxolu noxinge pumuxu mo malemalengasi. Laso voxosou lailivuxu Tatananenge Iesua oli'a tamitemaou mu'isalili la Mosinge anu Maminge utongongengi lexe mi vile masua noxinge uasi.

Matiu 10:22

Xe loxo ngingi, la tamitema opone'i umatapiangengi xo ngingi tamitemaxeli. Ia ngingi ngaxolu pakia'inge xo mo uxali no anu voxo kaluxusou xo ngingi ngaxalisou pamauli ane.